Luka 17
17
Yayami
(Mateo 18.6-7, 21-22; Marko 9.42)
1Yesu de e kaseli ɔmɛ ke: “Bɔ tsuaa bɔ nɛ pee ɔ ja nane kpatami nihi ba; se musu tloo nɔ nɛ a guu e nɔ kɛ baa a! 2Afani nɛ a kɛ teji wɛ muɔ e kuɛ nɛ a ya sake lɛ ngɔ fɔ wo mi pe nɛ e ma kpata tsɔwi nɛ ɔmɛ a ti nɔ kake nane. 3Nyɛɛ yɛ nɛ hi!
“Ke o nyɛmi tɔ o nɔ ɔ, kã e hɛ mi; nɛ ke e pia e he ɔ, kɛ pa lɛ. 4Nɛ ke si kpaago nɛ e tɔ o nɔ ligbi kake, nɛ e kpale e se kɛ ba o ngɔ si kpaago ligbi kake nɛ e ke: ‘I pia ye he!’ ɔ, kɛ pa lɛ.”
Hemi kɛ yemi
5Nɛ bɔfo ɔmɛ de Nyɔmtsɛ ɔ ke: “Piɛ wa hemi kɛ yemi ɔ he ha wɔ!” 6Nɛ Nyɔmtsɛ ɔ ke: “Ke nyɛ ngɛ hemi kɛ yemi kaa sinapi wu ngu kake ɔ, jinɛ nyɛ ma de sikamino tso nɛ ɔ ke: ‘Hia kɛ o sipoku nɛ o ya ma wo mi!’ nɛ e maa bu nyɛ tue.”
Sɔmɔlɔ ko blɔnyanitsumi
7“Se nyɛ ti mɛnɔ lɛ ngɛ sɔmɔlɔ nɛ e kɛ na kpakpla ngɛ hue aloo e ngɛ lohwehi lɛe, nɛ ke e je ngmɔ mi kɛ ba pɛ ɔ, e ma de lɛ ke: ‘Ba hi si esɔ esɔ nɛ o ye ni?’
8Se e be lɛ dee mohu ke: ‘Dla nɔ́ nɛ ma ye ɔ ngɔ ma si, nɛ o mia konɛ o sɔmɔ mi nɛ ma ye ni nɛ ma nu nɔ́ ko lolo, nɛ lɔ ɔ se ɔ konɛ mo hu o ye ni nɛ o nu nɔ́ ko?’ 9Anɛ e maa na jamɛ a sɔmɔlɔ ɔ si kaa e pee nɔ́ nɛ a fa lɛ ɔ? I kpa we si. 10Ja nɔuu nyɛ hu, ke nyɛ pee nihi kulaa nɛ a fa nyɛ ɔ́, nyɛ de ke: ‘Sɔmɔli nɛ he be se nami komɛ ji wɔ; nɔ́ nɛ ji wa blɔ nya kaa wa tsuɔ ɔ, kɔlɔ ɔ pɛ wa tsu nɛ ɔ nɛ.’ ”
Yesu tsa tsitsɛmɛ nyɔngma
11Nɛ e ba mi kaa benɛ Yesu yaa Yerusalem ɔ, e ya gu Samaria kɛ Galilea kpɛti. 12Nɛ benɛ e ya sɛ ma ko mi ɔ, nyumuhi tsitsɛmɛ nyɔngma kɛ lɛ ba kpe, nɛ a daa si ngɛ se tsitsa lokoo. 13Nɛ a kpa ngmlaa ke: “Mawetsɛ Yesu naa wɔ mɔbɔ!” 14Nɛ benɛ e na mɛ ɔ, e de mɛ ke: “Nyɛɛ ya nɛ nyɛɛ ngɔ nyɛ he ya tsɔɔ osɔfo ɔmɛ.” Nɛ e ba mi kaa benɛ a yaa a, a he tsi ɔ ta. 15Se a ti nɔ kake ɔ, benɛ e na kaa a tsa lɛ ɔ, e kpale e se kɛ ba nɛ e wo Mawu hɛ mi nyami kɛ gbi wawɛɛ. 16Nɛ e kɛ e hɛ mi ba bu si ngɛ Yesu nane nya, nɛ e na lɛ si. Se nɔ nɛ ɔ ɔ, Samariano ʼi. 17Nɛ Yesu he nɔ nɛ e bi lɛ ke: “Anɛ pi nimli nyɔngma nɛ he ta a? Se nimli nɛɛ ɔ jije a ngɛ? 18Blɔɔ a nɛ́ a ti nɔ ko nɛ kpaleɔ e se kɛ hɛ mi nyami ba haa Mawu, kaa ja maseno nɛ ɔ lo?” 19Nɛ e de lɛ ke: “Tee si nɛ o ya; o hemi kɛ yemi tsa mo!”
Matsɛyemi ɔ bami
(Mateo 24.23-28, 37-41)
20Nɛ benɛ Farisifo ɔmɛ bi Yesu ke: “Te be nɛ Mawu matsɛ yemi ɔ maa ba” a, e ha mɛ heto ke: “Mawu matsɛ yemi ɔ bɛ́ kaa nɔ́ ko nɛ a naa; 21nɛ jeha nɛ ɔ hu a be dee ke: ‘Oʼɛ, e ngɛ hiɛ ɔ! aloo oʼɛ, e ngɛ lejɛ ɔ!’ ejakaa oʼɛ, Mawu matsɛ yemi ɔ ngɛ nyɛ mi.”
22Nɛ e de e kaseli ɔmɛ ke: “Be maa ba nɛ nyɛ ma hla Nɔmlɔ Bi ɔ ligbi ɔmɛ eko nɛ nyɛɛ na, nɛ nyɛ be nae. 23Nɛ a ma de nyɛ ke: ‘Oʼɛ, e ngɛ hiɛ ɔ, aloo: oʼɛ e ngɛ lejɛ ɔ!’ Nyɛ ko ya, nɛ nyɛ ko nyɛɛ a se. 24Ejakaa bɔ nɛ oslaba ngaa nɛ e haa hiɔwe sisi fa kpɛɛ ɔ, ja nɔuu kɛ̃ Nɔmlɔ Bi ɔ maa hi ngɛ e ligbi ɔ nɔ. 25Se kekleekle ɔ, ja e na amanehlu babauu, nɛ kikɛmɛ a yi nɔbi nɛ ɔmɛ kua lɛ. 26Nɛ bɔ nɛ e ba mi ngɛ Noa ligbi ɔmɛ a mi ɔ, jã nɔuu e maa ba mi ngɛ Nɔmlɔ Bi ɔ ligbi ɔmɛ a mi hulɔ. 27A ngɛ ni yee, a ngɛ da nue, a ngɛ yihi ngɔe, nɛ a kɛ mɛ ngɛ gba hae kɛ ya su ligbi nɛ. Noa sɛ daka a mi nɛ nyu afua a ba nɛ e ba kpata mɛ tsuo kulaa a hɛ mi. 28Jeha nɛ ɔ bɔ nɛ e ba mi ngɛ Lot ligbi ɔmɛ a mi hulɔ ɔ, a ngɛ ni yee, a ngɛ da nue, a ngɛ ni hee, a ngɛ ni juae, a ngɛ tsohi due, nɛ a ngɛ tsuhi mae; 29se ligbi nɛ Lot je Sodom ɔ, Mawu nɛ la kɛ suɔɔ kɛ je hiɔwe, nɛ e kpata mɛ tsuo kulaa a hɛ mi. 30Ja nɔuu kɛ e maa ba ligbi nɛ a ma je Nɔmlɔ Bi ɔ kpo ɔ.
31“Jamɛ a ligbi ɔ nɔ ɔ, nɔ nɛ ngɛ tsu yi mi nɛ e nihi ngɛ we mi ɔ, e ko kple si ba kukuɔ, nɛ nɔ nɛ ngɛ ngmɔ si hu e ko kple si kɛ ba we mi. 32Nyɛ kai Lot yo ɔ! 33Nɔ tsuaa nɔ nɛ hlaa kaa e baa e klaa yi ɔ, e maa laa lɛ; se nɔ tsuaa nɔ nɛ maa laa lɛ ɔ, e ma he e yiwami. 34I ngɛ nyɛ dee ke: Jamɛ a nyɔ ɔ mi ɔ, nyumuhi enyɔ maa hwɔ sa kake nɔ, a maa ngɔ nɔ kake nɛ a ma si nɔ kake. 35Yi enyɔ maa wɛɛ ngɛ he kake, a maa ngɔ nɔ kake, nɛ a ma si nɔ kake. [ 36Ni enyɔ maa hi ngmɔ si, a maa ngɔ nɔ kake nɛ a ma si nɔ kake.]” 37Nɛ a bi lɛ ke “Mawetsɛ, jije?” Se e de mɛ ke: “He nɛ nɔ gbogboe fɔɔ si ngɛ ɔ, lejɛ ɔ okpokuhi buaa a he nya ngɛ.”
Sélection en cours:
Luka 17: DAN77
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Dangme New Testament © United Bible Societies, 1977.