ST. JOHN 5
5
1Kahishquah‐ahyaug oonoo ketebishkoosane oowekoondewinewah egewh Jewyug; keëzhah dush owh Jesus ewede Jerusaleming.
2Ahyahmahgud dush emuh Jerusaleming emuh suh anduhzhe‐ahtahwahgang egewh mahnishtahneshug, ewh wahzhebeäunse, anwawaud egewh Hebrewug, Bethesda ezhenekahda, nahning suh tasekahnewun.
3Emuh peendig keshingeshenoog keche‐nebewah ayahkoozejig, kakepeengwajig, achahoosajig, kuhya naboowahpenajig, ewh betoowaud ewh nebee chemahmahdahgummeähnig.
4Pazhik muh angen uhpe tabishkoosag kepeëzhah emuh wahzhebeäunsing, kuhya dush kemahmahdahgummissetood ewh nebee: owh dush netum kahpahkoobeed kahmahmah-dahgummesechegahdag ewh nebee kenoojemooäh nuhmunj egoo anahpenagoobunan.
5Keähyah suh emuh pazhik enene, ahzhuh nesemeduhnuh‐ahshe‐neshwahsoo‐kekenoonoowinun kahahkoosid.
6Uhpe dush owh Jesus wuhyahbuhmaud shingeshenenid, kakanemaud dush ahzhuh nebewah duhsoo kekenoonoowinun oo‐oo keënahpenanid, oo‐oo oodenaun, Kenundahwandum nuh chenoojemooëgooyun?
7Oo‐oo dush oogëezhenuhquatuhwaun owh ayahkoozid, Tabaningayun kahween ahweyah enene nindahyahwahse kaähpuggedenepun emuh wahzhebeäunsing uhpe mahmahdahgummesag ewh nebee: magwah dush peëzhahyaun, pakahnezid suh puhkoobee chepwah puhkoobeeyaun.
8Jesus dush oo‐oo oodenaun, Puhsegween, oodahpin suh kenebahgun, pemoosan dush.
9Bahbega dush kenoojemooäh owh enene, oogeöodahpenaun dush oonebahgun, kuhya dush kebemoosa: keäunwabe‐kezhegud uhpe kenoojemooïnd owh enene.
10Egewh dush Jewyug oo‐oo oogeënahwaun enewh kahnoojemooëminjin, Aunwabe‐kezhegud suh goo, kahween enandahgwussenoon cheöodahpenuhmun ewh kenebahgun.
11Oo‐oo dush oogeëzhenuhquatuhwaun, Owh kahnoojemooïd, oo‐oo ningeïk, Oodahpin kenebahgun, pemoosan dush.
12Oogeguhgwajemahwaun dush, Ahwanan owh oo‐oo kahenik, Oodahpin kenebahgun, pemoosan dush?
13Owh dush kahnoojemooïnd kahween kekekanduhse ahwagwanewagwan: kemahjewenedezoo muh owh Jesus, kekeche‐bahtuhyeïnwun muh enewh ahnishenahban.
14Nahguj dush Jesus oogemekahwaun emuh keche‐ahnuhmeä‐weguhmigoong, oo‐oo dush oogeënaun, Benuh, kenoojimooëgoo: kagoo menuhwah mujje‐ezhechegakan: koonemah nahwuj sanuhguk kegahoodissegoon.
15Kemahjah dush owh enene, oogeweenduhmoowaun dush enewh Jewyun, Jesus ahwenid enewh kahnoojemooëgood.
16Me dush egewh Jewyug kahoonjenoosoonawahwaud enewh Jesusun, kenundahwanemahwaud dush chenesahwaud; oonje keëzhecheganid oonoo uhyeëen aunwabe‐kezhegudenig.
17Jesus dush oogenuhquatuhwaun, Noos ahnooke nahnauzh egoo noongoom, kuhya neen ninduhnookee.
18Me dush ashkum kahoonjenunduhwanemahwaud egewh Jewyug chenesahwaud, kah muh atuh kebahnahjetood ewh aunwabe‐kezhegud, oo‐oo kuhya keëkedood, Neen tebenuhwa Noos ahwe Kesha‐Muhnedoo, ahpeetandahgoo-edezood debishkoo Kesha‐Muhnedoon.
19Jesus dush oogenuhquatuhwaun oo‐oo keënaud, Kagate, kagate, kedenenim, Kahween owh Wagwissemind ookushketooseen ween tebenuhwa ningood cheëzhechegad, me atuh azhewahbuhmaud enewh Wayoosemindjin cheëzhecheganid; azhecheganegwan muh, mesuh nahsaub azhechegad owh Wagwissemind.
20Owh muh Wayoosemind oosahgeäun enewh Wagwissemindjin, oowahbundahaun dush kuhkenuh gagoo ewh ween tebenuhwa azhechegad; nahwuj dush kache‐ahpeetandahgwukin ahnookeewinun oogahwahbundahaun dush ween oonoo, cheöonjemahmahkahdanduhmag.
21Debishkoo owh Wayoosemind azheähbejebahaud enewh naboonejin, bemahdezeäud dush, me suh dush kuhya owh Wagwissemind azhebemahdezeäud enewh wahbemahdezeähjin.
22Kah muh owh Wayoosemind ootebahkoonahseen ahweyah, oogepuhgedenuhmoowaun dush enewh Wagwisseminjin kuhkenuh tebahkoonewawin:
23Kuhkenuh dush cheëzhekeche‐peshegandahgooähwaud enewh Wagwisseminjin, nahsaub goo azhepeshegandahgooähwaud enewh Wayooseminjin. Owh dush kachetwahwanemahsig enewh Wagwisseminjin kahween ookechetwahwanemahseen enewh Wayoosemindjin kahpeähnoonegoojin.
24Kagate, kagate, kedenenim Owh suh nwaundung ewh nindekedoowin, duhyabwayanemaud enewh kahpeëzhenahzhahoojin, oodahyaun ewh kahgega‐bemahdezewin, kah dush tahezhahse emuh nahneboondewining, oogekuhbekaun suh ewh neboowin, emuh dush kahgega‐bemahdezewining kepeendega.
25Kagate, kagate, kedenenim, Peëzhahmahgud ewh kezhik, zhuhyegwah tebishkoosamahgud, uhpe egewh naboojig kanoonduhmoowaud ewh oodinwawin enewh Kesha‐Muhnedoo Oogwissun: egewh dush kanoondungig tahbemahdezewug.
26Debishkoo owh Wayoosemind azhekekishkung ween tebenuhwa ewh bemahdezewin, mesuh kuhya kahezhemeenaud enewh Wagwisseminjin ween tebenuhwa chekekishkuhmenid ewh bemahdezewin.
27Oogemeenaun dush ewh kushkeäwezewin e‐ewh chetebahkoonewanid, Enene Oogwissun muh ahwe.
28Kagoo mahmahkahdandunkagoon oo‐oo: petuhgwishenoomahgud suh ewh kezhik, uhpe kuhkenuh egewh emuh chebaguhmigoong ayahjig kanoonduhmoowaud ewh oodinwawin,
29Tahpesahgahuhmoog edush; egewh kahmenoo‐ezhewabezejig, emuh kahgega‐bemahdezewine‐ahbejebahwining; egewh dush kahmujje‐ezhechegajig, emuh nahneboondewine‐ahbejebahwining.
30Kahween nekushketooseen gagoo neen nezheka cheëzhechegayaun: azhenoondahgayaun, mesuh azhetebahkoonegayaun: quuhyukwud suh netebahkoonegawin; kah muh nenunduhwanduhse neen tebenuhwa nindenanduhmoowin, oodenanduhmoowin atuh owh Wayoosemind kahpeëzhenahzhahood.
31Kishpin debahjindezooyaun, kahween dabwamahgussenoon ewh nindebahjemoowin.
32Puhkahneze suh owh dabahjemid; ninkekandaun dush chedabwamahgudenig ewh oodebahjemoowin anahjemid.
33Kegeëzhenahzhahwahwaug egewh kahahwekuh-gwajemahjig enewh Johnun, oogedebahdoodaun dush owh John ewh dabwawin.
34Kahween nindoodahpenunseen enene oodebahjemoowin: oonoo dush ekedoowinun kedezheguhnoonenim cheöonjebemahjeëgooyag.
35Kache‐minwahketag wahsuhkoonanjegun keähwe: wanebik dush kegeminwandahnahwah dush ewh oowahsayahzewin.
36Nindahyaun suh nahwuj kache‐ahpeetandahgwuk debahjemoowin John dush ween oodebahjemoowin: enewh ahnookewinun, kahmeezhid owh Noos chekeezhetooyaun me enewh ahnookewinun dabahjemegooyaunin, ewh Noos kepeëzhenahzhahood.
37Kuhya dush owh Wayoosemind kahezhenahzhahood, ween ningedebahjemik. Kah dush wekah kegenoonduhsenahwah ewh oodinwawin, kah dush wekah kegewahbuhmahsewah azhenahgoozid.
38Kah dush kedahyaunsenahwah ewh oodekedoowin emuh keyowewaung; kah muh kedabwayanemahsewah enewh kahpeëzhenahzhahwahjin.
39Nunduhkekanduhmook enewh oozhebeëgunun; kedenandaum muh enewh cheoonjeähyahmag kahgega‐bemahdezewin: me dush enewh dabahjemegooyaunin.
40Kahween kedenanduhseem chepenaunzahkahweyag, cheoonjeähyahmag ewh bemahdezewin.
41Kahween nindoodahpenunseen ewh enene‐peshegan-dahgoozewin.
42Kekekanemenim, sahgeähsewag owh Kesha‐Muhnedoo peenjenuh.
43Ningepeëzhah emuh oodezhenekahzoowining owh Noos, kah dush kegeöodahpeneseem: kishpin pakahnezid peëzhaud emuh tebenuhwa oodezhenekahzoowining, mesuh owh kaöodahpenag.
44Ahneen dush kaëzhedabwayanduhmag ewh kenuhwah, mamashquaud wandenuhmahdeyag ewh peshegandahgoozewin, kah dush kenundahwanduhsenahwah ewh peshegandahgoozewin puhyazhegood Kesha‐Muhnedoong wanjebahmahguk?
45Kagoo enandunkagoon neen cheweähnahmemenahgoog emuh enahsuhmuhbid owh Noos; ahyah suh pazhik kaähnahmemenenag, owh Moses, apanemag.
46Dabwatuhwagoobun dush ween owh Moses, kedahgedabwatuhwim: neen muh ningetebahjemik, ewh keöozhebeëgad.
47Kishpin dush dabwatunsewag enewh oodoozhebeëgunun, ahneen kaëzhedabwatuhmag nindekedoowinun?
Sélection en cours:
ST. JOHN 5: OTW
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
