Reema 5
5
Onse Hopninj steit opp daut, daut Gott ons goot es
1Wiels wie derch dän Gloowen jerajcht jeworden sent, hab wie Fräd met Gott #5,1 Eenje oole Schreften sajen well wie nu Fräd haben met Gott. derch onsen Harn Jesus Christus, #Jes 53,5; Reema 3,24.28 2derch dän ons #5,2 Eenje oole Schreften sajen derch dän Gloowen. de Wajch opjinkj no de Jnod, en dee wie stonen. Un wie freien ons en de Hopninj, #5,2 Eenje oole Schreften sajen Well wie ons freien en de Hopninj. Gott siene Harlichkjeit to seenen. #Joh 14,6; Efs 3,12 3Oba nich bloos daut. Wie sent hia uk froo, wan wie lieden motten, wiels wie weeten, daut wie derch lieden lieren jeduldich staunthauft to sennen. #Jak 1,2-3 4Staunthauft sennen but onsen Charakta opp, un daut wirkjt en ons Hopninj. #Jak 1,12 5Hopninj lat ons nich toschaund woaren, wiels ons derch dän Heiljen Jeist, dee ons jejäft es, Gott siene Leew en onse Hoaten jegoten es. #Psa 22,6; 25,3.20; Heb 6,18-19 6Aus wie ons selfst nich halpen kunnen, storf Christus fa ons gottloose to rajchte Tiet. 7Doa wudd schwoa wäa fa een jerajchten Maun stoawen; doch, fa een gooden Mensch mucht daut wäa woagen to stoawen. 8Oba Gott wees ons siene Leew doaren, daut Christus fa ons storf, aus wie noch Sinda wieren. #Joh 3,16; 1Joh 4,10 9Woo väl mea dan, nu daut wie derch sien Bloot sent jerajcht jeworden, woa wie derch am von Gott sienen Oaja veschoont bliewen! #Reema 1,18; 2,5.8 10Aus wie noch Gott siene Fiend wieren, word wie derch sienen Sän sien Doot met am veseent. Un nu daut wie jerat sent, wooväl sechra kjenn wie ons de Radunk doch sennen, wiels hee en ons läft! #Reema 8,7; 2Kor 5,18; Kol 1,21 11Un nich bloos dit. Wie sent uk froo en Gott derch onsen Harn Jesus Christus, derch dän wie de Veseenunk jekjräajen haben.
Derch Adam doot, derch Christus Läwen
12Soo aus derch eenen Mensch de Sind en de Welt nenn kjeem un derch de Sind de Doot, soo haft sikj de Doot äwa aule Menschen jespreet, wiels see aula sindijden. #1Mo 2,17; 3,19; Reema 6,23 13De Sind wia en de Welt, ea daut Jesaz jejäft wort; oba ea daut Jesaz kjeem, wia nuscht, daut doa bestemmen kunn, waut Sind wia. #Reema 4,15 14Soo aus daut uk wia, de Doot harscht von Adam bat Moses soogoa äwa dee, dee nich krakjt soo jesindicht hauden aus Adam. Hee wia een Aufbilt von dän, dee doa komen sull. 15Oba met Gott siene Jnod, dee hee ons schenkjt, es daut nich soo aus met Adam siene Sind. Wan derch eenem siene Sind de Doot äwa väle kjeem, dan wia Gott siene Jnod soo väl jrata, daut derch eenen Mensch Jesus Christus, derch Gott siene Jnod, Vejäwunk to haben es. 16Un met de Gow es daut nich soo aus met daut, waut derch däm kjeem, dee doa sindijd, wiels no eene Sied han kjeem derch de eene Sind daut Jerecht, daut doa vedaumt. Oba no de aundre Sied han, brinjt de friee Jnod de Rajchtfoadjunk fa väle Sinden. 17Derch Adam siene eene Sind harscht de Doot äwa aulem. Oba dee, dee sikj Gott siene groote Jnod un Jerajchtichkjeit schenkjen loten, sellen em Läwen derch Jesus Christus harschen. 18Soo aus derch eenen Mensch siene Sind de Vedaumnis äwa aule Menschen kjeem, jrod soo kjeem derch eenem siene Jerajchtichkjeit de Rajchtfoadjunk fa aule Menschen. #1Kor 15,21-22 19Soo aus derch eenen Mensch sien onjehuarsom sennen väle to Sinda worden, soo woaren derch dän eenen sien jehuarsom sennen, väle jerajcht jemoakt. #Jes 53,11; Reema 3,26
20Daut Jesaz wort jejäft, daut de Sind mea verendach komen sull. Oba wua de Sind tooneem, wia emma noch mea Jnod, #Reema 7,8.13; Gal 3,19 21daut, soo aus de Sind em Doot harscht, jrod soo saul de Jnod un Jerajchtichkjeit derch Jesus Christus onsen Harn, toom eewjen Läwen harschen! #Reema 6,23
હાલમાં પસંદ કરેલ:
Reema 5: PB
Highlight
શેર કરો
Compare
નકલ કરો
Want to have your highlights saved across all your devices? Sign up or sign in
Plautdietsch Bible © 2003 Kindred Productions and United Bible Societies Association, Inc.