Cakirok Gima mako kwoŋ kitawo me
Gima mako kwoŋ kitawo me
Nyingi Cakirok nyutho “Cako.” Kitawo me luwo kwoŋ cwec ma polo gi piny, cakirok pa ji, cakirok ma reco kodi candirok i piny, kodi nger ma Were tiy'iye gi ji. Kitawo ma Cakirok nyalo pokere kadirio. (1) Cakirok ma piny kodi kigana macon ma mako kwoŋ ji. Ka nitie wac ma mako kwoŋ Adam gi Eva, Kayin gi Abel, Nowa gi pi mikula kodi Acurcur ma Babilon (Siro 1-11). (2) Kigana ma mako kwoŋ kwarere pa Joisiraili macon. Marapena obedo Abraham, m'oyido oŋeyere ro yeyo pere gi winjo Were. Kenyo luwo Isaka wod pa Abraham, kodi Yakobo wod pa Isaka m'oyido bende ilwoŋo ni Isiraili, aka wok kwoŋ Yakobo wote apar g'ario ma jocako nonin apar g'ario ma Isiraili. Kitawo me asa luwo kwoŋ acel kwoŋ wot Yakobo, Yozefu, kodi gim'okelo Yakobo gi wote man gi pecin pajo bedo i Misir (Siro 12-50). Kada kucel kitawo me luwo kwoŋ kigana ma mako kwoŋ ji, marapena aka maloyo mere obedo wac ma mako kwoŋ gima Were otieko timo. Cako kodi ridho ni Were ocweyo polo gi piny, aka cowo gi cikirok ni Were lamedo nyutho dewo pere ri ji pere. I kitawo me gipi ŋata luwo kwoŋe tektek obedo Were, ma thumo banja, miyo gir'acula ri ji ma timo gikomo, telo aka konyo ji pere, aka tiro kigana pajo. Kitawo macon me ondiki ma kano kigana ma mako kwoŋ yeyo pa ji kodi kuro yeyo no makwo.
Can ma gima nitie i kitawo me
Cwec ma polo gi piny kodi ji 1:1—2:25
Cakirok ma reco gi candirok 3:1-24
Wok kwoŋ Adam tundo kwoŋ Nowa 4:1—5:32
Nowa gi pi mikula 6:1—10:32
Ot acurcur ma Babilon 11:1-9
Wok kwoŋ Semu tundo kwoŋ Abram 11:10-32
Kwarere pa Joisiraili: Abraham, Isaka, Yakobo 12:1—35:29
Nyikway Esau 36:1-43
Yozefu gi wutmin go 37:1—45:28
Joisiraili i Misir 46:1—50:26
Sélection en cours:
Cakirok Gima mako kwoŋ kitawo me: DHOCDC
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Dhopadhola DC Bible © Bible Society of Uganda, 2018.