MATHIUS, NOPUKU AFASAO SORE, 3.
NOPUKU AFASAO SORE, 3.
1I ANOPOGERA nimai Joanes ta Baptiso nokofakairo ia tugogau o ta fanua Juteia,
2Nokoutucua, natshicina ma feimacowa maganisa, ma maganerefia; ma tavaki o taragi ko itata.
3Ma tira aia neitucua ta fasao iateia ia tatapuria o ta profeta Eisaia, nokoutucua, Ta norio o tasi nokotapa ia tugogau, Penpena acowa ta teretu o Ihova, penpena tshana aretu totonu.
4Joanes tira nitaka ia tumiga o nofouru o kamila, ma tshana toutshi nokiri ane, ma niana kai ase ma hune o tagarakau.
5¶ Nopogera niroro iateia tagata o Jerusalem, iotshi tagata o Juteia, ma o iotshi afanua iai kofori Jortan.
6Aia nibaptiso acre i tavai tafe Jortan, acre nokoutucua tshare amaganisa. 7¶ Nopogera aia neicitia nalupai o tagata Farasi, ma Satusi niromai ia tshana baptiso, aia neitucage iacre, Kai acowa tagata milownei hepe agatu magu, akai nifakairo acowa keifura ia ta fakainina nokomai?
8Amai anohua o maganerefia tshowa pe acowa natshicina ma feimacowa maganisa;
9Sekamentua acowa koutucua i arotowa, Ebraham tamenome; ma avau koutucua iacowa, pe Atua kotomatua o tira afatu keitufwa atamerecriki ia Ebraham.
10Milownei ma tatoci konofo ia nontafito o arerakau; ianei iotshi tererakau sefua nohua erefia, katoutshiace aia koto iraro, ma touwaki ia tiafi.
11Avau tamari baptiso acowa ia tavai ia feimacowa ma natshicina maganisa, kaia aia kamai wamuri avau tomatua sore mokagi avau, avau isa keiamo tshana ashu; aia kabaptiso acowa ia Nokano Tapu, ma tiafi.
12Tshana teiri ko ia tshana norima, aia kapenpena erefia tshana none, ma fakatupuria tshana awit ia ta fare o awit; kaia aia katugia tapenu ia tiafi sematemana.
13¶ Nopogera Iesu nifeke Calili nimai Jortan, ia Joanes keiamo tshana baptiso.
14Kaia Joanes neitucuasana aia, nokoutucua, Erefia akoi baptiso avau, ma tiaha akoi komai iatavu?
15Iesu nikofasao neitucage iateia, Erefia akoi emna tinei milou; ma hepe nei erefia acitia keimna maganerefia iotshi. Wamuri nei aia neitucua erefia.
16Iesu, ia nopogera Joanes nibaptiso aia, neinace ia tavai, ma, taragi neitshicea iateia, ma aia neicitia ta Nokano a Atua nikofanifo hepe ta foitu, ma koike iluga aia;
17Ma neirogona ta norio o tasi ia taragi, nokoutucua, Tinei tucu Tariki nakacitiafakarafia aia, avau kabisa ia aia sore.
Sélection en cours:
MATHIUS, NOPUKU AFASAO SORE, 3.: ANT
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi