Popular Bible Verses from JUAN 19

શેર કરો

Jesosaa daqui shacashaca uvajjajjana' queasesepasejji jjequibibimajje jama huohuime acapoa ba'a: —Ojjaña apoa ajeyo'yonaje.— Majoya aje Jesosa hui jaaoquemajje acui ecuiata'apeejotii ba'e mano'yapoa.

Jesosaja eba poa ohuaya ojjaña Eyacuiñajjija ejjashahuabaquijjicuana ajeyoca'yonaje ma ohua Jesosa huohuicapoquinaje huisotii ojaya yajji. Jamajjeya Jesosa jama poa ba'a: —Eya queanabataja.— Ma ecua yahuajonei esohui ojo tehuecapoa jamaya oya poa.

Jesosaa oe o shajja-ajjajji poani dejja ma oja queajeanee poanaje oja naenijjetii nequi bamajje, oja nae huohuicapoa jama ba'a: —Comaya dejja mique bacuaejja poaje.— Ma o shajja-ajjajji poani dejja Jesosaa huohuipea-aicapoa jama ba'a: —Comaya aje mique nae poaje.— Jamajjeya ma dejjaa Jesosaja nae oja equiyasijje dojoca'yapoa onijje eba'epoquijji.

Jesosa ba'eyasijje poquichipimajje soldadocuaa bacañaquiapoa oya emano'yo ba'e. Jamajjeya oja quisesa' cuiasajajeajjima acapoa. Jamatii oe soldadohua Jesosa oja dojjojjanijjijje yacuacapoa baase'becaa. Oja dojjojjanijjijje yacuacajeahuajo ena', enaoshe jayojja pea-ai ojee cuayananaquiapoa.

Soldadocuanaja ca Jesosaja equisesa' cuiasajajjima poa. Jamajjeya esohui ma yahuajonei tehuecapoa ojo oya jayojja poa jama ba'a: “Oja sa'cuana cuiasajajjima poaje cuanaja.” Pea esohui yahuajonei tehuepea-aicapoa ojo ba'a: “Oya bacaje cuaa dejjamaseja yacua.” Ma ecua yahuajonei esohui tehuecapoa cuaa Jesosajo jama pea-aiya acapoa.

Majoya Jesosa cuayaquiapoa o me cacajeajji acui queabiquie abojji epoquijji eyiyoiyeao “Sapajjii anijji meshi” bajjaniyasijje. Ma eyiyoiyeao judiocuanaja esohuijo “Gólgota” bajjani poa.

Majoya soldadocuaa acuisha ejahuojja sipimajje Jesosaja sapahuasijje iyape'ejeacapoa. Oja daqui-ao huijjiajeamajje daqui-aohuo'o huoshomeecapoa pea-ai onaja emeshimesenisho epojji.