Popular Bible Verses from 1 Kōrinto 12

શેર કરો

Hai meꞌe vaꞌai mai mo aŋa i te aŋa o te ꞌAtua e takeꞌa ena: o te Vārua Maitai te haka tere i a tātou. ꞌE nei ŋā meꞌe i vaꞌai mai ai ki a tātou e tahi e tahi mo te riva-riva o te nuꞌu taꞌatoꞌa haka moe i te manaꞌu ꞌi ruŋa i a Ietū.

Te meꞌe nei ꞌāꞌaku e haŋa nei mo haka aŋi-aŋi atu: te nūnaꞌa taŋata haka moe i te manaꞌu ꞌi ruŋa i a Ietū he hakari o te ⌊Kiritō⌋, ꞌe e tahi e tahi o te nuꞌu nei he kona o rā hakari koia ko tāꞌana aŋa.

E ꞌati ena e tahi kona o te hakari, taꞌatoꞌa nō kona o te hakari e maꞌu ena i rā ꞌati, ꞌe e moꞌa ena, taꞌatoꞌa nō e koa ena.

O te Vārua Maitai te vaꞌai ki te tētahi taŋata i te pūai mo vānaŋa i te vānaŋa mārama-rama; ꞌe o te Vārua Maitai takoꞌa ꞌā te vaꞌai ki te rua i te pūai mo haka ꞌite i te meꞌe hōhonu o te ꞌAtua haka ꞌite e ia mau ꞌā ki rā taŋata. O te Vārua Maitai te vaꞌai ki te tētahi taŋata i te pūai mo ꞌata haka moe i tōꞌona manaꞌu ꞌi ruŋa i a Ietū, ꞌe ki te tētahi haka ꞌou atu i te pūai mo haka ora i te māui-ui. E ai rō ꞌā te nuꞌu i a rāua te pūai vaꞌai e te Vārua Maitai mo aŋa i te mana, ꞌe te nuꞌu i a rāua te pūai mo vānaŋa i te meꞌe haka ꞌite e te ꞌAtua. Ki te tētahi nuꞌu i vaꞌai ai e te ꞌAtua i te pūai mo ꞌite hoki te meꞌe vānaŋa e te rua he roŋo mau ꞌā o te ꞌAtua ꞌo he meꞌe o te tātane. ꞌE ki te tētahi haka ꞌou nuꞌu i vaꞌai ai i te pūai mo vānaŋa hai ꞌarero kē taꞌe ꞌite e rāua, ꞌe ki te tētahi haka ꞌou atu te pūai mo haka ꞌite i te auraꞌa o te vānaŋa kī hai rā ꞌarero.

O te Vārua Maitai mau ꞌā e tahi mau nō te vaꞌai i te ŋā meꞌe taꞌatoꞌa nei, ꞌe ꞌāꞌana te vaꞌai ki te kope nō era ꞌāꞌana i haŋa.

I aŋa ai pē ira mo aŋa tahi o rā ŋā kona pa he meꞌe mau nō e tahi ꞌe mo hāpaꞌo i a rāua.

ꞌI roto i a tātou i te nūnaꞌa taŋata haka moe i te manaꞌu ꞌi ruŋa i a Ietū e ai rō ꞌā huru kē huru kē te meꞌe vaꞌai mai mo aŋa i te aŋa o te ꞌAtua. Ka ai atu pē ira, o te kope mau nō e tahi te vaꞌai mai, o te Vārua Maitai. E ai takoꞌa rō ꞌā rauhuru rāveꞌa mo tāvini. Ka ai atu pē ira, ki te kope mau nō e tahi e tāvini ena, ki a Ietū Kiritō, he Pūꞌoko Haka Tere o tātou. ꞌE, huru kē huru kē te meꞌe aŋa e tātou hai pūai o te ꞌAtua. Ka ai atu pē ira, o te kope mau nō e tahi te vaꞌai mai i rā pūai, o te ꞌAtua.

ꞌE te meꞌe haŋa o te ꞌAtua mo te hakari nei: he nuꞌu mo ⌊ꞌāpōtoro⌋, te raꞌe; he nuꞌu mo vānaŋa i te meꞌe haka ꞌite e ia, te rua; ꞌe te toru he maꞌori hāpī; takoꞌa he nuꞌu mo aŋa i te mana, he nuꞌu mo haka ora i te māui-ui, he nuꞌu mo hāꞌūꞌū ki te rua, he nuꞌu mo haka tika i te taŋata ꞌi te aŋa, ꞌe he nuꞌu mo vānaŋa i te ꞌarero kē taꞌe ꞌite e rāua.

Te hakari meꞌe rahi nō atu kona, taꞌe e tahi mau nō.

Te parautiꞌa, te ŋā kona ena o te hakari e tuꞌu rō ꞌana pa he kona rehe-rehe, taꞌe hauhaꞌa, he kona hopeꞌa o te hauhaꞌa mo te hakari.

ꞌĀhani te hakari taꞌatoꞌa he mata, e ko ŋaroꞌa e tātou te vānaŋa. ꞌE ꞌāhani i ai he tariŋa, e ko ŋaroꞌa e tātou te hauꞌa. Te ꞌAtua meꞌe rahi nō atu kona o te hakari i aŋa ai ꞌe i haka rē ai i rā ŋā kona ꞌi te kona manaꞌu e ia e tano rō ꞌā. ꞌĀhani e tahi mau nō kona o te hakari, taꞌe ia he hakari.