ST. JOHN 3
3
1Keähyah suh Pharisee‐wenene, Nicodemus azhenenekahzood, ootebahkoonega‐wenenemewah egewh Jewyug:
2Wah‐owh oogepenaunzekahwaun enewh Jesusun magwah tebekudenig, oo‐oo keënaud, Rabbi, nekekandahmin keen ahweyun owh kakenooähmahgad Kesha‐Muhnedoong pahoojebaud, kah muh ahweyah oodahkushketoosenun oonoo mahmaundahwejegunun keen azhechegayun, Kesha‐Muhnedoon atuh weejewegood.
3Jesus dush oogenuhquatuhwaun oo‐oo keënaud, Kagate, kagate, kedenin, Kishpin ahweyah aunjnegesig, kahween oodahwahbunduhseen ewh Kesha‐Muhnedoo oodoogemahwewin.
4Nicodemus dush oo‐oo oodenaun, Ahneen dush owh enene kaëzhenegepun uhpe ahzhuh kekekaud? Nayaub nuh tahkushketoo chepeendegad emuh ooweyowening oogeen, chenegepun dush?
5Jesus dush oogenuhquatuhwaun, Kagate, kagate, kedenin, Kishpin ahweyah negesig emuh nebeeng kuhya emuh Keche‐Oojechaugoong, kahween tahkushketoose chepeendegad emuh Kesha‐Muhnedoo oodoogemahwewining.
6Ewh suh weyausing wanjenegemahguk, weyaus suh ewh; ewh dush Oojechaugoong wanjenegemahguk, Oojechaug suh ewh.
7Kagoo mahmahkahdandunkan ewh keënenaun, Kenundahwandahgoozeem cheäunjnegeyag.
8Ewh noodin uhyenahnemud wahenahnemuk, kenoondaun dush muhtwayahnemuk, kah suh dush kekekanduhse tebe pahoonjebahmahgudoogwan, kuhya tebe azhahmahgudoogwan: mesuh azheähyahwaud kuhkenuh egewh Keche‐Oojechaugoong wanje‐negejig.
9Nicodemus oogenuhquatuhwaun, oo‐oo dush keënaud, Ahneen kaëzheähyaugebun oonoo?
10Jesus dush oogenuhquatuhwaun, oo‐oo keënaud, Keen nuh kedow owh kakenooähmahga‐wenene emuh Israeling, kekanduhsewun dush oonoo?
11Kagate, kagate suh kedenin, Ninduhzhindahmin ewh kakandahmaung, kuhya nindebahdoodahmin ewh kahwahbunduhmaung; kah dush kedoodahpenunsenahwah nedebahjemoowinenaun.
12Kishpin keweenduhmoonenuhgoog uhkeeng duhzhe uhyeëen, dabwayanduhsewag dush, Ahneen kaëzhedabwayanduhmag, kishpin, weenduhmoonuhgoog keche‐kezhegoong duhzhe uhyeëen?
13Kah dush ahweyah Keëzheoombishkahse ewede keche‐kezhegoong ween atuh keche‐kezhegoong kahpeöonjenesid, owh Enene oogwissun keche‐kezhegoong ayaud.
14Kahezheöombahkoonaud suh owh Moses enewh kenabigoon emuh buhgwuhduhkummig, me suh ewh nahsaub kaëzheöombahkoonind owh Enene oogwissun:
15Kuhkenuh dush egewh duhyabwayanemahjig chebahnahdezesigwah, cheähyahmoowaud dush goo ewh kahgega‐bemahdezewin.
16Kahahpeech‐shahwandung owh Kesha‐Muhnedoo ewh uhkee oogeöonjemeegewanun tebenuhwa oogwissun nuhyatahwezenejin, ahwagwan dush duhyabwayanemahgwan chebahnahdezesig, cheähyaung suh dush ewh kahgega‐bemahdezewin.
17Kah muh Kesha‐Muhnedoo oogeöonjeëzhenahzhahwahseen enewh Oogwissun oomah uhkeeng chenahneboondung ewh uhkee, ewh suh dush uhkee chebemahdudenig ween oonje.
18Owh suh duhyabwayanemaud kahween nahneboomahse: owh suh duhyabwayanduhsig ahzhuh suh kenahneboomah, kah muh oogedabwayanduhseen oodezhenekahzoowin enewh puhyazhegoonejin wagwissejin owh Kesha‐Muhnedoo.
19Me suh oo‐oo nahneboondewin, ewh wahsayahzewin kepetuhgwishenoomahguk oomah uhkeeng, enenewug dush ahwahshema oogesahgetoonahwah ewh puhsuhgish‐tebik dush ween azhesahgetoowaud ewh wahsayahzewin, kemujje-uhyeëewenenewun muh oodezhechegawinewaun.
20Anduhchid muh owh maje‐ezhechegad oosheengandaun ewh wahsayahzewin, kah dush oopenaunzekunseen ewh wahsayahzewin, kootung suh chekekanjegahdanig oodezhechegawinun.
21Owh dush mahkindung ewh dabwawin oopenaunz e kaun ewh wahsayahzewin, chemezheshuh‐wahbunjegahdanig oodezhechegawinun, emuh Kesha‐Muhnedoong keëzhechegahdanig.
22Kahishquah‐ahyaug oonoo, Keëzhah owh Jesus kuhya enewh ookekenooähmahgunun emuh Judeä duhzhe uhkeeng. Ewede dush oogeweej‐ahyahwaun enewh, kebaptizooëwa dush.
23Keähyah kuhya ween owh John Baptizooëwa‐wenene emuh Enoning pashoo ewh Salem keduhzhe‐baptizooëwad, emuh nebekahgoobun muh, kapeëzhahwug dush chebaptizooïndwah.
24Kah muh muhshe keähpuggenahsebun owh John emuh kebahquahoode‐weguhmigoong.
25Kekuhgwajindewug dush ahnind owh John ookekenooähmahgunun kuhya dush egewh Jewyug, keduhzhinduhmoowaud ewh peeneëdezoowin.
26Oogepenaunzekahwahwaun dush enewh Johnun, oo‐oo dush keënahwaud, Rabbi, owh kahweejewud ewede ahgahme‐seebe Jordan, kahdebahjemud, benuh, ween baptizooëwa, kuhkenuh dush oopenaunzekahgoon.
27John dush oogenuhquatuhwaun, oo‐oo keënaud, Kahween ookushketooseen ahweyah gagoo chëoodahpenung, bahnemah atuh keche‐kezhegoong keöonjemeenind.
28Kenuhwah tebenuhwa suh kekekanemin, oo‐oo keëkedooyaun, Kahween nindahwese owh Christ, ninpeöonjeäh-noonegoo chepenegahneetuhwug.
29Owh ayahwaud enewh nahaungequan me suh owh nahaungeshewid: enewh oowejekewaün owh nahaungish nahbahwid kuhya nwaunduhwaud, keche moojegezewun oonje oodinwawin owh nahaungish: mesuh maunduh nemoojegezewin ketebishkoosag.
30Ween ashkum tahkechetwahwandahgooze, neen dush ween ashkum noondaush ningahahpetandahgooz.
31Owh ishpeming wanjebaud ahwahshema ahpetandahgooze dush ween kuhkenuh: Owh dush uhkeeng wanjebaud uhkeewe suh, me dush goo uhkee anduhzhindung: owh dush keche‐kezhegoong wanjebaud ahwahshema keche‐ahpeetandahgooze dush ween kuhkenuh.
32Ewh dush kahwahbundung kuhya kahnoondung, me suh ewh dabahdoodung; kah dush ahweyah oodoodahpenahmahwahseen oodebahjemoowin.
33Owh dush ween wadahpenuhmahwaud ewh oodebahjemoowin oogeähtoon ookookoowuhsuhgun chedabwad owh Kesha‐Muhnedoo.
34Enewh mahween Kesha‐Muhnedoo kahpeëzhenahzhahwahjin, oodebahdoodaunun Kesha‐Muhnedoo oodekedoowinun: Kah muh kekenuhwauj menik oogemeenahseen owh Kesha‐Muhnedoo enewh Oojechaugwun.
35Owh Wayoosemind oosahgeäun enewh Wagwissemindjin, oogepuhgedenuhmoowaun dush ween ahnooj gagoon emuh ooneenjening.
36Owh duhyabwayanemaud enewh Wagwissemindjin oodahyaun ewh Kahgega‐bemahdezewin; Owh dush duhyabwayanemahsig enewh Wagwissemindjin kahween oogahwahbunduhseen ewh bemahdezewin, ookekishkaun Kesha‐Muhnedoo oonishkahdezewin.
Sélection en cours:
ST. JOHN 3: OTW
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
