Popular Bible Verses from Matio' 26

શેર કરો

A 'dhu-eh 'yli-eh bo. A :wlu 'de Nyorsoa bo, 'de dih 'dhen-eh :ne-' a gla :za. :Porluh 'worn-dih-eh ken dih 'weh, jorwor: yau se 'kpih ken :ne.

:Yee' or zela-uh-: :gwluhuh', or 'dae:, 'An :porluh-a' 'worn dih 'beh-dih-eh: :daa, eh 'bhorn eh 'ye 'on 'dba. A :sie: :daa, 'de a mor-: 'dekorn: 'mor-: :a 'ye-eh' 'yli-eh bo 'dhu.

:Yee' :yeh or 'beh-dih:-a 'de dih :weh-beh:, :yee' or 'jli-: dih 'do 'bluhbor. 'De or :wlu 'de Nyorsoa bo, or 'dae:, 'On-ba:, :mor eh gweh-eh, :yee' :za 'on 'kle 'ye-eh-a' 'korbuh :daa 'kwa. Eh :se 'an ken dih 'worn-dih-deh:, jorwor: :an-a' ken dih 'worn-dih-deh:, eh-: 'ye 'dlu bo mu.

Deh no-eh, 'an nyomor :or mu-a dih 'wla-: 'do nyor⧾ :dhulu'-a' deh⧾-zon⧾-a' dhih bo 'ma-dih-eh bo, :or po-a kuo 'kpih ken, 'do a mor-: 'dekorn: Nyorsoa-: 'nyne bo, or-: 'o, :or :dhe dih.

:Yeh an di-a deh, :yee' :Yusu' 'duo: 'bhlee: :kpuan'-' 'weh, or po Nyorsoa-a' 'zio 'do eh bo, 'de or :chehn-dih-eh dih, 'de or 'kwa, or 'nyi-eh or-a'a: bo :na-nyor⧾, or 'da, A 'duo-eh', 'de a 'ye-eh' di. 'Bhlee: :daa, eh-: 'dhu 'an yau-'.

:Yee' or 'duo: 'korbuh :on 'yi-a 'glee-nomor 'di 'weh, 'de or po Nyorsoa-a' 'zio, 'do on bo, or 'nyi-uh', or 'da, A-a' klehkpeh, a 'na 'glee-nomor: :or :ne-a 'de on 'di.

:Yee' or mu 'de or-a'a: bo :na-nyor:⧾ :on :ne-a taan bo-: de, 'de or :yeh-dih-uh 'mo 'da. 'De or za-uh 'nyinor-', or :wlu 'de :Piteh' bo, or 'dae:, A se 'beh-dih: a 'ye-eh' 'yli-eh bo 'dhu 'do 'yluh-buh :due' 'di :sloror' :e?

'An zela a :gwluhuh', 'on :se-' 'glee-nomor: :daa 'na-: i :neheh', eh 'ye 'we-eh: 'On-ba-a mu-a nyor⧾ wlu 'ken :korn 'ken :yeh-dih:, 'de a-: 'mor-: :a 'ye-or' 'na.

:Yeh :soan'-beor zlo-a, 'de jorwor: :Piteh' :po-dih: dhih :Yusu' :za-a-' :gwluhuh' bo, or no-a, :Mor :soan'-beor 'ye zlo, :an mu 'an dhih-' dhobo:, 'do kpor⧾ taan 'di. :Yee' :Piteh' 'si-: 'zorn, 'de or 'vin 'gabaa.

A :sorn-', :a 'ye mu. A :gbee'e:. 'Yu :or mu-a 'on nyor⧾ bo :plo-dih:, or-: :ne 'o :dha 'o, :or 'yle.

Jorwor: :Yusu' :wlu-' 'de or bo, or 'dae:, Po :an-a'a: :bhla 'jlehn :dha :on za-eh de. Deh no-eh, nyor⧾-a' klehkpeh :an vorn-dih-a 'jlehn⧾-', an mu 'jlehn⧾ 'i 'meh-dih:.