Luk Ukwagh ɔɔrun tɔndugɔ ukaa ungun
Ukwagh ɔɔrun tɔndugɔ ukaa ungun
Ukaa Luk ghɛ “Akaa ɛrɛn ayɛghɛnɛv amban atsuwa,” ikaa ihar ingin ɔr umɔm ne angɛr. Ikaa ihar ingin ingi ghi ɔɔrun ukwagh arɔm ɛnmɔ Aonz umahe arav iyɔr Izrɛl, ghɛ akur amem na, hin vɛ donda Jizɔs. Kɔ ukaa ungɛrɛn umahe ungumɔ, uzend uvo uru uzan kɔ Jerusalɛm, ahiye utaan Ujus. Ukaa ghu uhar, uzend uvo uru uhiyen hɔ Jerusalɛm ghɛ uzan kɔ itar igen, mbɛɛn ukaa hun Pɔr a ɔɔrɔyi urɛhɛ utorov unav Aonz kɔ Urom, ahiye utaan kɔ itar tsɛng kpɛ ungumɔ.
Luk angɛr ukwagh arɔm ungwen kɔ Unom Tiyofilus, ungwen avand ghi irun utaan uganyi kɔ Rom. Awa isima una Luk kɛ na atɛs, ɛnmɔ awa isima una Aonz ava a ɛr, ɛnmɔ Aonz aru awa isima ukaren kɔ iyɔr Izrɛl sɛ ava ghi iyamǝn kɔ utar umuwem. Ayɛghɛnɛv anav Jizɔs mahɛ vɛ hiye ghi ɔɔrun urɛhɛ Jizɔs ɛnmɔ ahɛmba ikɔw akaa abe ghɛ ikɔw ukuu kɔ ghi itar imem.
Ukaa umahe Luk, ghu ɔɔr ɔs ukwagh arɔm una Jizɔs na, angwe ken apav atar:
Upav umɔm, Jizɔs ahiye utom una hɔ Galili, upav kɔ ghi itow utar Izrɛl.
Upav uhar, azend marɛmb aza kɔ Jerusalɛm, ken ne a ɔz iyɔr kɔ utorov unav Aonz, ne ana Izrɛl mfɔ kɔ utorov unav Aonz.
Upav utar, Luk a ɔɔr uku Jizɔs kɔ Jerusalɛm ɛnmɔ a rɛr kɔ uku, ne atɛs na Jizɔs angwe utor Izrɛl ghɛ Uwun utar.
Sélection en cours:
Luk Ukwagh ɔɔrun tɔndugɔ ukaa ungun: UTA
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
©️2024 Luke Initiative for Scripture Translation