ᤋᤥᤗᤡᤱᤛᤥᤔᤢ 20
20
ᤀᤒᤪᤠᤜᤠᤔ ᤏᤢ ᤀᤒᤡᤔᤣᤗᤣᤁ
1ᤂᤧ᤹ᤕᤥᤗᤠᤶ ᤀᤒᤪᤠᤜᤠᤶᤔᤡᤴ ᤏᤣᤃᤣᤒ ᤋᤧᤱᤃᤵ ᤗᤧᤵᤔᤠᤱ ᤌᤠᤛᤡᤱ. ᤜᤧᤰᤁᤩᤠᤱ ᤁᤠᤍᤣᤛ ᤏᤢ ᤛᤢᤖ ᤗᤠᤈᤣ᤺ᤸᤗᤧ ᤁᤢᤗᤢᤶᤔᤥ ᤕᤢᤱᤔᤠ ᤜᤣ᤺ᤰᤋᤧ॥ ᤂᤧᤴ ᤀᤣᤃᤠᤱ ᤂᤢᤏᤧ᤹ ᤛᤵᤑᤠ ᤃᤖᤠᤖ ᤗᤠᤈᤣ᤹ᤀᤥ ᤕᤢᤅᤧ॥ 2ᤂᤧᤵᤔᤥ ᤀᤒᤪᤠᤜᤠᤶᤔᤡᤸᤗᤧ ᤛᤠᤖᤠ᤺ᤸᤗᤧ ᤁᤢᤒᤠᤴ ᤐᤠ᤺ᤳᤋᤢ. “ᤂᤢᤏᤧ᤹ᤃ ᤀᤠᤴᤛᤠ᤹ᤖᤥ॥” ᤂᤧᤸᤗᤧᤆᤥᤃᤢᤸᤗᤧ ᤃᤖᤠᤖᤒᤠ ᤜᤠᤱ ᤀᤒᤡᤔᤣᤗᤣᤰᤁᤡᤸᤗᤧ ᤛᤠᤖᤠᤴ ᤂᤢᤏᤧ᤹ᤀᤥ ᤋᤠ᤺ᤵᤐᤠᤱᤄᤢᤛᤡᤀᤠᤱ ᤔᤧᤍᤣ᤹ᤖᤢ॥ #ᤋᤥᤗᤡᤱ ᥇᥈:᥇᥉. ᥈᥌:᥍
3ᤁᤖ ᤌᤡᤰᤗᤧᤱ ᤛᤧᤴᤍᤡᤰ ᤀᤒᤡᤔᤣᤗᤣᤰᤁᤡᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤀᤥᤛᤣ᤺ᤴᤎᤠᤰᤛᤡᤱᤅᤠᤱ ᤀᤰᤂᤣ ᤔᤧᤳᤋᤢᤒᤠ ᤛᤧᤵᤔᤠᤱ ᤔᤠᤰᤋᤢ. “ᤀᤠᤸᤗ ᤂᤧᤏᤧ᤹ ᤁᤧᤛᤡ᤹᤺ ᤌᤣᤀᤠᤱᤓᤧᤸᤗᤧ ᤂᤧᤴ ᤔᤧᤴᤇᤢᤔᤠᤴ ᤘᤣ᤹ ᤔᤏᤠᤖᤧ ᤁᤢᤜᤡᤶᤛᤠᤔᤠᤖᤥ॥”
4ᤁᤖ ᤀᤒᤡᤔᤣᤗᤣᤰᤁᤡᤴ ᤂᤧᤴ ᤔᤧᤴᤇᤢᤔᤠᤴᤏᤢ ᤔᤧᤴᤀᤡᤶᤔᤣ ᤘᤕᤧ. ᤜᤧᤰᤁᤣ᤺ᤸᤗᤧ ᤂᤢᤏᤧ᤹ ᤔᤧᤳᤋᤢ. “ᤕᤜᤘᤣ ᤍᤠᤱᤒᤠᤀᤣ. ᤂᤧᤏᤧ᤹ ᤑᤥᤋᤩᤠ ᤔᤣ᤺ᤴᤏᤣᤒᤠ ᤔᤧᤴᤇᤠᤶ ᤛᤢᤘᤠᤱᤅᤡᤴ ᤁᤧᤛᤧᤖᤢᤒᤠᤒᤡ᥅ 5‘ᤂᤢᤏᤧ᤹ᤃ ᤀᤠᤴᤈᤣᤗᤡᤔᤠ ᤀᤠᤴᤛᤠ᤹ᤖᤥ’ ᤗ᤹ᤖᤡᤰ ᤀᤒᤪᤠᤜᤠᤶᤔᤡᤸᤗᤧ ᤐᤠ᤺ᤳᤋᤢᤀᤠᤱ ᤔᤧᤘᤕᤧᤏᤧᤴᤏᤠᤱᤒᤡ᥅ ᤜᤧᤰᤁᤩᤠᤱ ᤁᤸᤗᤧᤀᤠᤱ ‘ᤂᤢᤏᤧ᤹ᤃ ᤀᤠᤱᤃᤠ᤹ ᤀᤠᤶᤓᤢ᤹ᤖᤥ’ ᤗ᤹ᤖᤡᤰ ᤐᤠ᤺ᤳᤋᤢᤀᤠᤱ ᤔᤧᤘᤕᤧᤴᤏᤠᤱᤒᤡ᥅ ᤀᤠᤱᤃᤠ᤹ᤃ ᤁᤴ ᤐᤠ᤺ᤴᤏᤡᤴ ᤏᤢᤒᤠ ᤏᤡᤱᤘᤠ᤹ ᤏᤢ ᤁᤢᤍᤥ᤺ᤵᤔᤠᤀᤠᤱ ᤆᤥᤃᤢᤱᤒᤠᤖᤥ॥”
6ᤂᤧᤒᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤒᤡᤔᤣᤗᤣᤰᤁᤡᤴ ᤛᤧᤵᤔᤠᤱᤅᤥ ᤔᤧᤳᤋᤢ. “ᤀᤥᤒᤧ. ᤂᤧᤏᤧ᤹ ᤏᤢᤒᤠ ᤏᤡᤱᤘᤠ᤹ᤖᤧ ᤁᤧᤈᤥᤃᤢᤒᤠ ᤑᤠ᤹ᤀᤠᤱ ᤀᤠᤱᤃᤠ᤹ ᤏᤡᤛᤢᤱ॥ ᤜᤧᤰᤁᤣ᤺ᤸᤗᤧ ᤆᤥᤃᤢᤸᤗᤧ ᤂᤧᤏᤧ᤹ ᤀᤠᤍᤰᤗᤧᤱᤘᤠᤀᤥ ᤗᤠᤕᤥ ᤆᤥ᤺ᤰᤔᤠᤗᤠᤶ ᤀᤠᤱᤃᤠ᤹ ᤛᤠᤰᤏᤧᤒᤠᤖᤥ. ᤜᤧᤰᤁᤩᤠᤱ ᤀᤠᤱᤃᤠ᤹ ᤂᤧᤴ ᤛᤢᤔᤧᤒᤠᤱᤏᤧᤴᤒᤠᤖᤥ॥ 7ᤀᤠᤸᤗ ᤂᤧᤴ ᤔᤏᤠ᤺ᤸᤗᤧ ᤁᤢᤔᤣ᤺ᤳᤋᤡᤴ ᤏᤢ᤺ᤰᤋᤧ ᤐᤡᤖᤧ᤹. ᤌᤣᤀᤠᤱᤓᤧᤸᤗᤧ ᤂᤧᤱᤃ ᤔᤠᤱᤏᤡᤱᤘᤠ᤹ᤐᤠᤴ ᤁᤧᤒᤠ᤺ᤵᤐᤠ ᤔᤏᤠᤖᤥ॥ ᤂᤧᤸᤗᤧ ᤋᤢᤘᤠ ᤁᤧᤈᤥᤰ ᤁᤧᤒᤡ. ᤜᤧᤰᤁᤩᤠᤱ ᤂᤧᤏᤧ᤹ ᤁᤧᤜᤡᤱᤗᤥ॥ ᤁᤖ ᤁᤢᤔᤣ᤺ᤳᤋᤡᤴ ᤁᤧᤴᤏᤢ᤺ᤰᤋᤢᤴᤏᤧᤑᤠᤃᤪ ᤁᤴ ᤐᤠ᤺ᤴᤏᤡᤴ ᤏᤡᤛ᤻ᤛᤣ ᤁᤢᤛᤡᤱᤏᤡ᤺ᤳᤋᤧ᤹. ᤂᤧᤏᤧ᤹ ᤏᤢ ᤁᤧᤔᤏᤠᤜᤠ᤹ ᤁᤧᤛᤩᤧ᤹ᤀᤡᤖᤥ॥”
8ᤀᤒᤡᤔᤣᤗᤣᤰᤁᤡᤴ ᤁᤢᤏᤠᤶᤍᤠ᤺ᤵᤔᤠ ᤋᤠᤏᤠᤶ ᤜᤠᤖᤠᤘᤖᤠ ᤐᤥᤃᤧᤀᤠᤱ ᤁᤧᤖᤧᤰ ᤁᤢᤛᤢᤜᤠᤱᤕᤢᤰᤐᤠᤜᤠ᤹ ᤀᤢ᤺ᤳᤋᤢᤛᤡᤀᤠᤱ ᤁᤴ ᤁᤧᤖᤧᤰ ᤐᤠ᤺ᤴᤜᤠ᤹ ᤆᤧᤰᤋᤢᤛᤡ॥ ᤂᤶᤒᤩᤠᤱ ᤂᤧᤱ ᤔᤏᤠᤜᤠ᤹ ᤛᤠ᤹ᤖᤡᤰ ᤔᤧᤃᤡᤛᤧ॥ 9ᤂᤧᤒᤩᤠᤱ ᤀᤒᤡᤔᤣᤗᤣᤰᤁᤡᤸᤗᤧ ᤀᤒᤪᤠᤜᤠᤶᤔᤡᤴ ᤀᤢ᤺ᤳᤋᤢᤀᤠᤱ ᤔᤧᤳᤋᤢ. “ᤂᤧᤏᤧ᤹ ᤀᤠᤏᤡᤃᤣ ᤕᤠᤵᤔᤡ ᤌᤣ ᤁᤧᤔᤧᤳᤋᤧᤒᤠᤒᤣ᥅ ᤀᤠᤱᤃᤠ᤹ ᤂᤧᤏᤧ᤹ ᤁᤧᤎᤣ ᤑᤧᤳᤗᤠ᤺ᤴᤍᤢᤱᤅᤠᤱ ᤘᤕᤧᤀᤠᤱ ᤀᤠᤱᤃᤠ᤹ ᤏᤢ ᤀᤠᤜᤠᤱᤈᤢᤶᤔᤥ ᤁᤴ ᤕᤠᤖᤡᤰ ᤕᤶᤒᤠ ᤗᤠᤕᤥ ᤋᤠ᤺ᤵᤔᤠᤖᤧ ᤗᤠᤃᤡ ᤂᤧᤏᤧ᤹ ᤀᤠᤱᤃᤠ᤹ᤏᤢ ᤔᤧᤴᤈᤥ᤺ᤰᤔᤠ ᤕᤠ᤺ᤶᤒᤰ ᤁᤧᤈᤥᤃᤢᤖᤥ᥄” 10ᤀᤒᤡᤔᤣᤗᤣᤰᤁᤡᤸᤗᤧ ᤕᤠᤶᤔᤥ ᤀᤒᤪᤠᤜᤠᤶᤔᤧᤴ ᤔᤧᤳᤋᤢ. “ᤂᤧᤏᤧ᤹ ᤌᤣ ᤁᤧᤀᤡ᤺ᤳᤋᤢᤀᤠᤱ ᤁᤶᤓᤍᤠᤱᤒᤠ ᤕᤠ᤺ᤶᤒᤰ ᤁᤧᤈᤥᤃᤢᤒᤣ᥅”
11ᤀᤒᤪᤠᤜᤠᤶᤔᤡᤸᤗᤧ ᤔᤧᤳᤋᤢ. “ᤁᤴ ᤋᤧᤴᤏᤥ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤁᤧᤃᤡᤵᤐᤠ ᤔᤏᤠ ᤗᤳᤇᤠᤀᤠᤱ ᤜᤥᤵ ᤁᤧᤗ᤹ᤒᤠ ᤀᤠᤱᤃᤠ᤹ ᤀᤡ᤺ᤳᤋᤢᤱᤅᤠᤱ ᤘᤕᤧ. ᤜᤧᤰᤁᤩᤠᤱ ᤀᤠᤔᤣ᤺ᤳᤋᤡᤸᤗᤧ ᤆᤥᤃᤢᤸᤗᤧ ᤀᤠᤱᤃᤠ᤹ ᤔᤧᤛᤧᤳᤋᤠᤒᤡ ᤑᤠ᤹ᤀᤠᤱ ᤀᤡ᤺ᤳᤋᤢᤱ॥ 12ᤛᤧᤰᤂᤠ᤺ᤸᤗᤧ ᤂᤢᤏᤧ᤹ᤃ ᤀᤠᤱᤃᤠ᤹ ᤀᤠᤴᤛᤠ᤹ᤀᤣᤖᤥ॥ ᤂᤢᤏᤧ᤹ ᤀᤠᤶᤒᤠᤖᤧᤀᤣ ᤁᤢᤛ᤻ᤛᤠᤖᤥ ᤁᤖ ᤀᤠᤶᤔᤠᤖᤧ ᤁᤢᤛ᤻ᤛᤠ ᤔᤣ᤺ᤴᤗᤥ॥ ᤜᤧᤰᤁᤩᤠᤱ ᤂᤢᤏᤧ᤹ ᤀᤠᤜᤡᤶᤛᤠᤔᤠ ᤐᤥ᤺ᤰᤂᤧᤖᤥ॥ 13ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤠᤱᤃᤠ᤹ ᤀᤠᤶᤒᤠᤖᤧ ᤁᤢᤜᤡᤶᤔᤡᤴ ᤗᤧᤵᤔᤠᤖᤧ ᤗᤠᤃᤡ ᤀᤢ᤺ᤳᤋᤠᤱ ᤜᤧᤰᤁᤩᤠᤱ ᤏᤠᤏᤠ ᤁᤳᤏᤠᤏᤠ ᤋᤠᤰᤁᤧᤃᤶᤒᤠᤀᤠᤱ ᤁᤧᤘᤠ᤹ᤒᤠ ᤗᤠᤶᤍᤡ᤺ᤰᤐᤠ ᤆᤥᤃᤠᤱ. ᤂᤧᤒᤧᤸᤗᤧ ᤀᤠᤱᤃᤠ᤹ ᤗᤢᤱᤔᤠ᤹ ᤋᤢᤰᤋᤠᤱᤅᤧ᤹ᤀᤠᤱ ᤔᤏᤠᤜᤠ᤹ ‘ᤂᤢᤏᤧ᤹ᤃ ᤀᤠᤱᤃᤠ᤹ ᤀᤠᤶᤓᤢ᤹ᤖᤥ’ ᤔᤧᤳᤋᤧᤛᤧ᤹ ᤑᤠ᤹ᤀᤠᤱ ᤛᤠᤖᤠᤴ ᤔᤧᤳᤋᤢᤱᤅᤠᤱ ᤘᤕᤧ॥”
14ᤂᤧᤒᤩᤠᤱ ᤀᤒᤡᤔᤣᤗᤣᤰᤁᤡᤸᤗᤧ ᤔᤧᤸᤗᤢᤰ. ᤐᤡᤳᤜᤠ᤹. ᤛᤧᤘᤠᤖᤥᤒᤠ ᤛᤧᤘᤠᤖᤥᤔᤠᤜᤠ᤹ ᤋᤠᤖᤢᤛᤡᤀᤠᤱ ᤀᤒᤪᤠᤜᤠᤶᤔᤡᤴ ᤐᤡᤖᤢ. ᤜᤧᤰᤁᤩᤠᤱ ᤁᤢᤔᤣᤳ ᤛᤠᤖᤠᤴ ᤏᤢ᤺ᤰᤋᤢᤒᤡᤖᤢ॥ 15ᤜᤧᤰᤁᤩᤠᤱ ᤀᤒᤡᤔᤣᤗᤣᤰᤁᤡᤸᤗᤧ ᤀᤒᤪᤠᤜᤠᤶᤔᤡᤴ ᤔᤧᤳᤋᤢ. “ᤀᤥᤔᤳᤋᤧ᤹. ᤀᤠᤱᤃᤠ᤹ ᤀᤠᤗᤠᤈᤣᤴ ᤂᤧᤏᤧ᤹ ᤁᤧᤍᤃᤠᤱᤅᤣ ᤏᤧ᤹᤺. ᤀᤠᤳᤋᤠᤴ ᤁᤧᤛᤡᤖᤠ᤹ᤌᤠᤱ ᤂᤧᤵᤔᤥᤀᤣ ᤕᤢᤅᤧ᤹॥”
16ᤂᤢᤏᤧ᤹ ᤛᤠᤖᤠᤴ ᤔᤧᤳᤋᤢ. “ᤀᤠᤱᤃᤠ᤹ ᤜᤧᤴᤇᤡᤱ ᤌᤡᤰ ᤕᤢᤵᤐᤠᤕᤠᤱ ᤁᤧᤶᤓᤢ᤹ ᤐᤡᤖᤢᤱᤅᤠᤱ ᤘᤠ᤹॥ ᤁᤴ ᤂᤧᤏᤧ᤹ ᤋᤠᤵᤑᤧ᤺ᤶᤒᤠ ᤕᤠ᤺ᤶᤒᤰ ᤌᤣᤀᤠᤱ ᤔᤧᤴᤈᤥ᤺ᤰᤁᤣ ᤁᤧᤘᤠ᤹ ᤑᤠ᤹ᤀᤠᤱ ᤔᤡᤰᤛᤣ᤺ᤴᤗᤧ ᤗᤠᤃᤡ ᤁᤧᤖᤧᤰ ᤔᤏᤠᤜᤠ᤹ᤖᤧ ᤂᤢᤴᤇᤡ᤹ ᤋᤃᤡ ᤆᤥᤃᤢᤱᤅᤠᤱ ᤘᤠ᤹ᤀᤠᤖᤥ॥ ᤁᤱᤃ ᤀᤠᤱᤃᤠ᤹ ᤂᤧᤏᤧ᤹ ᤋᤠᤑᤧ᤺ᤶᤒᤠ ᤆᤥᤃᤢᤱᤅᤠᤱ ᤘᤠ᤹ᤒᤡ ᤑᤠ᤹ᤀᤠᤱ ᤁᤧᤔᤠᤱᤃᤧᤴᤏᤠ ᤑᤥ᤺ᤱᤏᤧ ᤐᤡᤏᤧᤒᤠᤖᤥ॥”
17ᤂᤧᤒᤩᤠᤱ ᤀᤒᤪᤠᤜᤠᤶᤔᤡᤸᤗᤧ ᤏᤡᤱᤘᤠ᤹ᤑᤢᤔᤠᤱᤅᤡᤴ ᤐᤣᤗᤡ ᤑᤠᤰᤋᤢ. ᤜᤧᤰᤁᤩᤠᤱ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤒᤡᤔᤣᤗᤣᤰᤁᤧᤴ. ᤁᤢᤔᤣ᤺ᤳᤋᤡᤴ ᤜᤧᤰᤁᤩᤠᤱ ᤁᤢᤛᤧᤘᤠᤖᤥᤔᤠᤜᤠ᤹ ᤕᤠᤶᤔᤥ ᤛᤠᤃᤵᤔᤠ ᤔᤧᤛᤢᤰᤗ ᤑᤠ᤹ᤀᤠᤱ ᤂᤧᤱᤜᤠ᤹ ᤘᤣ᤺ᤴᤍᤢᤛᤡ॥ 18ᤌᤣᤀᤠᤱᤓᤧᤸᤗᤧ ᤀᤒᤡᤔᤣᤗᤣᤁᤖᤧ ᤀᤒᤪᤠᤜᤠᤔᤖᤧ ᤁᤢᤔᤣ᤺ᤳᤋᤡᤴ ᤋᤣ᤹ᤖᤢᤀᤠᤱ ᤘᤕᤧᤒᤠᤸᤗᤧ ᤆᤥᤃᤢᤸᤗᤧ ᤕᤜᤘᤣ ᤍᤠᤱᤒᤧᤸᤗᤧ ᤁᤧᤖᤧᤰ ᤔᤧᤴᤇᤢᤔᤠᤜᤠ᤹ ᤛᤠᤃᤵᤔᤠ ᤔᤧᤴᤇᤢᤰᤔᤏᤠ ᤆᤥᤃᤢᤛᤡᤀᤠᤱ ᤘᤕᤧᤖᤥ॥
Sélection en cours:
ᤋᤥᤗᤡᤱᤛᤥᤔᤢ 20: LIFOTNT
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© 2009, 2023, Wycliffe Bible Translators, Inc. All rights reserved.