פסוקים פופולריים מ- Ɖúù 8

שתף

Ké ɓáá-ɖɛ̀-dyùàɔ̀ nyɔ kpáà ɓóɖó bùɛ̀-bùɛ̀ múɛɛ, ɔ mɔ̀ nyɔ ɓě ɓɛ́ wa wɔ̃́ bɔ̃̌ nɔ̀mɔ̀ dyíinɔ̀, ké wa kpɔ̃ɔ dyi kóɖó-kóɖó ɖé hwòɖǒ-dyùà nɔ̀mɔ̀ dyíin kè hwòɖǒ wáɖáá mú, ké wa ku dúún, ké bɔ̃̌ nɔ̀mɔ̀ dyíinɔ̀ tòɖò ɖé wa múɛ.

Ɓáá-ɖɛ̀-dyùàɔ̀ nyɔ kpáà wí-gbǎɔ̀ múɛɛ, ɔ mɔ̀ nyɔ ɓě ɓɛ́ wa wɔ̃́ bɔ̃̌ nɔ̀mɔ̀ dyíinɔ̀, ké kà wa mu dyúa kɛɛ, wa poìn ɓóɖó-kpàà jè hwìɖǐi mìɔ, ké bã jè kpɔ̃ wa hwòɖǒ, ké wuɖuɔ̀ se ɖɛ ɖò nyu ɖé waà fɛ̀ɛ̀ɔ̀ múɛ.

Ɓáá-ɖɛ̀-dyùàɔ̀ nyɔ kpáà ɓó sɔ́ɔ́-pìɔ̌ɔ̀ kɔ̃ɛɛ, ɔ mɔ̀ nyɔ ɓě ɓɛ́ wa wɔ̃́ bɔ̃̌ nɔ̀mɔ̀ dyíinɔ̀, ké wa kpá múàǔn, ké wa kpɔ̃ ɔ jè dyiɛ. Kɛɛ wuɖuɔ̀ se ɖé waà fɛ̀ɛ̀ɔ̀ mú kpá jɛ́ɛ́ cá. Wa taɓaa hwìɖǐǐ kpã́ún pū. Ti ɓɛ́ mú-dɔ̃̌-dɔ̃̌ dyiɛɛ, wa táà ɔ jè dyi wàɖà.

Ké ɔ diè ma wa dyi, ké ɔ ɖá, “Dɛ̌ ɓěɛ̀ hwìɖǐǐ-taɓa-taɓaɔ̀ nìɛ́?” Ké wa fɛ̃̀ìn ma, ké wa giniìn ma dyi, ké wa cɛ̃ìn cɛ̃̀ìn ma gbo, ké wa ɖá, “Gàaɔ̀ nyɛ́ nìà kà kɛ́? Ɔ wùɖù dìì kè dyóó-kpɛ̀ ɓěɔ̀ gbo, ké wa nyu ɔ wuɖu wà!”

Ɓáá-ɖɛ̀-dyùà ɓě ɓɛ́ wa wáɖáìn ma kà hwìèɔ̀ gbìǐ dyiɛɛ, wa mɔ̀ nyɔ ɓě wɔ̃́ bɔ̃̌ nɔ̀mɔ̀ dyíinɔ̀, kɛɛ Nɔɔ́-nàmàǔn dyi, ké ɔ bǎ bɔ̃̌ nɔ̀mɔ̀ dyíinɔ̀ ɖé wa hwòɖǒ-dyùàɔ̀ mú, ɓɛ́ wa ní kɔ̃̀ɔ̀ ɖà hwìɖǐǐ taɓa, ɓɛ́ wa ní kɔ̃̀ ɖà póɛ.

Ɖɛ séín ɓě ɓɛ́ nyɔǔn vǐè kɛɛ mu píé wóɖóùn, ké ɖɛ séín ɓě ɓɛ́ wa gàìn nyɛɛ, nyɔǔn mu wa dyí dyuòùn, ké wa mu ce dyí dyiìn.

Ké ti màaɔ̀ dyéɛ ma kà ɔ jè se ma kɔ̃in gàìn ɓɛ́ìn nyɛɛ, púɛɛ, ɔ dyà ma tɛɖɛɛ, ké ɔ jìɖǐ ma ɓó Jízɛ̀ ɓo zɔ̃̌ dyi. Ké ɔ cɛ̃ ma ɖɛ kɔ̃̀ jè ɔ tìnììn ma kà Jízɛ̀ dyiɛɛ ɓó nyɔ séín ɓěɔ̀ dyúa, ɔ kè kà ɔ nyu ma dyi kánáa wàɖà kɛ. Ké Jízɛ̀ cɛ̃ɛ ma ɔ gbo, ké ɔ ɖá, “Ní dyú-màà, nì hwìɖǐǐ-taɓa-taɓaɔ̀ ɖǎ m̀ dyi kánáìn. Mu, nì hwòɖǒɔ̀ mɛ ɓɔ́ ɓaɖaa.”

Ké wa mu ma, ké wa túò ma Jízɛ̀, ké wa ɖá, “Ɓɔ̌ɔ̀, à nìǎ mú gbɔɔ̀ǔno.” Ké ɔ sɔ̀ dyí, ké ɔ po dììɔ̀ kè dyóó-kpɛ̀ ku wɔ̃ ɓěɔ̀ ɓɔ́í. Ké wa ɓɔ́, ké níɔ̀ dè ma dyi dɔ̃̀ùn-dɔ̃̀ùn.