Versets bibliques populaires de 1 Musa 27

Partager

Allamaa Alla ye komboo jindi naŋ santo ka i la kunkoo jambandi, fo i la fiifeŋolu si kese kendeke, aniŋ i la wayini yiroolu si diŋ kendeke. Allamaa lasili koteŋolu ke la i la dookuulaalu ti. Allamaa moo koteŋolu ye ke i buuñaalaalu ti. Allamaa i ke la i baadiŋolu maralaa ti, aniŋ Allamaa ì ke la i buuñaalaalu ti. Dankoo ye tara moo-wo-moo ye, meŋ ye i danka, aniŋ neemoo ye tara moo-wo-moo ye, meŋ ye neemoo daani i ye.”

Bituŋ Esawu kumata ko, “Ñiŋ neeneeri kuwo le ye a tinna baŋ ì ka a kumandi Yaakuba la? Ñiŋ ne mu a siiñaa fulanjaŋo ti, a be n neenee la. Foloo-foloo, a ye n na diŋ folooyaa makaamoo taa, saayiŋ tukuŋ a fele, a ye n na neemoo fanaa taa.” A tententa ka a fo a faamaa ye ko, “Fo i maŋ neemoo duwaa doo tu m fanaa ye jee baŋ?”

Wo le to a faamaa Isiyaaka naata a fo a ye ko, “I niŋ banku jambandiriŋo teemoo be jamfa la ñoo la le. Komboo te bo la ka jii, i be bankoo meŋ kaŋ. I be baluu la niŋ hawusaroo* le la. I be ke la i doomaa ye dookuulaa le ti. Bari niŋ i keta balannaa ti a bulu, i be bo la a la maroo kono le.”

Esawu ko a faamaa ye ko, “M faa, fo ite ye neemoo daaniñaa kiliŋ doroŋ ne noo. M faa, neemoo daani nte fanaa ye.” Bituŋ Esawu kumboo kaŋo wulita santo, a kumboota.