Popular Bible Verses from JUAN 10

શેર કરો

—Bacue, siipojjicuana poeani oveja siiya, o queanee pomee'yohua pea-ai poeani, o cuia'yohua pea-ai. Mahuisoya asa-acani ohuaya. Eya caca poeapoa ojjañacuana ba'etiitiimee'yohua, queabihuinee ba'etiitiimee'yohua jjeyanei, quijje pea-ai.

Eya ovejajaahuanajji queapamenee poani. Ovejajaahuanajji queapamenee oja oveja nahuejo manoje'yo.

Ecuea ovejacuaa ecuea esohuinei shajja-ajjacapoquiani. Ecuea oya ebanei pea-ai. Jamajjeya equiquishijjitii poquianicuana enijjetii.

Eyaya oya ba'etiitiimeeje'yo Eyahuasijje. Pea dejjacuanaja ecuea ovejacuana ejjeshejea'yojji pojjeamatii poaje, chama'nei pea dejja o jjasejjameequi'yojji epojji ejo.

Eya ca iña esecuejjani jayojja nequi. Ojjaña joya eque poeje cuana nobiquiya eyaya comacuanaya nahueje'yo. Jiquio ecua ovejacuana nobiqui'yani, cuayaquipoquiani pea-ai sipone queapamenee ijjiaa oya jayojja ecue nahue'yocuana eque poeje.

—Eya ca iña ovejajaahuanajji queapamenee poani. Jiquio ecua ecue Chiija eya ebaneinei poani jama pea-aiya ecuea ecue Chii ebaneinei. Jama pea-aiya ecuea ovejacuana ebaneinei poani. Oya jayojjaya ecuea ovejacuanaja eya ebanei, eya pea-ai shajja-ajjaneicani. Eya manoje'yo ecuea ovejacuana nahuejo.

Ecue Chii e ovejacuana quiajji poani queaca'aneetii nequipoquiani. Jamajjeya chama'neinei pea oja quia ovejacuana jjeshejea'yojji epojji. Ecue Chii, eya pea-ai oe jayojja poani. Oya jjashahuabaquime pea-ai ecuana popoquiani— jamaya Jesosaa judío etiicuana huohuicapoa.

—Eya ca iña ovejajaahuanajji queapamenee poani. Jiquio ecua ecue Chiija eya ebaneinei poani jama pea-aiya ecuea ecue Chii ebaneinei. Jama pea-aiya ecuea ovejacuana ebaneinei poani. Oya jayojjaya ecuea ovejacuanaja eya ebanei, eya pea-ai shajja-ajjaneicani. Eya manoje'yo ecuea ovejacuana nahuejo.

Chama'neinei dejja queaca'anee jamatii e manomee'yojji epojji. E jama sapomajje eyaneitii jjaquiaquije onaja manomee'yojji. Dejjacuana queaca'a poanijo pojjeama eya jjamanomeequije'yo. Ecuea eyami ecueanei equiajji emano'yojji. Jamajjeya eya mano'yomajje quijjepishana shequije'yo. Jama ejjapomeequi'yojjiya ecue Chiiya eya jiquio meshiyasijje huoojeacapoa— jamaya Jesosaa acapoa cuana.

Jamajjeya Jesosaa huohuicao'oyapoa cuana jama ba'a: —Jiquio esohui e'ejojonei eyaya quiana aña. Eya ca iña esecuejjani jayojja poani ovejacuana nobimeequijji poani, ecuayameequijji pea-ai.

Bacue, jiquio pea dejjacuana ovejajaahuanajji poani bejjo yajji sosejjenei chacochacoani, mahuisojoneiya. Ebiocuiñajjicuana queamasenee poeyajo oveja nahuejjima acaje macuaa. Cuajicuajiquehuajeananaje joya bejjojo chacochacoani dejjacuana, ojayanei ovejacuana pojjeama poanijojoya. Majoya ebiocuiñajji queamasenee tohuaje ovejacuana nequiyasijje. Ohuaya jjajeaajajeameequicani ovejacuana queahuesha.

Majoya aje quijjepishana Jesosaa pea esohui huohuicapoa jama ba'a: —Eyaya ovejacuanajo huohuije. Bacue, jiquio esohui oveja peeijji'ya esecuejjanijjijo. Joya esecuejjanijje nobiquiajja poanicuana coma queamimishi siipojji poani. Oya huapajje poquiani nobiquiya.