פסוקים פופולריים מ- Lucas 5

שתף

Ma bedꞌeape Simoũã mawũãsia: Nabuaedꞌa wigui ededua, mobe mazhi atarraya doidꞌu bꞌaribueudua bꞌeda beaita.

Mawũãĩ Simónbara panaʉ̃ mawũãsia: Miã Ũrãgꞌabari, daira diamase dobꞌari ʉ̃nadrʉdꞌamina daibara miã kꞌãrẽta beadꞌa ẽbasia. Mawũãmina bʉ bedꞌeadꞌeba mʉãrã bꞌaribueya atarraya. Aramaʉ̃ne bꞌaribuebʉdadꞌera bꞌeda bio edꞌa bꞌaebʉrʉba zʉgʉaba atarraya tʉdꞌʉzoa bʉsadꞌewasia.

Mawũãmina izhira miõ ne ẽã maẽ wã bazhia zhiwidꞌiita.

Aramaʉ̃ kĩrãkꞌa mʉãrã jʉrʉdꞌe ze ẽbasia ãzhikusa biata bꞌeta, awuarabʉrʉ ẽdrʉbigaita jʉrʉdꞌe zesia kꞌazhirua omiãrãta, kꞌazhiruara ãmape Daizezeta pẽwãnamarẽã.

Maʉ̃ta Simón Pedroba ũdui Jesús kĩrãbita sãkꞌokꞌodꞌe kꞌobꞌepe mawũãsia: Nokꞌó, mʉ maẽbara ãĩ wãrũã, mʉrã kꞌazhirua omiãta bꞌʉa.

Mawũãnaĩ Jesúsba panaʉ̃ mawũãsia: Bika bꞌebara nesidꞌa duanu ẽã zhãrã bꞌebi bꞌʉra, awuarabʉrʉ nesidꞌa bꞌea kꞌayarãbʉrʉ.

Jãbara drua wedꞌape ne jõma idu ãmaẽnape wãsidꞌa Jesús kꞌaidꞌu.

Ewari abꞌa Jesús pʉwʉrʉdꞌe bꞌʉdꞌe ũmakĩrãta zesia aidꞌaba bira bꞌʉta. Maʉ̃bara Jesústa ũdui sãkꞌokꞌodꞌe kĩrã egoroma tʉ kꞌobꞌepe zuburia bedꞌea mawũãsia: Nokꞌó, bʉa krĩñabʉrʉ mʉrã nene ẽã bꞌebirua. Mawũãĩ Jesúsbara juwuaba tõbꞌari mawũãsia: Mʉãrã krĩña bꞌʉa, mawũẽ bʉra nene ẽã bꞌidꞌa. Audre ẽãne aidꞌara nebasia.

Aramaʉ̃ne Jesús wuaabʉrʉ trʉ̃poa wãsia. Zhãrã bio bʉredrʉ toto nʉmasia izhi bedꞌeata ũrĩnaĩta, aramaʉ̃ne bꞌebikuamarẽã ãzhi kꞌaya bꞌeta.