Versets bibliques populaires de Luk 6

Partager

Ka anɛ, nɔngɔ Ɛshɔwɔ tɔb ka. Gɔ ɛlɔgɔlɔgɔ, arɛ lim ɛblɔgɔ gbalɛgbalɛ ka anɛ, nɔwɔ Ɛshɔwɔ kpetɔb lim gbalɛgbalɛ ka ror fad. Ɛjom ji a kɔ nɔ garɛ ɛjom ka anɛ nɔwɔ Ɛshɔwɔ kpe tɔb kɔ garɛ ka.”

Ɛtinge nɛ kpejɔ lim atinge nshɔl nya liyɛ gɔ ɛbtem; ɛbi nɛ kpejɔ lim abi nshɔl nya liyɛ gɔ ɛbtem. Teb rɛ nshɔl nyi wɔb nɛ gɔ ɛbtem nyanu nya nyɔ kpejɔ bung.

Rɛ jɔl nɔ! Bɛl ɛbkɔrɔ ka anɛ ba ɛjang ɛba wɔ lim ɛbnɔbɔ ka bɔ; bɔng bɔ nshɔl kǝ shɛb ɛjom ajingajingɛ gɔ nfɛrɛ. Ɔwɔ a le bɛl njijɔg a ntoro, nfɛrɛ jɔl abɔnɔ Ndɛ nɔ Gbalɛ Shing. Teb rɛ yɛ kpe ɛbnɔbɔ ka anɛ ba nfung na anɛ ba abi ntem.

Bɛl ɛbteme ndɔn na Nshɔja kpe ɛbteme ndɔn.

“Kǝ lam wan anɛ, nɔngɔ Ɛshɔwɔ kǝ tɔb lam wan; kǝ kim ɛbe ka anɛ nɔngɔ Ɛshɔwɔ kǝ tɔb kim ɛbe ka wan; tam ka anɛ nɔngɔ Ɛshɔwɔ tɔb tam ka.

“Wɔ ntɔng wan ba kpim wogo: nɔngɔ nɛ ɛjang ɛwa kɔra, lim ɛbnɔbɔ ka anɛ ba akǝjɔlabɔ kɔr, folo anɛ ba kpa shogo, wɔ kagɛ ɛrɔ ka anɛ ba kpa kagɛ ɛrɛm.

Lim ka anɛ naji ashɛbɛ rɛ bɔ tɔb lim ka.

Rɛjɔlarɛ nɛ ruma gɔ ɛkpɔgɔ abɔng, shingɛ ɛkpɔgɔ bǝgɔ kayɛ fufɔ; rɛjɔlarɛ nɛ kɔ ɛlamɛ njam ɛja, kayɛ ɛlamɛ atang ɛja kpɛlɛ. Nɛ awɔngawɔngɔ nɔ rɛlɛma ɛjom kayɛ, wɔ nɛ nɔ rɛ kɔ ɛjom ɛja, kɛ tɔng rɛ afɛrɛ tu ka.

“Ɛtinge ɛte lim ji kpejɔ kab abi akab, ɛbi ɛte fufɔ lim ji kpejɔ kab atinge akab.

Ɛte fig ajingajingɛ bɔ kpejɔ lingɛ gɔ akab nya kpejɔ kab; Anɛ nim jɔ fɔgɔ nkpongɔ gɔ abingong, wɔ bɔ le fɔgɔ nju gɔ amanɛ nyɔ.