Popular Bible Verses from रोमि 15

શેર કરો

का प्रार्थाना पाखा कि आसको मुल परमेस्वर नेलाइको खाङधुरि पाहासो गोताङ आनान्द कालाउ सान्तिहोइ पोङघा पाप्यावाको, कालाउकि पबित्तरो आत्माको सरबुङहोइ नेलाइको आस झन हेन्जा बाढेयाको।

जेथे काथागेलाइ लाम्फासोङ धर्मसास्तरता लेखेका हिघाहि, इङको काथागेलाइ केलाइको सिक्स्याको भाअ्सिङ लेखेका हिघाहि, कालाउकि धर्मसास्तरसो लोका धर्यता कालाउ हाउसा सो केलाइ आस निङलि द्वाइने।

का प्रार्थाना पाखा कि परमेस्वर नेलाइहेङ धर्य कालाउ हाउसाइ प्याको कालाउकि नेलाइ येसु ख्रिस्टको आनुसरन पाकाताङ एमिसो-भेनेङ दोफा मिलितेङ जुलितेङ हिलि दोअ्सु। कालाउकि, नेलाइ ए जुट जेङतेङ एनोङ दोङ गालाहोइ परमेस्वर, केलाइको प्रभु येसु ख्रिस्टको आबाको महिमा पालि दोअ्सु।

ओदोङ भाअ्सिङ ख्रिस्ट नेलाइहेङ ग्रहन पाका कोनिङ नेलाइ एमिसो भेनेङहेङ ग्रहन पासु, कालाउकि द्‍याङगेलाइ परमेस्वरको बाखानाइ पाको।

केलाइ झाराङ ताइको खान्धुराइ ओनेगेलाइहेङ खाङधुरिता बल्लियाका जेनाको दोअ्तेङ इम्बालाइको भालाइको भाअ्सिङ इम्बालाइहेङ खुसि बानाइ याइने।