פסוקים פופולריים מ- Ɖúù 9

שתף

Hwɛ̀ ké Jízɛ̀ cɛ̃ɛ ma nyɔ séín ɓěɔ̀ gbo, ké ɔ ɖá, “Nyɔ ɖò dyi mɔ́ ɓɛ́ ḿ kè ɔ ké mú naìn ní, nìí, ɔ mɛ táà ɔ hwòɖǒɛ̀-mɔ́ɔ́-ɖɛ̀ dyi, ké ɔ mɛ ɖú ɔ kɔ́ɖɔ́sìɔ̀ dyí wé séín, ɓɛ́ ɔ ké ḿ kíɖíí sí.

Nyɔ mɔ̀ nyɔ ɓɛ́ ɔ kàmà ɔ fɛ̀ɛ̀ɔ̀ jè kɛɛ, ɔ fɛ̀ɛ̀ɔ̀ mu ɔ xwa sɔ̀ùn. Ké nyɔ mɔ̀ nyɔ ɓɛ́ ɔ fɛ̀ɛ̀ɔ̀ mu ɔ xwa sɔ̀ùn ɓó ní jèɛɛ, ɔ muɛ póìn.

Ké Jízɛ̀ cɛ̃ɛ ma ɔ gbo, ké ɔ ɖá, “Nyɔ séín ɓɛ́ wa ɖú káɖá dyí, ké wa dè mɔɔ́ poɛ gbɔ, ké wa gmɔ̀ ɖe kánáá pūɛɛ, wa se Gèɖèpɔ́ɔ̀ kã́á-ɓòɖòɔ̀ bìì ɖɛ ɖò nyuɛ ɓɛ́ìn.”

Nyɔ ɖò dyi ɖɛ séín nì ɓóɖó-kpà gànáà kɔ̃ɛɛ kɔ̃̀, ké ɔ dyi ɔ mìɔùn ɓóɖóɔ̀ dyí tò, ké ɔ dyi xwáɖáún sèǐn, nìí, ɖɛ́ mɔ̀ kpáná ɖò ɔ muɛ kɔ̃ún dyéìn nyɛ́?

Ní jè kè ní wuɖuɔ̀ jè dyi nyɔ ɖò dɛ̃ nyùìn ní, nìí, dɛ̃ mu mɔ̄ mɔ̀à Nyɔǔn-dyùɛ̀ Dyú-gààɔ̀ kɛɛ nyuùn ɓó nyɔɔ̀ mɔ̀ùn jè ɖekè, ti ɓɛ́ ní muà ní dĩ́ín-dĩ̀ìnɔ̀ kè ḿ Ɓǎà dĩ́ín-dĩ̀ìnɔ̀ ɔ kè ínjà hwɛ̀ǐn-hwɛ̀ǐn ɓěɔ̀ dĩ́ín-dĩ̀ìnɔ̀ mú dyììn nyɛ.

Ké Jízɛ̀ cɛ̃ɛ ma ɔ gbo, ké ɔ ɖá, “Tĩ̌ɔ̀-wè ɓě ɓéɖé wa mìɔùn nììn ɓí, ké naà ɓě ɓéɖé waà téɖé ɓě, kɛɛ mɔ̄ mɔ̀à Nyɔǔn-dyùɛ̀ Dyú-gààɔ̀ kɛɛ, ḿ se dɛ̀ ḿ ké ní dú dyi dèɛɛ ɓéɖé fóɖóún.”

ké ɔ cɛ̃ɛ ma wa gbo, ké ɔ ɖá, “Nyɔ mɔ̀ nyɔ ɓɛ́ ɔ kpɔ̃ dyú-gbɔ́ɔ́ nì kà kɛɛ jè dyi ɓó ní nyɛ́nɛ́ɔ̀ jèɛɛ, nìí, ɔ kpɔ̃ ní jè dyi. Ké nyɔ mɔ̀ nyɔ ɓɛ́ ɔ kpɔ̃ ní jè dyiɛɛ, ɔ kpɔ̃ nyɔ tòà ḿ wɛ̃ɛ jè dyi ɖekè. Sepóɛɖé nyɔ mɔ̀ nyɔ se ɖɛ kpa ɖé ɓě hwìɛ̀ kɛɛ, ɔ mɔ̀ nyɔ kpa ɖɛɔ̀.”