Popular Bible Verses from Éxodo 15

શેર કરો

yöba̧lijetö jobadönö: —Ötjöma Isabenö Jo̧sa, ökwödö kwuluwo̧duwi Diossa. Ökwödöma ötjö yötawi̧ma tjöbeba̧lakwawö a̧ja̧kwö kwö̧jaduwitjö̧ma, ja̧danö, ötjö jweinö omukwatö kwö̧jaduwobö chösödi̧danö ja̧bö kwö̧jaduwitjö̧ma, ja̧danö ötjö weti̧ tjöbeba̧lakwawö omukwatö, ja̧ weawa a̧ja̧kwö kwö̧jaduwitjö̧ma la'akatjöda Egipto jojodönö wotjinö lȩtebinadanöma lȩtebökakobe ökwödönöma. Kwo̧'wo jwikibaduwoko. Ötjödasa Isabenö Jo̧ma, ökwödö kwö'wöchaduwiökönö otiwanö bakibaduwinö pjabato̧sa—yöba̧lijetö Isabenö Jo̧ma Israel jojodönöma.

Isabenö Jo̧ma ötjönö chujulu iyo̧. Jo̧banöda omukwatö lo̧ta. Isabenö Jo̧ma chöpöjojodötjö chö̧jibinö pjabato̧. Jo̧bama ötjö Chuluwo̧ Dios, ja̧danö jo̧banö chösöda, jwiinö otiwo̧, jö̧ba̧lö. Ja̧danö, jo̧bama chabe'do Uluwo̧ Dios, ja̧danö jo̧banö chösöda, jwiinö juluwo̧, jö̧ba̧lö.

Isabenö Jo̧, ju'wedö tjo̧'wo jawa tjösödawö̧tjö ökwödajayo̧ma deobe. Ökwödajayo̧ma ¿tida? Deobe, bakwo̧da wainö juluwo̧ja, ökwö Isabenö Jo̧da. Deobe ökwödajayo̧, yebabinö tjösödökwema, Deobe ökwödajayo̧, jwiinö ujulu i̧sebo̧ma.

Ja̧danö, Isabenö Jo̧, ökwödönö kwösödi̧ma balewachökönö ökibajabe ökwödönö, döpöjojodötjö dö̧jibinö pjakatajawö̧nöma. Ja̧danö, ökwödönö kwujulunö öbibö kwi̧'yobe ökwö wainö kwujuninemi niji jobekwö.

Ja̧danö, tupakwö 'ya̧nö Mara mikwobe ichibö ojwese'do ji̧jayonö jwiinö o̧'di̧awö̧ tjowoböma jwiijetö. Je'dotjö ojwiyoma o̧'dobetjö̧ jobema Mara, jö̧ba̧lö, mikwinemi. Jejenö ji̧awö̧ Israel jojodöma Moisésnö jwöbeba̧lijadötö, ¿Taji dowakwa̧da? jö̧ba̧lö. Jo̧kwaiökwe Isabenö Jo̧nö budekwö abebijetö Moisésma. Aebiökwe Isabenö Jo̧ma Moisésnö isȩbijetö towinö. Moisésma jowitjö ötjebiya tjebö lobijetö ojwese'do okwa. Loemi ojwiyo o̧'dajobuma otiwobu baibijetö. Jobema Isabenö Jo̧ma Israel jojodönö tjö̧ji̧ weawa jawa junijetö, ja̧ weawa a̧ja̧kwö tjö̧jobö. Ja̧danö, jo̧ba wei̧ tja̧ja̧kwojobö edobö