פסוקים פופולריים מ- Matius 19

שתף

I Yesus nangganoto ira bo nanguli, “Ane aga lako ri pompakule manusia, natantu ledo ntoto maria saitoa rapakasalama. Tapi ane lako ri pompakule nu Alatala pura-pura mamala majadi.”

Jadi ri panggita nu Alatala topoberei domo randua tapi saito. Sabana haitu, anu nipakasangu nu Alatala, nee rapopogaa nu manusia.”

Nesana i Yesus, “Apa ledo nibacamiu anu nitulisi riara Buku Gasa? Ri lamba pamulana Alatala nompajadi manusia langgai bo mombine. Naupu haitu niuliNa, ‘Langgai kana mompalaisi tina tuamana bo matuvu mosanggani nte bereina bo ira randua kana majadi saito.’

Nanguli i Yesus ka ana-anaguruNa, “Palambakamo ngana-ngana gahitu makava nte Yaku. Nee ratagi ira. Apa aga tona nasimbayu ingguna eva ngana-ngana gahitu masipato majadi todea riara Poparenta nu Alatala.”

Tapi nadea tona narikolu sii-sii, majadi maripuri bara maipia. Bo nadea muni tona anu naripuri sii-sii, majadi marikolu bara maipia.”

Isema-sema nompalaisi banuana bara sampesuvuna bara tina tuamana, bara ana-anana, bara taluana sabana ia nangoseaka Yaku, tona haitu radekei saatu-nggani kadeana. Bo ia muni radekei katuvua mabelo sampe ri kasae-saena.

Nesana i Yesus, “Ane iko mpuu-mpuu madota majadi mabelo bo masipato manggava katuvua nabelo sampe ri kasae-saena, koimo pobalu puramo kakalumanamu bo dekei alina haitu ka tona napakasi ala mukava kakalumana ri suruga. Maupu haitu oseakamo Yaku!”

Nesana i Yesus, “Nakuya tano iko nompekutana pokainggu tobelona nte Yaku? Aga Alatala nabelo, ledo ria ntanina. Ane iko madota manggava katuvua nabelo sampe ri kasae-saena, oseakamo parenta-parenta nu Alatala.”

Bo Kuuli muni ka komiu, namurapa unta mesua ri puki jaru pade tona nakalumana matundu nte Alatala bo majadi todeaNa.”

Jadi epemo tesaKu hitu. Isema mogaaka bereina mombine anu ledo ria nosipogau nte langgai ntanina, bo mompoberei mombine ntanina, ia nobualo.”

Bo nanguli i Yesus ka ana-anaguruNa, “Pariaramo tesaKu hitu! Nakaja mpuu tona nakalumana matundu nte Alatala bo majadi todeaNa.