KAOBAK 6
6
Khunakshousi Amaibü
1Ladang kaonyudaka müt bukko haako haula khangkei, yaksa shousi bukkukei. 2Khuthükbü shousi shuongei mütshuongeibü nouyangshousi hesisao maian hapbei; hoba haoenei pienbü pendou haoeneibü yakla lekei. 3#Gal 5.16-17 Hobaje Bunyubouei laukei, “Kü soushouei müt to ponpen aoyolabü, aieilausi hao phe ong; hao po saongao to saoche ong kilabü.” 4Khübü chaloua Süngbülopbü shuong kiteikei, hoba kho phaiakei, khuthükbü shousi shuong mütshuongeibü nouyang shousi shuong to jambo haoenei haoeneibü shousi shuong bukkukei; haoen kho shangieda thama hau kibü nyenshen mütshuong kikei.
5Hobaje kaodaka khunakshousi shedbü shabü yaang dogo, hoba haoeneibü maangpona dambü ponpen amai dogo Bunyubouei hapbei. 6Hobaje khunakshousi aila kaodaka kümbei dogo Bunyubou maangpon sepeikei, hoba haoeibü maangpona maang ngangkei. 7Hobaje Bunyubouei laukei, “Khunakshousi ao ngei yaükei, müt, meisiau, topeibü yangsikok hoba mühkabü au, dogo ngei kaodak ka mautilabü; aieilausi haoen kümbü ka kü maangpon leiluda.” 8#Lk 1.30 Lausikei Noa Bunyubou thedanga maangshikbü hapbei.
Noa
9 #
Ibr 11.7 Ho Noa meten ngühli; Noa saopobü müt kikei, haoeibü meten shedbü akibü Noa Mühghaü yoa paikei. 10Hobaje Noaei shousi sem kikei - Shem, Ham hoba Jafet. 11Hobaje Mühghaü thedanga kaodak asaopoko kikei, hoba ik shatyobüei shenan kikei. 12Hobaje Mühghaüei kaodak to chühsi, kho asaopoko kikei; aieilausi mütshuong haangei amaiko kibüei amaiko yeikei.
13Mühghaüei Noa to laukei, “Ngei khunakshousi pendou shemtilabü, aieilausi haoen ik shatyobüei kaodak shena. Ngei haoen kaonyu yoa mautilabü. 14Nyi ka shanga kofer buei longchem che dangashi hoba kho maanga shemjang shuong kümashi hoba tangae maangae ham bunaiei naanglepshi. 15Hobaje nyi hai kümashi, longchem kho tousüng phakphei 133, khaang phakphei 22 hoba suokbü phakphei 13. 16Nyi longchema koulom che jinashi, hoba kho thükaenei iknop che; hoba kho longchem koukhün khoeibü napheinei jinshi; kho nyi phangaenei shemjang nyiboubü hoba semboubü jinan kümshi. 17#2 Pet 3.6 Hobaje chühashi, ngei lang kibü pendou mühnyu phangka mautila kaodak to yungsen sungbada; hoba kaodaka kibü pendou hailabü. 18Lausikei ngei ka yoa thebülanbü pholabü; hoba no, kaibü shousi shuong, kaibü yak hoba kaibü shousi shuongeibü yaksi shuong longchem to atlabü. 19Hobaje lang kibü meisiau yangsikok pendou ka pi si paang nyibang haoen ka yoa lang kitilabü lele; 20au shuong phang weko ka, hoba samkeisamuk phang weko ka hoba kaodaka shanbü yangsikok phang weko ka nyibang kayoa longchem to leian atashi; 21ka shanga hoba haoen pendou shanga shausiyung phang penko lamlean phoashi. 22Noaei Múhghaüei sakkubü pendou kümbei.”
Sélection en cours:
KAOBAK 6: CHANGBSI
Surbrillance
Partager
Copier
Tu souhaites voir tes moments forts enregistrés sur tous tes appareils? Inscris-toi ou connecte-toi
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.