ACT 22
22
1«Baane ba maame, yulwanu makeyambile me ne mapape mu wukare nyurwami.» 2Ve yulu yawu Pol agoneyambile gu diloongu dyawu, yawu bagwaase wuruumbe. Pol abekoonde wuyambile re: 3«Mande Musifu. Maburu gu Tarse gu Silisi, te mabungulu gunu, gu Serusalem, ne Gamalyel bile muloonzi wami. Aloonze me mu wuyabe bweedi mugage wu bakaage betu. Mabile wubase ne gyuusule gi wudyanzile Nzambi ga yenu bootsu nemunyi. 4Matsogise nguu ne gu difu babalaandenge nzile Fumu. Magaangise ne manyingise gu tsugu babagele ne bagyetu. 5Yivuunde gi baveegitsi ba malagu ne dikabu dyotsu di bivuunde bi dibuundu barungule wusilile re nde nungyenze. Nane, baveege me nisi migaande mi wusiingusu mu wuveege bivuunde bi Basifu gu Damas. Ne vane, mayende gu gaange bakeriti bababile guune, ne wubege yawu batuungu gu Serusalem mu wukilise yawu.
Pol agonenyigule nave tsitsu yandi ne Fumu
6Mabile mu nzile, bebele ne Damas. Vane ne vane mu digwere dikabili dyuumbi va yulu nduunzi, yiveele giginene gisunde gu yulu, gikaande me ne wukademe. 7Maberuge va tsi ne mayulu duufi diyambilenge me re: “Sol, Sol, mugi yigonetsogise me?” 8Matombe re: “Fumu, yinde nyi?” Duufi diyagule me re: “Mare Sesu mwisi Nasarete, mare wuyigonetsogise.” 9Bababile nami balabenge yiveele, te baseyulungu duufi di wuyambilenge nami. 10Matombe re: “Fumu mavagi nde tsenyi?” Fumu ayagule me re: “Teleme, yende gu Damas, vane, baguyambile yu mootsu makevage yu.” 11Mabile keke ne pafu mu yiveele gyene gikademenge. Ne vane, babayendenge nami, bagaangile me mu googu, ne bayende nami gu Damas. 12«Vane, gubile dibagele dilugungu re Ananyas. Agobisenge Nzambi ne wulaande mugage wu Muyise. Basifu bootsu ba Damas bayambilenge ke maambu mamanyi mu yandi. 13Ananyas ayitse gu dagise me ne ayambile me re: “Sol, mwaane maame, miisu magu mabalugi!” Mu dikyesi dyene, malabe Ananyas ne velee. 14Abeyambile me re: “Nzambi mikoku myetu amane wusoole yu ke kale mure yikeyabe maambu makarondi yandi. Asoole yu mure yikelabe Sesu wusuungeme, ne mure yikeyulu duufi dyandi. 15Mumbare yigubile yimweenyi gyandi, ve wusu buloongu bwotsu, yiguyambilenge mootsu matselabe yu ne matseyulu yu. 16Yiyabeviingile, yitse, boonge bateme ne dile kokolu yi mabi magu nutsitse dine dyandi!”
Pol agonenyigule nave sindugu yandi gu bitsuku bimosi
17Kere vane magabugu gu Serusalem. Wisi wumoosi, masaambilenge gugare Ndagu Nzambi, ne Fumu atutugile me. 18Malabe yandi ne ayambile me re: “Babise, vate nyavu gu Serusalem! Mumbare batu baandi basakesiinge bumweenyi bwagu mu me.” 19Mayagule re: “Fumu, basetsiimbu bweedi re, mayendenge gu bandagu bootsu ba masaambulu gu wubene bootsu babasiinge yu, manyingisenge yawu gu tsugu ne madiimbisenge yawu. 20Nisi ve boku yimweenyi gyagu Ityene, ne me gaandi makyegulu vane, mabile dimoosi ne bababoke yandi. Makyelenge bidwaari byawu.” 21Fumu ayambile me re: “Yende, makesindige yu gu vale, gu tselu yi babasaandi Basifu.”»
Pol yane yivuunde gi migole mi Rome
22Basifu babayulu Pol kwanga ne ve mane yandi wuyambile mabigu mene, babwuamugu re: «Burulilanu yetu mutu wu! Bokanu yandi! Asaandi ne dinyaange diwubile monyu!» 23Babwamugu, bavere bidwaari ne wuvelimise difufundu. 24Ne vane yivuunde gi migole mi Rome arume re: «Nyingisanu Pol gu ndagu migole ne diimbanu yandi ne migu mure akeyambile! Magoneroonde wuyabe disine digonesaanzu yandi nane ne piti.» 25Te ve tuungu yandi mu wudiimbu ne migu, Pol ayambile ne yivuunde gi kame migole wubile vane re: «Yenu dine dinyaange di wudiimbe mwisi Rome wuganene tsuunduswa?» 26Mu mabigu mene, yivuunde gi kame migole ayende gu wuyambile yivuunde gi migole re: «Mbe yikevage nde tsenyi! Mutu wuwu nde mwisi Rome!» 27Yivuunde gi migole aruge mu wudagise Pol, atombe yandi re: «Yambile me, nungyenze yinde mwisi Roma?» Pol ayagule re: «Ee.» 28Yivuunde gi migole abeyambile re: «Me, mafute dikabu didinene di badole mu wukalugu mwisi Rome.» Pol ayagule re: mayi mwisi Rome baande ve diburu dyami!» 29Vane ne vane batu mbe babakeroonde wudiimbe Pol mu wuyambise yandi basise; ve yabe yivuunde gi migole re Pol wukatise yandi ne bapaange nde mwisi Rome, agaangu ne wome.
Pol ve wusu bivuunde byootsu bi fuundu yi bivovi
30Yivuunde gi migole mi Rome aroonde wuyabe time disine diveegu Pol mbele ne Basifu. Re dibaandu ne ngwaali yine, anyangulise Pol bapaange batuungu yandi ne atsitse bivuunde bi baveegitsi bamalagu ne bivuunde byootsu bi fuundu yi bivovi mu wubeengunu. Kere abagise Pol ve wuswawu.
Sélection en cours:
ACT 22: SNQ
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
ACT 22
22
1«Baane ba maame, yulwanu makeyambile me ne mapape mu wukare nyurwami.» 2Ve yulu yawu Pol agoneyambile gu diloongu dyawu, yawu bagwaase wuruumbe. Pol abekoonde wuyambile re: 3«Mande Musifu. Maburu gu Tarse gu Silisi, te mabungulu gunu, gu Serusalem, ne Gamalyel bile muloonzi wami. Aloonze me mu wuyabe bweedi mugage wu bakaage betu. Mabile wubase ne gyuusule gi wudyanzile Nzambi ga yenu bootsu nemunyi. 4Matsogise nguu ne gu difu babalaandenge nzile Fumu. Magaangise ne manyingise gu tsugu babagele ne bagyetu. 5Yivuunde gi baveegitsi ba malagu ne dikabu dyotsu di bivuunde bi dibuundu barungule wusilile re nde nungyenze. Nane, baveege me nisi migaande mi wusiingusu mu wuveege bivuunde bi Basifu gu Damas. Ne vane, mayende gu gaange bakeriti bababile guune, ne wubege yawu batuungu gu Serusalem mu wukilise yawu.
Pol agonenyigule nave tsitsu yandi ne Fumu
6Mabile mu nzile, bebele ne Damas. Vane ne vane mu digwere dikabili dyuumbi va yulu nduunzi, yiveele giginene gisunde gu yulu, gikaande me ne wukademe. 7Maberuge va tsi ne mayulu duufi diyambilenge me re: “Sol, Sol, mugi yigonetsogise me?” 8Matombe re: “Fumu, yinde nyi?” Duufi diyagule me re: “Mare Sesu mwisi Nasarete, mare wuyigonetsogise.” 9Bababile nami balabenge yiveele, te baseyulungu duufi di wuyambilenge nami. 10Matombe re: “Fumu mavagi nde tsenyi?” Fumu ayagule me re: “Teleme, yende gu Damas, vane, baguyambile yu mootsu makevage yu.” 11Mabile keke ne pafu mu yiveele gyene gikademenge. Ne vane, babayendenge nami, bagaangile me mu googu, ne bayende nami gu Damas. 12«Vane, gubile dibagele dilugungu re Ananyas. Agobisenge Nzambi ne wulaande mugage wu Muyise. Basifu bootsu ba Damas bayambilenge ke maambu mamanyi mu yandi. 13Ananyas ayitse gu dagise me ne ayambile me re: “Sol, mwaane maame, miisu magu mabalugi!” Mu dikyesi dyene, malabe Ananyas ne velee. 14Abeyambile me re: “Nzambi mikoku myetu amane wusoole yu ke kale mure yikeyabe maambu makarondi yandi. Asoole yu mure yikelabe Sesu wusuungeme, ne mure yikeyulu duufi dyandi. 15Mumbare yigubile yimweenyi gyandi, ve wusu buloongu bwotsu, yiguyambilenge mootsu matselabe yu ne matseyulu yu. 16Yiyabeviingile, yitse, boonge bateme ne dile kokolu yi mabi magu nutsitse dine dyandi!”
Pol agonenyigule nave sindugu yandi gu bitsuku bimosi
17Kere vane magabugu gu Serusalem. Wisi wumoosi, masaambilenge gugare Ndagu Nzambi, ne Fumu atutugile me. 18Malabe yandi ne ayambile me re: “Babise, vate nyavu gu Serusalem! Mumbare batu baandi basakesiinge bumweenyi bwagu mu me.” 19Mayagule re: “Fumu, basetsiimbu bweedi re, mayendenge gu bandagu bootsu ba masaambulu gu wubene bootsu babasiinge yu, manyingisenge yawu gu tsugu ne madiimbisenge yawu. 20Nisi ve boku yimweenyi gyagu Ityene, ne me gaandi makyegulu vane, mabile dimoosi ne bababoke yandi. Makyelenge bidwaari byawu.” 21Fumu ayambile me re: “Yende, makesindige yu gu vale, gu tselu yi babasaandi Basifu.”»
Pol yane yivuunde gi migole mi Rome
22Basifu babayulu Pol kwanga ne ve mane yandi wuyambile mabigu mene, babwuamugu re: «Burulilanu yetu mutu wu! Bokanu yandi! Asaandi ne dinyaange diwubile monyu!» 23Babwamugu, bavere bidwaari ne wuvelimise difufundu. 24Ne vane yivuunde gi migole mi Rome arume re: «Nyingisanu Pol gu ndagu migole ne diimbanu yandi ne migu mure akeyambile! Magoneroonde wuyabe disine digonesaanzu yandi nane ne piti.» 25Te ve tuungu yandi mu wudiimbu ne migu, Pol ayambile ne yivuunde gi kame migole wubile vane re: «Yenu dine dinyaange di wudiimbe mwisi Rome wuganene tsuunduswa?» 26Mu mabigu mene, yivuunde gi kame migole ayende gu wuyambile yivuunde gi migole re: «Mbe yikevage nde tsenyi! Mutu wuwu nde mwisi Rome!» 27Yivuunde gi migole aruge mu wudagise Pol, atombe yandi re: «Yambile me, nungyenze yinde mwisi Roma?» Pol ayagule re: «Ee.» 28Yivuunde gi migole abeyambile re: «Me, mafute dikabu didinene di badole mu wukalugu mwisi Rome.» Pol ayagule re: mayi mwisi Rome baande ve diburu dyami!» 29Vane ne vane batu mbe babakeroonde wudiimbe Pol mu wuyambise yandi basise; ve yabe yivuunde gi migole re Pol wukatise yandi ne bapaange nde mwisi Rome, agaangu ne wome.
Pol ve wusu bivuunde byootsu bi fuundu yi bivovi
30Yivuunde gi migole mi Rome aroonde wuyabe time disine diveegu Pol mbele ne Basifu. Re dibaandu ne ngwaali yine, anyangulise Pol bapaange batuungu yandi ne atsitse bivuunde bi baveegitsi bamalagu ne bivuunde byootsu bi fuundu yi bivovi mu wubeengunu. Kere abagise Pol ve wuswawu.
Sélection en cours:
:
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES