संत.जोहन 3
3
ईसु आउर निकोदिमुस
1फरीसीकु रे मियांड निकोदिमुस नुमू रिनी होड़ ताही नेनाय, जे जाहुदीकु आली नेता ताही नेनाय। 2हुनी निदा ईसु दुबाःड़े हीःग केते बेता लियाय, “हे रब्बी, आले पाड़ी आले ची आम परमेसर पखा तरअः हीःग उनी गुरू हेके, एता लःअय ची नोःआँ चिनहा के जेके आम देखायाम जदि परमेसर हुनी लोः काय ताहीनोः दो एरे देखाव सकाया।” 3ईसु हुनी के कंहड़ी रूवाड़ोः लियाय, “ईङ आपे के सचे-सचे बेताअः देपेईंग जदि जाहें दोबारा आलुई जनम इदी दो हुनी परमेसर आला राईज के एरे नेल दड़ीआ।” 4निकोदिमुस हुनी के कुली लियाय, “होड़ जब सेंयाड़ जुनोआय दो एता लकान दोबारा जनम इदी सकायाय? अपन आया आला लाहीःग रे आउर मिखेप बोलो केते जनम इदी सकायाय एतान?” 5ईसु हुनी के कंहड़ी रूवाड़ोः लियाय, “ईङ आम के सचे बेताअः दिमीईंग जब तक जाहें होड़ दाअः तेकर आतमा तरअः आलुई जनमाअ जगुत हुनी परमेसर आला राईज रे बोल एरे दड़ीआ। 6एता लःअय ची जे होड़ो तरअः जनमाव तनाय हुनी होड़ो हेके, तेकर जे आतमा तरअः जनमाव तनाय हुनी आतमा हेके। 7ईङ आम के दोबारा जनम इदी एदनाआ, मेन केते बेता लिमीईंग लःअय, आलुम मोकाअ। 8होय जाने चहाआ हेनते सेना, तेकर आम होना रेनअः सांय-सयांअ के आयुमेआम, बकिर नोःआँ काम पाड़ीआ ची होना ओका पखा तरअः हिजोआ, तेकर ओका पखा सेना। परमेसर आला आतमा तरअः जनमाव तनाय हुनी निकान गीआय।” 9निकोदिमुस हुनी के कुली लियाय, “नोःआँ एता लकान हुयाव सकाआ?” 10ईसु हुनी के कंहड़ी रूवाड़ोः लियाय, “आम इसराइल रेनमे गुरू हेके, सेरे होः नोःआँ बात के होः काम बुझाआ! 11ईङ आम के नोःआँ सचे बेताअः दिमीईंग, आले जे पड़ीआले हिना के कंहड़ीयाले, आउर जेके आले नेल तदाले, हिना रेनअः गोवाही के एमेआले, तेकर आपे आले आला गोवाही कापे गरहनेआ। 12ईङ आपे के धरती रेनअः बात के उदूः लिपेईंग तेकर आपे कापे बिसवासेआ दो, जदि ईङ आपे के सिरमा रेनअः बात उदूःगेईंग, दो आपे एता लकान बिसवास केआपे? 13आउर ओके होः सिरमा रे काकु रकाःब ताना, हिनी भाईर जे सिरमा तरअः अड़गु तनाय, माने कि मनवा होपोन।” 14#गन 21:9तेकर जे लकान मुसा बुरु रे पितर रिनी बिंङ के खंभा तेंग रे रकाःब थिलयाय, हिना लकान मनवा होपोन के होः तेंग रे रा-रकाःब दरकार एदनाआ। 15जेकर से ची जे हुनी रे बिसवासे-आकु, हुंकू का-अन्तोः जिनगी नामेकु।
16एता लःअय ची परमेसर दुनिया तरअः नोकान दुलार दोहो लःअय, ची हुनी अपन मियांड रनगोटा होपोन के एम लिदयाय, जेकर से ची हुनी रे जे बिसवासेकु हुंकू आलकु नास कोअ, बकिर का-अन्तोः जिनगी नामेकु। 17परमेसर अपन होपोन के दुनिया रिनकु होड़कु के दोसी ठा-ठहराव लःअय काय कुलगोःड लिया, बकिर हुनी के निआँ लःअय कुलगोःड लियाय ची उधार नामे कु। 18जे हुनी रे बिसवासे-आकु, हुंकू रे डांड़ रेनअः हुकूम का हुयाआ, बकिर जे हुनी रे काय बिसवासेआ, हुनी दोसी ठहराव चुकाव नाय, एता लःअय ची हुनी परमेसर आली मियांड ठुका होपोन आला नुमू रे काय बिसवास लआ। 19डांड़ रेनअः हुकूम रेनअः कारन नोःआँ हेके ची मरसल दुनिया रे हीःग नेना, तेकर होड़कु मरसल तरअः अंधार के जादे दुलार लअकु, एता लःअय ची हुंकू आला काम गादुस ताही नेना। 20जे बुराई कामीयाय हुनी मरसल तरअः खीस दोहोयाय, आउर मरसल दुबाःड़े काय हिजोआ, नोकान आलु हुयाव कोअ ची हुनी आला काम आलु दिसतार कोअ। 21बकिर जे सचाई रे चलाआय हुनी मरसल दुबाःड़े हिजोआय, जेकर से ची नोःआँ दिसतार जुनोः ची हुनी आला काम परमेसर पखा तरअः कामी लअः हेके।
ईसु आला बारे जोहन आला गोवाही
22नोःआँ तयोम ईसु तेकर हुनी आलकु चेला ताय जाहुदिया राईज रे हीःग नेनाकु, तेकर होनाःड़े थोड़ेक दिन हुंकू लोः ताही नेनाय आउर बतिस्मा एमा कु केनाय। 23जोहन होः सालेम सहर रेनअः हेनाःड एनोन रे बतिस्मा एमाकु केनाय, एता लःअय ची होनाःड़े ढेर दाअः ताही नेना, तेकर होड़ हीःग केते बतिस्मा इदी केनाकु 24#सं.मत्ती 14:3; सं.मर 6:17; सं.लुका 3:19,20जोहन के हुमिन जगुत जेहेल काकु आदेर ताहिलिया। 25जोहन आलकु चेला आउर मियांड जाहुदी लोः सुधोअ रेनअः बारे रे रेना-टेटा हुयाव नेना। 26हुंकू जोहन दुबाःड़े सेन केते कंहड़ी लअकु, “गुरू नेलेमे, जे जरदन नाई रेनअः होना पखा आपे लोः ताही नेनाकु, तेकर जेकर बारे आम गोवाही एम लअम, हुनी बतिस्मा एमा कुआय, तेकर जामा होड़ हुनी दुबाःड़े तोरा कुआ।” 27जोहन उतारा एमा लियाय, “जाहें होड़ मियांड-मिन एरे नाम दड़ीआ जदि हुनी के सिरमा तरअः आलु भेटाअः। 28#सं.जोह 1:20आपे दो खुदे ईङ आला गोवाह एदान पेआ ची ईङ कंहड़ी तदिङ ‘ख्रीस्त नलागे, बकिर हुनी तरअः पहिल रे कुलगोःड तदिङाकु।’ 29कनया, बरबाबु आली गी ताहिनोआय, बकिर बरबाबु आली लोखंदा साँघे ताही केते हुनी आला अयुमेआय, आउर हुनी आला कंहड़ी रे मुरुक खुस जुनोआय। ईङ आला रिझ निआँ लकाना, आउर नहाअः ईङ आला नोःआँ रीझोः पुराअ ना। 30नोःआँ दरकार एदनाआ ची, हुनी बढ़ाव सेनाय आउर ईङ घटाव सेनिङ।” 31जे तेंग तरअः हिजोआय, हुनी जामा तरअः तेंग एदानिया। जे धरती रिनी हेके आउर धरती रेनअः बात कंहड़ीयाय। जे सिरमा तरअः हिजोआय हुनी जामा तरअः तेङाय। 32हुनी जे नेल तदाय, तेकर आयुम तदाय, हुनी हिना रअः गोवाही एमेआय, तेकर ओके होः हुनी आला गोवाही काकु गरहनेआ। 33जे हुनी आला गोवाही गरहन केदाय, हुनी नोःआँ बात रे मरका लगाव केदाय, ची परमेसर सचा एदानिया। 34एता लःअय ची जेके परमेसर कुलगोःड तदियाय, हुनी परमेसर आला बात कंहड़ीयाय, एता लःअय ची हुनी आतमा सोंङ-सोंङ केते काय एमेआ। 35#सं.मत्ती 11:27; सं.लुका 10:22आपाते होपोन तेके दुलारीयाय, आउर हुनी जामा जिनीस हुनी आला तीः रे एमा तदियाय। 36जे होपोन रे बिसवासेआय, का-अन्तोः जिनगी हिनी आला हेके, बकिर जे होपोन रे काय बिसवासेआ, हुनी के जिनगी एरे भेटाआ, बकिर परमेसर आला खीस हुनी तेंग रे ताहिनोआँ।
Sélection en cours:
संत.जोहन 3: ASR
Surbrillance
Partager
Comparer
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
© 2023 NLCI CC BY-NC-ND 4.0
