Zenez 5
5
Lalis bann desandan Adam ziska Noe
1-2Ala lalis bann desandan Adam: Kan Bondie kre zom ek fam, li kre zot dan so prop resanblans. Li beni zot e li apel zot “Imin”. 3Adam ena 130 an, e li gagn enn garson ki resanble li boukou. Li apel li Set. 4Apre nesans Set, Adam viv ankor 800 an e li gagn ankor lezot zanfan. 5Li mor laz 930 an.
6Kan Set gagn 105 an, li vinn papa Enos. 7Apre nesans Enos, Set viv ankor 807 an e li gagn ankor lezot zanfan. 8Li mor laz 912 an.
9Kan Enos ena 90 an, li vinn papa Kenann. 10Apre nesans Kenann, Enos viv ankor 815 an e li gagn ankor lezot zanfan. 11Li mor laz 905 an.
12Kan Kenann ena 70 an, li vinn papa Malaleel. 13Apre nesans Malaleel, Kenann viv ankor 840 an e li gagn ankor lezot zanfan. 14Li mor laz 910 an.
15Kan Malaleel ena 65 an, li vinn papa Yered. 16Apre nesans Yered, Malaleel viv ankor 830 an e li gagn ankor lezot zanfan. 17Li mor laz 895 an.
18Kan Yered ena 162 an, li vinn papa Enok. 19Apre nesans Enok, Yered viv ankor 800 an e li gagn ankor lezot zanfan. 20Li mor laz 962 an.
21Kan Enok ena 65 an, li vinn papa Matousalem. 22Apre nesans Matousalem, Enok mars dan sime Bondie ankor 300 an. Li gagn ankor lezot zanfan. 23-24Enok mars avek Bondie toutlong so lavi. Kan li gagn 365 an, li disparet parski Bondie pran li.
25Kan Matousalem ena 187 an, li vinn papa Lemek. 26Apre nesans Lemek, Matousalem viv ankor 782 an e li gagn ankor lezot zanfan. 27Li mor laz 969 an.
28Lemek ena 182 an kan li gagn enn garson. 29Li apel li Noe. Lemek dir: “Sa zanfan la pou soulaz nou dan nou travay. Vremem, li finn vinn pli dir depi ki LESEGNER finn modi later.” 30Apre nesans Noe, Lemek viv ankor 595 an e li gagn ankor lezot zanfan. 31Li mor laz 777 an.
32Noe ena 500 an, e li ena 3 garson: Sem, Kam ek Zafet.
Sélection en cours:
Zenez 5: KMOTPOR
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Kreol Morisien OT Portions © Bible Society of Mauritius, 2020.