Versets bibliques populaires de मत्ती 15

Partager

पण जखी बाता मिनखा का मुंडाऊँ बारनै निकळै ह बे बाता बाका हियाऊँ आवै ह अर बेई मिनखानै सूगलो करै ह। क्युं क हियाऊँ बुरा बिचार, हत्या, रंडीबाजी, कुकरम, चोरी, झूठी गुवाई अर बुराई निकळै ह।

मिनख मुंडा म जोक्यु बी खावै ह बो बिनै सूगलो कोनी करै, पण बिका मुंडाऊँ निकळबाळा सबद बिनै सूगलो करै ह।”

“अ मिनख होठाऊँ तो मेरो मान करै ह; पण आको हियो मेरूँ बोळो दूर ह। अ बेकार म मेरी भगती करै ह, लोगा का आदेसानै धरम की सीख बोलर सीखावै ह।”

ईसु बिकी इ बातनै सुणर बोल्यो, “हे लूगाई तू बोळो बिस्वास करै ह। इ ताँई जा जंय्यां तू चावै ह बंय्यांई तेरै सागै होवै।” अर बिकी छोरी जदकी जदई निरोगी होगी।

जणा बा लूगाई ईसु क आगै गोडा टेक अर हात जो'ड़र खई, “ओ परबु मेरी मदद करो।” ईसु बिऊँ बोल्यो, “टाबरा की रोटी गंडक्ड़ा क आगै गेरबो चोखो कोनी।” जणा बा बोली, “आ तो सई बात ह परबु, पण मालिक की थाळीऊँ बचेड़ी झूठ गंडक्ड़ाई तो खावै ह।”