IRPHUTNA 5
5
Adama irchihai
(1 Tsn 1.1-4)
1 #
Irp 1.27-28
Hi hi Adama irchihai chuangna bu chu a ni. Pathianin thu ringota mihriam a siam nî khan, Pathianin ama ir-angpuiin ama kha a siama; 2#Mt 19.14; Mk 10.6 Thu ringotin pasal le nupang kha a isiamhai a ni. Thu ringota siam an ni lai khan sat a vurhaia, an irhming khom “Mihriam” a tihai ta. 3Khanchu Adama kha kum 130 a ni kumin, ama irangpuiin nâipasal a neia; a’rhming khom Setha a phuaa. 4Setha a nei zoiin Adama chu kum 800 a la dama nâi nupang le pasal dang a la neihaia. 5Khanchu Adama dam sûng kum chu 930 a ni zoiin a thi tâka.
6Khan Setha khom kum 105 a ni’n nâipasal Enosa a neia, 7Enosa a nei zoiin Setha chu 807 a la dama nâinu le nâipa a la neihaia, 8kha zoiin Setha dam sûng kum chu 912 a niin a ithi a ni.
9Khan Enosa chu kum 90 a ni kumin nâipasal Kenana a neia, 10khan, Kenana a nei zoiin Enosa chu kum 815 a la dama, nâinu le nâipa a la neihaia; 11khanchu Enosa dam sûng kum chu 905 niin a ithi a ni.
12Khan, Kenana khan kum 70 a niin nâipasal Mahalalela a neia. 13khan, Mahalalela a nei zoiin Kenana chu kum 540 a la dama, nâinu le nâipa a la neihaia. 14Khanchu Kenana dam sûng kum 910 a niin a ithi a ni.
15Khan, Mahalalela’n kum 65 a niin nâipasal Jareda a neia, 16khan Jareda a nei zoiin Mahalalela chu kum 830 a la dama, nâinu le nâipa a la neihaia, 17khanchu Mahalalela dam sûng kum chu 895 niin a ithi a ni.
18Khan Jareda khan kum 162 a niin nâipasal Enoka a neia; 19khan, Enoka a nei zoiin Jareda chu kum 800 a la dama, nâinu le nâipa a la neihaia, 20khanchu Jareda dam sûng kum chu 962 niin a ithi a ni.
21Khan Enoka khom kum 65 a niin nâipasal Methusela a neia, 22Methusela a nei zoiin Enoka chu kum 300 chu Pathian le omsuamin, nâinu le nâipa a la neihaia, 23khanchu Enoka dam sûng kum chu 365 a nia. 24#Heb 11.5; Jud 14 Khan Enoka chu Pathian leh omsuamin om ta maka, Pathianin a hruaipai tâk sikin.
25Khan Methusela khom kum 187 a niin nâipasal Lameka a neia, 26khan Lameka a nei zoiin Methusela chu kum 782 a la dama, nâinu le nâipa a la neihaia, 27khanchu Methusela dam sûng kum chu 969 niin a ithi a ni.
28Khan Lameka khan kum 182 niin nâipasal a neia, 29khan, “Hi mi ngêt hin Rengpa khosâl tongna irnêng chunga sintho intaka fâk nêk zong hi, ni sanin irzângtir ngêt a ti,” tiin a’rhming khom Nova#5.29: Nova ti hi Hebraiin, “Changpuina” tihna a ni. a phuaa. 30Khan Nova a nei zoiin Lameka chu kum 595 a la dama, nâinu le nâipa a la neihaia; 31khan Lameka dam sûng kum chu 777 niin a ithi a ni.
32Khan Nova chu kum 500 mi a nia, Nova khom nâipasal Sema, Hama le Jafeta a neihai a ni.
Sélection en cours:
IRPHUTNA 5: HRACLBSI
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.