ÂTHAONA 21
21
Aisika pina
1A vaw rei hapa hawhta, Abeipa ta Sârâ cha za tly ta. Abeipa ta a bietai hawhta Sârâ chô liata tao ta. 2#Heb 11.11Sârâ cha saw phaoh ta, Khazohpa ta bie â taihna daihti lia tlai ta, Abarahâ a pawpi tawhta sawchapawpa sapa ta. 3Sârâ ta Abarahâ châta sawchapaw a sapa cha, Abarahâ ta a moh Aisika#21.3 “Aisika” tahpa cha, “a pahneih” tahna a châ. bi ta. 4#Âtn 17.12; Hmt 7.8Khazohpa ta bie a piepa hawhta, Abarahâ ta a sawchapawpa Aisika cha noh charie a châ nahta, a chopaw taipa ta. 5Abarahâ cha a sawchapawpa Aisika a sa nota, kô 100 uhtheipa a châ. 6Sârâ ta, “Khazohpa ta na pahneisa ha ta, a theipa maihta eina pahneikhei aw ei. 7Sârâ ta hawsaih â pyh aw tahpa ta ahy ma Abarahâ hnohta a reih beih aw tly? Châhrasala a pawpi tawhta sawchapaw ei sapa haw,” tah ta.
Khazohpa ta Hâkarâ nata Ismela a pabohsa
8Hawti cha laiseih lymâpa ta, sâhpi pathleih ta. Aisika sâhpi pathleih noh liata Abarahâ ta kyhchhi rônahpa tao ta. 9Izi zuah Hâkarâ ta Abarahâ châta a sapa, a sawchapawpa ta Aisika pasipasawh ta a pahneisaopa Sârâ ta hmô ta. 10#Kal 4.29,30Chavâta Sârâ ta Abarahâ hnohta, “Hao seichanô nata a sawchapawpa hao papua teh. Hao seichanô sawchapaw hao ta ei sawchapawpa Aisika he ryu a tolâh awpa châ vei,” tah ta.
11A sawchapawpa kyh a châpa vâta, cha bie chata Abarahâ cha a pachâ parôhsa ngaita ta.
12 #
Rma 9.7; Heb 11.18 Khazohpa ta Abarahâ hnohta, “Hawtipa vâta nata na seichanô vâta na pachâ a parôhsa leipa la, Sârâ ta na hnohta a reipa maih, a reipa hawhta tao mah y. Aisika tawhta na pathlazy a laichadaipa a châ aw. 13Seichanô sawchapawpa chhao, na pathla a châpa vâta phopi ta ei padua aw,” tah ta. 14Chatanachata Abarahâ cha mydi kari ta thyu ta, viahchhâ nata savo titheih la ta, Hâkarâ pie ta, a ngiatlâh liata khaih ta, hawtipa nata pasiesa ha ta. Hâkarâ cha sie ta, Besebâ#21.14 “Besebâ” tahpa cha, “Bietai tikhaoh” tahna tlyma, “Tikhaoh miasari” tahna tlyma a châ. râhchawhpa liata viavipa ta a khiekhâ ta.
15Savo titheih ti a chhâ nahta, hawtipa cha chhohbuh miakha ry liata soh ta. 16“Hawtipa a thi awpa cha mo ngâh va na,” tah ta, vawh ta, hawtipa tawhta libaw ka phana rakha liata a kei tyuh ta. Hawtipa dady liata a tyuh ta, ao paro ngaitapa ta aoh tlili ta cha ta. 17Khazohpa ta hawtipa ao cha thei ta. Khazohpa vâlyuhchâpa ta avâ tawhta Hâkarâ cha za aw ta, a hnohta, “Hâkarâ, khâpa ma na pachâ châ parôhsa? Chi khah y, hawtipa ao cha a yna lia tlai ta Khazohpa ta a thei haw. 18Thyu la, hawtipa kha na ku ta kei chalo la, a pyh mah y. Ano cha phopi rônahpa ta ei tao aw,” tah ta. 19Khazohpa ta Hâkarâ cha a mo pavâsa ta, tikhaoreipa hmô ta. Vawh ta, savo titheih cha ti ta pabie ta, hawtipa cha padosa ta. 20Khazohpa cha hawtipa hnohta y ta, laiseih lymâ ta. Râhchawhpa liata pahrâ ta, libaw ka thaipa a vaw châ. 21Pârâ râhchawhpa liata pahrâ ta, a nô ta Izi zuah a lapinô ta hiapa ta.
Abarahâ nata Abimele likah biehrai
22 #
Âtn 26.26
Cha daihti liata, Abimele nata a pheisaih hyutuhpa Phikaw ta Abarahâ hnohta, “Na hmotaopa zydua liata Khazohpa na hnohta a y lymâ. 23Kei ta na chô liata phana ei palâsapa hawhna heta, nâ chhao kei nata na khichhai châna râh chô liana heta phana palâsa hra mah y. Kei nata ei sawzy nata ei pathlazy chô liata â doleipa ta tao lei awpa ta, tahmâ Khazohpa moh ta bie nâ taih mah y,” tah ta. 24Abarahâ ta, “Bie ei taih,” tah ta.
25Abimele chakaotuhpazy ta tikhaoh ama chhu hapa kyh liata, Abarahâ ta Abimele chô liata nôu bie reih ta. 26Abimele ta, “Cha hmo cha ahy ma a tao tahpa pahno va na. Nâ hra ta na chho beih leipa chi ta, cha kyh cha tanoh he ei pahno tua chaina a châ,” tah ta. 27Abarahâ ta mietakuzy nata viahchao tôhpazy a chhi ta, Abimele cha pie ta, chatanachata ama pano likah liata biehrai tao ei ta. 28Abarahâ ta mietaku zaw hry tawhta mietakutaw chanôpa pô sari ânano ta soh ta. 29Abimele ta Abarahâ hnohta, “Mietakutaw chanôpa pô sari ânano ta na sopa kha khâpa ma a yzie?” tah ta. 30Abarahâ ta, “He tikhaoh he keima chaopa tlai a châ tahpa eina pahnokhei nawpa chi ta, he mietakutaw chanôpa pô sari he ei ku tawhta na la awpa a châ,” tah ta. 31Cha su liata ama pano ta bie amâ taih raihriepa vâta, cha su cha Besebâ bipa a châ. 32Cha hawhna chata Besebâ liata biehrai tao ei ta. Biehrai ama tao khai nahta, Abimele nata a pheisaih hyutuhpa Phikaw cha thyu ei ta, Philistinâ râh lâ amâ lie haw. 33Abarahâ ta Besebâ liana cha Tamâri#21.33 Tamâri tho cha a hna a zô beih leipa, a thari â thupi ta thla ta, vâsua hluh leina lia chhao ta a hroh theipa tho a châ. tho loh ta, cha liata Abeipa, Chhâzaw Khazohpa moh pado ta. 34Chatanachata Abarahâ cha Philistinâ râh liata bohpi y ta.
Sélection en cours:
ÂTHAONA 21: MARVBSI
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
The Bible Society of India
© 2023, Used by permission. All rights reserved.