Versets bibliques populaires de Yòwanìrzɛ̀ 2

Partager

Manù mànyakà ndi ma hwèlì embànelì ya wòrzò, ya hwètàmìrzèlèlì ya ama Yerzù ema à mà gbeye ò mbòwà ya Kena, ò erzòòkà ya Galìlì. Anu ndi à mà awùlùhwɛ èluhwe ya eni rzìi Hwà-òkòwèlì hwa eni hwa ika lìlòkɛ̀ lì awu na mɔ̀.

Yerzù à mà mò alàhwɛ̀ nanù ema, “Ìi mòlanà kòkò, ò rza àŋgàmɛ̀nɛ̀ lì nò òhweyà mamɛ ema na hwɛni lì gbeyà. Ndi e hvònda ya ami e rzi ɔlɛyi.”

Yerzù rzìi a òhweyà hwaŋga hwàgbèèlì hwa ndèma nanù ema, “È òndìrzɛ̀ hwenè hwèyɔ̀ŋgɔ̀ na màlìhwa.” O èŋgànɛ̀lɛ rzɔ̀ hwà mà hwe òndirzɛ natɛ̀ɛ na ò njɛ̀ŋgɛ. Rzìi à hwa òhweyà nanù ema, “O naŋgɛ nanù, e kòohwe lòŋgò, e ɛ̀ndɛneya e mɔ̀ɔ̀ŋgèlì hwa hweleelì na hwènyɔ̀ɔ̀nì.” Hwàŋga hwàgbèèlì hwà mà gbeyà nanù.

Yerzù rzìi a hwa alàhwɛ̀ nanù ema, “È wùùlɛ ène ndawò yà Lohwà. Imba na e òŋga hvɛ ò hweyu hweyàwò.”

Ò èŋgànɛ̀lɛ̀ rzɔ, Yerzù à mà òŋga hvònji nà mɛ̀yɔ̀lì, rzìi à è hvàyanà hwaŋga hwatò hwa arzɛ, nà mɛ̀ɛ̀lɛ̀ŋgù nà inyàkà ò eŋge ndawò yà Lohwà. À mà wùùlɛ̀ wòkòndò wò hwaŋga hwatò ema hwa mà hwɛ lì kenjirzɛ wòkòndò nà lì nòŋgòlɛ̀ hvɛ itèhwèlì ema hwa mà hwɛ lì kenjirzɛ wòkòndò hwa awu ò ŋmanyu. À mà òhwèyà hvɛ hwaŋga hwatò ema hwà mà hwɛ lì àhwirzɛ̀ imbèŋga nanù ema, “È ulɛ hwenè hwema anù. Nɛ rzɔ inyɔ e tànɛyi lì timbirzɛ e Ndawò ya ama Tatɛ̀ wa ami èki ya èlùwà e?”