JHN 16
16
1येशुड मुंदारकी आन्या, “मिक विश्वासला तटराय तगलाराद आंकेन निन मिक इ माटलु शप्पी फेटनान. 2वार मिमलान सभास्थान लोन्केल बैटीक तिशार; यवाड मिद जेम तिस्कुनी, वानकी इल्ला वाटाशी की वाड परमेश्वरदी सेवा शेस्तुनाड, इल्लोनदी वेळ वस्तुनाद. 3इदी वार दिनिचांग शेशार की वार आब्बान गुरतु फट्टार इंगा नन्नु पण. 4निन मिक इ माटलु दिनिचांग शपतीन की, आय घडाशेद वेळ वच्चीनाद आंटे आय निन मिक शप्पीन्टीन दिनदी ध्यानाम दावाला. इ माटलु निन मिक, पहिलाने, शप्पालेद, येनटीक की निन मी जताक उंटीन.
पवित्र आत्माय फनुल
5येशुड मुंदारकी आन्या, पण नन्नु आंपीने आब्बान तीकुड निन इप्पुड फोयतुनान इंगा नु यंदुक फोयतुनाव इल्ला मी दिंटल्योन्टोड यवाडुच नन्नु आडगाड. 6पण याय माटलु निन मिक शपतीन आटला इचांग मिद अंतकरण दु:खता निंडी फोयनाद. 7तरी पण निन मिक खरेम शपतान, निन फोयतुनान दिंटल्या मीदे फायदा उंडाद, येनटीक की जर निन फोलेद, तर वकील मी तीकुड दाके फोई; निन फोयतीन आंटे वान निन मी तीकुड आंप्यान; 8इंगा यप्पुड वाड वच्ची, तर वाड दुन्यामलोन मंदीक वार पापला बद्दल, परमेश्वर नितीमत्व बद्दल इंगा वच्चे न्याय बद्दल नेरपी. 9पाप बद्दल; येनटीक की वार ना मिंदा विश्वास फेट्टार. 10नितीमत्व बद्दल; येनटीक की निन ना आब्बान तीकुड फोयतुनान इंगा दिन मुंदारकी निन मिक कमसाक फोयान. 11इंगा न्याय बद्दल; येनटीक की इ दुन्याम शासक शैतान दोषी ठराशीनाड.
12 नाक मिक इंगा शेंगेम माटलु शप्पेद उंडाद पण मीर इप्पुडे आय सहन शेशी शकायार. 13पण आदी सत्यद आत्मा वच्ची आप्पुड आदी मिक दावा सुपीच्ची पुर्ण सत्यला येकेन फोई, येनटीक की आदी स्वता मनता येमीच शप्पाक फोई; तर येम आब्बान तीकेल इनी आद्दे शप्पी इंगा मुंदारकी आय्ये माटलु मिक शप्पी. 14वाड नाद गौरव शेशी, येनटीक की याद नाद उंडाद दांटल्योन्केल तिस्केन वाड मिक शप्पी. 15येम पण स्वर्गीय आब्बानदी उंडाद आदी आंता नाद उंडाद; दानिचांग निन आंटीन की, याद नाद उंडाद दांटल्योन्केल तिस्केन वाड मिक शप्पी.
दुख आनंदला बदलाशी फोई
16येशुड मुंदारकी आन्या, काही वेळ आयनेंका, निन मिक कमसाक फोयान; इंगा, काही वेळ आयनेंका मीर नन्नु सुशार.” 17आप्पुड वान काही शिष्यल वगामेगारनी आनीर, दिनदी अर्थ येम उंडाद जे इड मनालनी आंटुनाड काही वेळ आयनेंका निन मिक कमसाक फोयान इंगा रव्वा वेळ आयनेंका मीर नन्नु सुशार? इंगा इदी दिनिचांग की निन आब्बान तीकुड फोयतुनान. 18वार आंदुर, इड 'काही वेळ आयनेंका' इल्ला जे आंटुनाड दानदी अर्थ येम? इड येम माटलाडतुनाड आदी माक तेल्वाक वच्चीनाद. 19येशुनकी यरका उंड्या की वारकी वान आडगेद उंडाद, दिनिचांग येशुड वारनी आन्या, “निन आंटीन की, काही वेळ आयनेंका, निन मिक कमसाक फोयान इंगा, काही वेळ आयनेंका, मीर नन्नु सुशार, दिन बद्दल वगामेगारनी आडगुतुनार येम? 20निन मिक खरे-खरेम शपतान, मीर येडशार इंगा शोक शेशार, पण दुन्यामलोन मंदी आनंद शेशार. मिक दु:ख आय्यी, पण मिद दु:ख मिद आनंद आय्यी. 21आंडीदानकी बिडा फुट्टेताप्पुड तकलीफ आयताद, येनटीक की दान दु:खद वेळ देगार वच्चीनेद उंटाद; पण बिडा फुट्टीनेंका बिडा दुन्यामलोंग वच्चीने आनंदला आदी दानदी तकलीफ मती मरशी फोयताद. 22इंगा इल्ले, इप्पुड तर मीर दुखी उंडार; तरी निन मिक वापस भेटाशान इंगा मी अंतकरणलु आनंदीत आय्यी इंगा मी तीकेल मिद आनंद यवारुच नांचकुनाक फोयार. 23इंगा आबद #16:23 आबद येशुड सच्चीनोर लोन्केल लेशीन नाबद मीर नन्नु याईच प्रश्नल आडगाक फोयार. निन मिक खरे-खरेम शपतान, मीर आब्बान देगार येमाना आडग्यार तर वाड मिक ना फेरता इच्ची. 24मीर इंगाना ना फेरता आब्बान येमीच आडगालेद; आडगुना आंटे मिक शिक्की, दिनिचांग की, मिद आनंद पुर्ण कावाला.
दुन्याम मिंदा विजय
25येशुड मुंदारकी आन्या, इ माटलु निन मिक दाखलाल इच्ची शप्पीनान; पण यप्पुड निन मी जताक दाखलाल इच्ची माटलाडाक फोयान पण निन मिक स्पष्ट आब्बान बद्दल शप्यान इल्ला वेळ वस्तुनाद. 26आबद मीर ना फेरता आडग्यार; इंगा निन मी इचांग आब्बान देगार विनंती शेशान इल्ला निन मिमलान आनान. 27येनटीक की आब्बाड स्वता मी मिंदा प्रेम शेस्ताड, येनटीक की मीर ना मिंदा प्रेम शेस्तार इंगा निन आब्बान तीकेल वच्चीनान इल्ला विश्वास फेट्टीनार. 28निन आब्बान तीकेल यल्ली दुन्यामलोंग वच्चीनान; वापस, दुन्याम इडशी आब्बान तीकुड फोयान.”
29वान शिष्यल वान आनीर, “सुड, इप्पुड नु स्पष्ट माटलाडतुनाव दाखला इयाक वच्चीनाव. 30इप्पुड माक तेल्चीनाद की, निक आंताच यरका उंडाद इंगा निन्नु प्रश्न आडगेद यवारकीच गरज लेद. दिन मिंदकेल मिम विश्वास फेटताम, की नु परमेश्वर तीकेल वच्चीनाव.” 31येशुड वारकी उत्तर इच्या, “मीर इप्पुड विश्वास फेटतार येम? 32सुडना, इल्ला वेळ वस्तुनाद लेकाते वच्चीनादुच की, मीर अलग-अलग आय्यी आंदार मना-मना इल्लुक फोयार इंगा नन्नु वक्काने इडशार; पण निन वक्काडे लेन, येनटीक की आब्बाड ना जताक उंडाड. 33ना लोना मिक शांती शिक्काला आंका निन इ माटलु मिक शप्पीनान. दुन्यामला मिक तकलीफ आय्यी; तरी दम फटना, निन दुन्याम मिंदा विजय मिळा मतनान!”
Sélection en cours:
JHN 16: WNT
Surbrillance
Copier
Comparer
Partager
Tu souhaites voir tes moments forts enregistrés sur tous tes appareils? Inscris-toi ou connecte-toi
