Versets bibliques populaires de लुका 6

Partager

आपु ती तुहुंक बी भगवान आपसे, दड़पी-दड़पीन ने हालाड़ी-हालाड़ीन भरीन तुंद्‌रा खुळाम पड़से; काहाकी तीना नाप सी तुहुं नापसु तीनीत नापे तुंद्‌रे वाटे बी नापायसे।

भलु माणुस आपसा मन सी भलाय वात नीकाळे; ने भुंडुत माणुस आपसा मन सी कुहरायन वात नीकाळे; काहाकी जो मनेम भरायलो रहे, चीत वात तेरा मुंहडाम सी नीकाळे।

बाकुन आपणा वेरी सी परम करु, ने तींद्‌री भलाय करु, ने मे काहलाक काजे उधार आपीस, ती चु उधार आप्‌लो चो पछो नी आपे, असी आस करीन उधार आपु। ने तीत तुहुं काजे बेसकु मटु ईनाम जड़से; ने तुहुं आखान डाहला भगवानेन पुर्‌या-पारी बण जासु, काहाकी भगवान तींद्‌रे पर बी दया करे, जे भगवान धड़े सी हात करीन बी भगवान काजे बेसकु वारु छे नी कह्‌वे, ने तींद्‌रे पर बी दया करे, जे कुहराय कर्‌या करे।

जसु तुंद्‌रु सरग वाळु भगवान बास दयाळु छे, तसात तुहुं बी दयाळा बणु।

ने काहनाक बी नीयाव मां करु, ती तुंद्‌रु नीयाव नी हवे; तुहुं कुय पर गुनु मां लागाड़ु, ती तुंद्‌रे पर बी गुनु नी लागाड़े। दीसराक माफी आपु ती तुहुंक बी माफी जड़ जासे।

“बाकुन मे मारी वात सामळने वाळा काजे कह्‌वो: आपणा दुस्‌मन सी वारु रहु; जे तुंद्‌री कुहराय करे, तींद्‌रो भलो करु।” जे तुहुंक सराप आपे, तीनुक तुहुं बरकत आपु। जे तुंद्‌री वात कहीन तुंद्‌रु अपमान करे तींद्‌रे वाटे दुवा करु।

ने तीना वेहवार काय दीसरा धड़े तुहुं चाहु की चु वेहवार तुहुं दीसरा साते बी कर्‌या करु।

जो तुंद्‌रा एक गाल पर थापड़ देय, तेरे भीणी दीसरु गाल बी फेरवी देजु। जु तुंद्‌रु कुट बी हापके हीनाक आपणु कुरतु बी लेणी देवु। जु तुंद्‌रे धड़े मांगे, ती तीनाक तुहुं आप देजु, ने जु तुंद्‌रे धड़े तारी चीज हापकी लेय, तेरे धड़े पछु मांगणेन हेर मां करु।

असो काहनो बी वारलु झाड़को नी हय, तेरेमां रीकामो फळ लागतो हय, ने असो काहनु बी रीकामु झाड़कु नी हय, जो वारलु फळ लावतो हय।

आखा झाड़कान उळखाण तींद्‌रा फळ सी हये। काहाकी माणसे काटाळ्‌या झाड़काम सी, अंजीरेन फळ नी तुड़े; ने काटाळ्‌ळा झाड़काम सी अंगुरेन फळ नी तुड़े।