פסוקים פופולריים מ- Matius 18

שתף

Apa ri umba-umba tona nasiromu sabana Yaku, nau aga randua atau tatalu, Yaku mboto naria hamai nosanggani-nggani ante ira.”

Pariara munimo tesaKu hitu! Nau aga nte randua komiu, ane mosangu raramiu mosambaya merapi sangaya, anu niperapimiu haitu tantu radekei nTuamaKu ri suruga ka komiu.

Nangepe haitu, i Yesus nompokio saito ngana kodi bo nipopeanggaNa ri tatanga nu anaguruNa, bo nanguli, “Pariaramo tesaKu hitu! Ane komiu ledo mombabali inggumiu bo majadi nasimbayu eva ngana kodi hitu, komiu ledo majadi todea riara Poparenta nu Alatala.

Jadi tona anu mompakaede rarana bo majadi eva ngana kodi hitu, iamo naogepa riara Poparenta nu Alatala.

Bo isema-sema nantarima saito ngana kodi eva hitu sabana pomparasayana Yaku, nitarimana muni Yaku.

Pariaramo tesaKu hitu! Nuapa-nuapa nitagimiu ri dunia hitu, haitu anu nitagi muni ri suruga. Bo nuapa-nuapa radekeimiu rapovia ntona ri dunia hitu, haitu muni nidekei nu Alatala ri suruga.

I Yesus nompakaupu porapaNa bo nanguli, “Ivesia muni TuamaKu ri suruga movia ka komiu ane ledo raampungimiu sampesuvumiu ante mpuu-mpuu raramiu!”

Tapi isema-sema mompakanavu saito ngana kodi anu nomparasaya Yaku sampe ia domo momparasaya, nabelopa ane sangu vatu mbaso rapantoesi ri tambolona bo ia rapakalodo rantasi nandala.

“Berimba panggavamiu? Rapana naria tona nompiara bimbana saatu anguna bo naria sangu nasalandala sampe nalipo. Nuapa rapoviana? Natantumo rapalaisina bimbana siopulu bo sasio ri bulu bo hau raelona sangu bimbana nalipo haitu.