Popular Bible Verses from Zlr 6

શેર કરો

Ta haga madər Yawe nda magaf ni ta mndu ta ghəŋa haɗik. Nda gurɗa ŋuɗufa ni.

Ka nghə Yawe ná, dagala ghwaɗaka skwi ta mag mnduha ta haɗik. Ma inda ndana taŋ ná, ta ghəŋa ndana maga ghwaɗaka skwi inda fitik yeya ma ŋuɗufa taŋ.

Ama ka mutsaftá Nuhu ta zɗakatahuɗi da Yawe.

Wya rusa ta ghəŋa Nuhu. Mataba mnduha ta tsa fitik ya ná, Nuhu tɗukwa mndu, haɗ rutsak tida wa. Ta nzakw ma zɗaku nda Lazglafta.

Ka Yawe tama mantsa: « Na mndu zlaganab yu na ná, dzaʼa hərɗiŋ hərɗa yu ta ghəŋa haɗik. Dzaʼa hərɗiŋ hərɗa yu nda mndu tani, nda rini nda nimtak tani, nda inda skwiha ta mbaɗa nda huɗi ta haɗik tani, nda ɗyakha nda zarakha ta luwa tani, kabga ta haga madər yu ta ghəŋa magafta ɗa ta həŋ, » kaʼa.

Ma zlrafta mnduha ta yaku ta ghəŋa haɗik, ka yayatá həŋ ta kuʼaha ná, ka nghə zwana Lazglafta ta kwagha mnduha ná, ɗina ɗina həŋ. Ka zabaʼatá həŋ mataba taŋ ta gwal kumaŋ həŋ ŋa miʼa taŋ. Ka Yawe mantsa: « Haɗ hafa ɗa dzaʼa gɗavata ŋa ɗekɗek ma mndu wu, kabga dzaʼa rwaku həŋ. Nzəglata a həŋ ka malaghuta imi dərmək nda hisambsak wu, » kaʼa. Ma tsa fitik ya, si mamu gwal nda slara nda slara ta haɗik. Ta hada həŋ guli ma sliʼagata tsa zwana Lazglafta ya slanaghatá tsa kwagha mnda səla ya, ka yayanatá həŋ ta zwani ta həŋ. Hahəŋ gwal viɗviɗ kulaŋ lu ghalya.

Mantsa tama, inda skwi mnana Lazglafta ta Nuhu ŋa magay ya, ka magatá tsi.

Ka Lazglafta nda Nuhu mantsa: « Dzaʼa hərɗiŋtá inda skwi ta hafu yu ta haɗik. Dabga hahəŋ ná, nda ndəgha haɗik nda mbraku mbraku. Wana yu dzaʼa zaɗanatá həŋ nda haɗik tani.

Sliʼaf sliʼa ka magafta ka ta mghama kwambalu nda udzu nda mbra. Ka daganapta ka ta dzuguviha ma huɗa ni, zlərɓap ka ta huɗa ni nda hula ni tani guli nda kwalta.

Ka nghanatá Lazglafta ta haɗik ná, nda ɓadza. Ɓadziŋ ɓadza Inda skwi ta hafu ná, tərɗiŋ tərɗa həŋ ta nzakwa taŋ ta haɗik.

Dzaʼa hladam hla ka ta inda mndəra skwiha kavghakavgha nda hafu mida his his his, marakw nda zəʼal marakw nda zəʼal, ŋa nzulanatá həŋ nda hafu kawadaga nda kagha.