Popular Bible Verses from Markus 14

શેર કરો

Iwe, a iotek, “Semei, semei! Mettoch meinisin ra tufich ngonuk. Kose mochen kopwe angei seniei ei kapen riaföü. Nge esap letipei epwe fis, pwe letipom.”

Oupwe mamasa o iotek, pwe ousap turutiu lon sosot. Ewe ngün a mochen pwora, nge ewe fituk a apwangapwang.”

Enlet, üpwe ürenikemi: Ekis meinisin won unusen fanüfan ia aramas repwe afalafalafeil ie ewe Pworausen Manau, ikenan aramas repwe pwal apworausa mine neminei a föri pwe achechemen itan.”

Iwe, a üreniir, “Riaföün letipei a fokun wattela, pwe üa arap ngeni ai üpwe mäla. Oupwe nonom ikei o mamasa.”

Iwe, lupwen ar mongöfengen, Jesus a angei pilawa, a iotekin kilisou won o a kinikisietiu. A ineti ngeni nöün kewe chon kaiö o apasa, “Oupwe angei, iei inisi.”

Mürin a angei eu kap, a iotekin kilisou ngeni Kot won o ngeni eman me eman leir. Iwe, ir meinisin ra ün seni. Jesus a apasa, “Iei chai mi ninnila fänäsengesin chomong aramas, ei cha a anükünükü än Kot pwon ngenikich.

Iwe, Jesus a üreni nöün kewe chon kaiö, “Ämi meinisin oupwe sü seniei o likitieila, pun a mak lon ekewe Toropwe mi Pin, ‘Kot epwe niela ewe chon mas, nge ekewe sip repwe toropasfeil.’

Ou pwätä, ousipwe feila. Nengeni, iei i ewe mwän epwe afangamäei.”

Jesus a üreni Petrus, “Enlet, üpwe ürenuk, lepwin ei mwen ewe chuko epwe kö fan ruu, en kopwe amamäsiniei fän ülüngat.”