Genesis ǂGAEǂGUIǂGĀS
ǂGAEǂGUIǂGĀS
Genesis ti hâ ǀons ge “tsoatsoas” ti ra ǂâibasen. ǂGuro ǂkhanis a ǃkhais xōǀkhās ge nē ǂkhanis Genesisa ǀons âsa kurus di tsoatsoas, ǃgōsase khoesib tsî ǁoreb di tsoatsoas, mâǂoa hâ ǃâsa ra ǀhurus xa ra xoa. ǂGuro danaǃâdi nē ǂkhanis didi ge Elob di kurus ǃhoaǂamǃâdi xa ǃnāsase hâǃnâhe. ǃNāsa ǂâis ge Adammi, hoaraga khoesib di ǂnûǁkhaeba-aob ase ra mûheb ai ra ǂnûihe. ǁKhātis ge Genesisa mâtib ge ǁoreba ǃhūbaib ai hās tsî ǁîb di sîsenǂuib hîa Elob tsî khoen ǁaegu, tsî khoe-e xu khoe-i ǁga hâ ībaguǀgauba (aiǁgaus ase Kainni tsî Abeli ǁaegu) ra ǁgauǂui. Genesis ge ǂgoms di aboxan, ûib ân ge ǂgomsabena nētsēs kōse ǂgaoǂgaoǃnâs tsî daoǁgaus ase īban xa ra xoa. Nēpa da ge ǃKhūb di hoaǀgaixasib, ǁkhāsib tsî ǂgomǂgomsasib xa ra khomai. ǁÎb di ǁkhāsib ge kurus di sîsengu tsî kai ǁgammi dâus ǃnâ a mûsa. Abrahammi di ǂgaihes, Eloba ǁnâuǀnams tsî Elob ge ǁîb ǀkha dī ǃgaeǀhaos tsîn ge mâǂoa hâ danaǃkhaidi ase nē ǂkhanis ǃnâ ī. Genesis ge Elob di mîmâidi Abrahammi ǀkha ǀguis ose, xawe ǁîb surib ǃaromas tsîna ra dīhe ǃkhaisa ǃgāsase ra xoa. Abrahammi, Isaki tsî Jakob hâgu ge ǀō-aisa ǂhâǂhâsa ǃâsa ra ǀhuru, tsîb ge Josefi di ûiba ǁnâuǀnamxasib tsî Eloba ǃhao ǃhūb ǃnâ ǂgomǃgâs di ǃâsa ra ǀhuru.
ǂGuro ǃâb nē ǂkhanis dib ge kurus, ǁoreb, kai ǁgammi dâus tsî Babilons di ǂgō-ommi tsîn xa ra ǃhoa (Gen. 1—11).
ǀGamǁî ǃâb ge Abrahammi tsî ǁîb di surib ǂama ra ǃgû (Gen. 12—50). Elob ge Abrahamma ra ǂgai Kanaanǃhūb ǃnâb nî sī ǁanse (Gen. 12), xawe ǂguiǃnâgu mâsigu xa ǃaromahe hâseb ge ǁîb di suriba Egipteb ǃnâ sī ge ǁan.
ǃKhōǂgāb
Kurus xa 1:1—2:25
ǁOreb xa 3:1-24
Adammi suriba xu Noaxi kōse 4:1—5:32
Noaxi tsî kai ǁgammi dâus 6:1—10:32
Khoen di ǀarosens tsî ǃhūbaib ǃnâ khoraǂuisens 11:1-9
Abrahamma xu Semmi kōse 11:10-32
Isaki tsî ǁîb ôakha, Jakob tsî Esaub hâkha 12:1—35:29
Esaub di ôananôagub 36:1-43
Josefi tsî ǁîb di ǃgâsagu 37:1—45:28
Jakob tsî ǁîb di surib, Egipteb ǃnâ 46:1—50:26
Sélection en cours:
Genesis ǂGAEǂGUIǂGĀS: KKG20
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Khoekhoegowab Elobmîs © Bible Society in Namibia, 2020.