Yela 14
14
Nɛwɛnyini nyubinikpeɡ wa
Kooro Devid yel
1Gɛnaa yon dɛɛ lii ba nyu bini
kɛŋɔ Korowii toole,
ba waa ta kasinteŋ dɔe,
ba ɛ wechɔɡ-ɛɛra,
bɛlbwa toole dɛɛ ɛ
wedɛɛɡa.#Yel 53:1-6
2Korowii lɔ nyundua,
dɛ ba sie ne harɛ,
dɛɛ nyiŋi nɛwɛnyina
kɛŋɔ bɛl dɔ wejema
dɛɛ nyin o Korowii bɔr
dɛ́ tomɔ.
3Nomɛlbwa berɛ habɔɔ kpoo,
nɛndɛɛɡe bɛlbwa toole
ba bini, bɛlbwa toole
dɛɛ ɛ wedɛɛɡa,
nɛmbeŋkpoŋ kwaraa toole.
4Korowii ŋɔ,
“Amɔ wechɔɡ-ɛɛra
ɛɛ hweli waa yaa?
Banee lawɛ n nɛra baa teŋɛ
n nɛɛ dɛɛ liɡli kɛŋɔ
kondikwa,
baa wola men Korowii soŋe
ŋɔ ń cha ba la.”
5Baa ɔmɔɔ ba bwara ɛɛ sa,
jae Korowii aa ja nɛra
ba wa aa toɡra la nɛɛ wa.
6He wechɔɡ-ɛɛra, he dɛ tɔ
nyaara we-ɛɛla ŋwɛnɛ,
kɛ Korowiirii kpɔ
nɔn dɛɛ tɔ ba nɛ.
7N dɛ soŋe Korowii
waa lɔ Saayɔn kohona,
kɛ o ba lɛ Israel tena!
Dɛ Korowii ɡelɔ
Israel tena dɔ ba te ja aa,
ba sie ɛɛ lɛo kohona
ba hɛɡre!
Sélection en cours:
Yela 14: mzw
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.