Versets bibliques populaires de Génesis 4

Partager

Ta watxꞌ tzet jix ja wunne, tzalacꞌulal mi yili ja sat catuꞌ chach eqꞌui. Yu cꞌal tol pena tzet jix ja wunne, yuxan jaꞌ spenail tuꞌ tꞌanan xacꞌal oc ja win yet oj jaach eyqꞌuey yu, asan xin, chi to skeꞌ ja wakꞌon eyqꞌuey jun spenail tuꞌ, ẍi Jehová.

Jaꞌ naj Set tuꞌ, jix ali jun scꞌaal, jix yakꞌon yij sbꞌi Enós. Jatax yet jun tiempoal tuꞌ jix ẍaꞌon el yich yoc ebꞌ ánima yin eyilal tet Jehová.

Jix lawi tuꞌ, jix skꞌanlen Jehová tet naj Caín tuꞌ jaxca tiꞌ: —¿Bꞌeytuꞌ eyoc naj ja wuẍtaj Abel? Catuꞌ jix takꞌwi naj Caín jaxca tiꞌ: —Man wotaj oj. Tumi yilomal naj weoc an, ẍi naj tet Jehová.

Jix yalon Jehová tet naj jaxca tiꞌ: —¿Tzet yuxan jix ja makꞌ cam naj ja wuẍtaj tuꞌ? Jaꞌ ẍiqꞌuil naj ja wuẍtaj jix malcantoj sat txꞌotxꞌ txꞌotxꞌ tuꞌ ja wu, jaꞌ chi yal sbꞌa ey jin yet chin naꞌon oc yin.

Catuꞌ jix takꞌwi Jehová jaxca tiꞌ: —Cꞌamaj. Ta ey mactxequel oj jaach makꞌon camoj, jaꞌ jun mactxequel tuꞌ jujel oj ecꞌ spaj tet. Catuꞌ jix ale can oc jun yechel naj yu Jehová, yet watxꞌ ta ey mac chi ẍaꞌle sbꞌa yetoj naj, cꞌam chi makꞌle cam naj.