פסוקים פופולריים מ- Ɖúù 5

שתף

Ti ɓɛ́ ɔ ɖǎ ma wùɖùɛ̀ hwɔɛɛ, ɔ cɛ̃ɛ ma Sã́ɓò gbo, ké ɔ ɖá, “Ɓě kpa ɓáɖáàɔ̀ ɖé níɔ̀ hwòɖǒǔn, ɓɛ́ ɓě ké ɓěɛ̀ kpéɖé ɓěɔ̀ wáɖá, ɓɛ́ ɓě ké zimii kpɔ̃.”

Ké Sã́ɓò cɛ̃ɛ ma, ké ɔ ɖá, “Ɓɔ̌ɔ̀, à ɖǎ kũ̀à nyu máaǔn nyùù, ké à se ɖɛ ɖò kpɔ̃. Kɛɛ ɔ jǔ ké m̀ dyiɛ náa cɛ̃ ní, à mu kpéɖé ɓěɔ̀ wáɖáùn.” Ti wa nyuɛ ma náa kɛɛ, wa kpɔ̃ ma zimii pàɖǎ cá, ké kpéɖé ɓěɔ̀ dè ma cɛ̃̀ɛ̀ gbɔ.

Kɛɛ ɔ mu ma gìɖìǐ-dà ɖò, ké ɔ ɓaà ma.

Ḿ se dyi, ɓɛ́ ḿ ké dyí-sɛ́ɖɛ́ìn-nyɔ̀ ɓě ɖá, kɛɛ ḿ dyi, ɓɛ́ ḿ ké nàmàǔn-nyɔ̀ ɓě ɖá, ɓɛ́ wa ké waà kpeɖeɔ̀ dyi táà.”

Ti ɓɛ́ Sã́ɓò Píɖɛ̀ dyé ma ɖɛ ɖǎ ma kà kpá kɛɛ, ɔ ɓùɖùìn ma Jízɛ̀ ɓo zɔ̃̌, ké ɔ ɖá, “Bounɓo, sɔ̀ dà ḿ bũ̌, sepóɛɖé ḿ mɔ̀ nàmàǔn-nyɔ̀.”

Ké Jízɛ̀ zà ma ɖé wuɖu, ké ɔ ɖá, “Nyɔ ɓě kɔ̃̀ dyɔɔ̀ wóɖó múɛɛ se hwǒò-nyɔ̀ mɔ́, kɛɛ nyɔ ɓě ɓɛ́ wa wɛ́ kɛɛ, wa mɔ̀ nyɔ mɔ́ hwǒò-nyɔ̀.

Ti ɓɛ́ wa ɖǎ ma waà ɓáɖáà ɓěɔ̀ kpóóɔ̀ kɔ̃ dyà kɛɛ, wa táà ma ɖɛ séín dyi, ké wa sí ma Jízɛ̀ kíɖíí.

Ti ɖòɛ̀ ɓaɖaa, Jízɛ̀ nì ma hwɔɖɔ ɖò mú, dɛ̀ ɓɛ́ gàa ɖò ɓɛ́ caà-wɛ̀ zi ma mú mìɔ kɛɛ nì ma kɛ. Ti ɓɛ́ ɔ dyé ma Jízɛ̀ kɛɛ, ɔ jìɖǐ ma ɓó ɔ dyúa dyi, ké ɔ ɓaà ma ɔ, ké ɔ ɖá, “Ɓɔ̌ɔ̀, m̀ dyi mɔ́ ɓɛ́ m̀ ké ḿ dyi kánáìn ní, ḿ dyuòɛ̀ kà m̀ ɓɛ́ìn nyuɛ kɛ.” Ké Jízɛ̀ pɛ́ɛ̀ ma sɔ̃, ké ɔ tìnììn ma gàaɔ̀ dyi, ké ɔ ɖá, “Ḿ mɔ́ ɓɛ́ m̀ ké dyi káná. M̀ mɛ káná dyi, ɓɛ́ m̀ ké mú-hwɛ̀-nyɔ̀ jǔ ɖe.” Wàɖà cáa, gàaɔ̀ káná ma dyi.

Kɛɛ bɔ̃̌ ɓá ma Jízɛ̀ jè dyíɛɛ ɓeìn ma dyi mìɔ, ké nyɔ kúɖúú ɓě poìn ma dyí, ɓɛ́ wa ké ma ɔ wuɖu wɔ̃́, ɓɛ́ ɔ ké ma wa wɛ́ ɓě mú zà.