Versets bibliques populaires de Zenezi 2

Partager

Ãne wa, te za aibâ, timama tina me te te 're rẽme zahuré, timro me si, sina sihâiba sitom haré 're hâimana zahuré mono da oto. Tawamhã te za maparane ihâiba nherẽ, misi dahâiba ne oto siré 're hâimana zahuré.

Taha pari te duré Uburé Danhib'apito hã tinha ãne: — Aibâ siwaprosi 're ihâimana mono da hã wẽ õ di. Tahawa ni'wa te te 're ipawapto mono 'wa da hã wa za tãma 'manha, ihâiba a'âri'wa hã.

Tawamhã Uburé Danhib'apito, ti'a zaprum na ma tô a'uwẽ hã 'manha, aibâ na. Tahawa, isisi're ãma ma tô sa'u, pẽ'ẽzani ré oto 're hâimana mono da. Ãhã wa, te oto ipẽ'ẽzani ré na hã 're hâimana, hâiba ré.

Tawamhã te aibâ tinha, ãne te te 'madâ'â wa: “Ãhãta tô, pi'õ nhi hã, ĩnhi uptabi 'manharĩ, duré ihi hã, tô ĩhi uptabi 'manharĩ. Tahawa, isisi hã za, pi'õ na. E marĩ wa. 'Re ihâimana u'âsi mono, aibâ hâiba hawi te te iwazere na dâ'âsina.”

Tawamhã bâdâ 7 ãma, ma tô iwẽ na hã pisutu, aimawi wazéb zahi na dama 're hâimana mono da hã. E marĩ wa. Taha bâtâ na wa'utu wa, uburé te te aropoto mono pari.

Tawamhã aibâ norĩ, timro me hã ai'uréiwi 're nem nherẽ, sima 're siséb zahuré mono õ di.