Versets bibliques populaires de मत्ती 18

Partager

क्युं क जठै दो नहिस तीन मेरै नामनै लेबा ताँई भेळा होसी जणा म बठै बाकै सागै होस्युं।”

अर म थारूँ सची खेऊँ हूँ ज दो मिनख इ धरती प एक मन होर मेरा परम-पिताऊँ जखो ईस्बर नगरी म ह बिऊँ जोक्यु माँगसी जणा बो देसी।

जणा ईसु एक टाबरियानै कनै बुलार म्हारै बिचमै खड़्यो कर्यो। अर बोल्यो, “म थारूँ सची खेऊँ हूँ ज थे थारी सोचनै बदलर इ नान्या की जंय्यां कोनी बणो जणा ताँई थे परमेसर का राज म कोनी बड़ सकोगा।

इ ताँई जखो बी इ नान्या की जंय्यां नरमाईऊँ जीवन जीवै ह बोई ईस्बर नगरी राज म सऊँ बडो होसी।

अर जखो इ टाबर की जंय्यां का टाबरानै मेरी बजेऊँ अपणावै ह बो परमेसर की नजर्या म मनै अपणावै ह।

म थानै सची खेऊँ हूँ जोक्यु तू धरती प बंद करसी बिनै परमेसर ईस्बर नगरी म बंद कर देसी अर जोक्यु तू धरती प खोलसी बिनै परमेसर ईस्बर नगरी म बी खोल देसी।

इ ताँई ज थे बी थारा पाड़ोसी भाईड़ानै मनऊँ माफ कोनी करस्यो जणा मेरो परम-पिता जखो ईस्बर नगरी म रेह्‍वै ह बो बी थारै सागै बंय्यांई करसी।”

“पण मेर प बिस्वास करबाळानै पाप म गेरबा को ज कोई कारण बणै ह। जणा बि ताँई चोखो ह क बिकै नाड़ म घरट घालर समदर क मांयनै गेर दिओ जावै।

म थानै बुजूँ हूँ ज खिकन सो लल्डी हो अर बामैऊँ एक लल्डी गुमज्या जणा बो बा निन्याणमनै डूँगर म छोडर बि लल्डीनै ढुंढबा कोनी ज्यासी के? बो पक्कोई ज्यासी।