פסוקים פופולריים מ- Lucas 6

שתף

Zhãrã kꞌãrẽ diaudua, mawũãrã Daizezeba marã kꞌãrẽ diaya. Kꞌãrẽ bia zabʉdata ure jõãsu kuguzoa diaudua mazhi ne zabaridꞌe. Daizezebara diaya mawũã zabʉda zadꞌe.

Aramaʉ̃ kĩrãkꞌa biata bꞌʉbara biata sodꞌe erubꞌʉta biata jara bꞌʉa. Bia ẽãta bꞌʉbara bia ẽãta sodꞌe erubꞌʉta bia ẽãta jara bꞌʉa. Kꞌãrẽ sodꞌe nʉmʉkꞌãrĩta jara bedꞌea bꞌʉa ira.

Maʉ̃ba kʉãgꞌaudua marã jura bꞌera, bia oudua, ne prestaudua, mawũãmina jẽrũya diamarẽã bꞌearãũdua. Mawũãrã Daizezebara marãã kꞌãrẽ waibꞌʉa dedꞌekaya, aramaʉ̃nerã Ʉ̃trebema warrarãta bꞌeaya. Izhara sozuburia bꞌʉa izhaa zhibia jidakꞌata, bia ẽãta bꞌeta.

Mawũẽ zhãrã sozuburia bꞌeaudua, marã Zezeta zhãrã sozuburia bꞌʉ kĩrãkꞌa.

Zhãrãta kꞌawua orãũdua, mobedꞌeba Daizezeba marã maʉ̃ kꞌarea kꞌawua o ẽã. Zhãrãta bedꞌea bara bꞌʉa arãũdua, mobedꞌeba Daizezeba marã bedꞌea bara bꞌea a ẽã. Marã bĩ ẽã obʉdara bedꞌea ne ẽãne edaudua, mawũãrã Daizezeba marã bedꞌea ne ẽã bꞌʉkuaya.

Marã mʉ bedꞌeata ũrĩ kꞌobꞌea mʉã marãã jaraya: Kʉãgꞌaudua marã jura bꞌera, bia oudua marã ũduama bꞌera. Ibia jaraudua marã ikꞌazhirua jara bꞌera, zhiwidꞌiudua marã bĩ ẽã obꞌebarira.

Zhãrãba marã sãwũã odꞌaita krĩña bꞌedꞌe marãba ãzhita mawũã oudua.

Iabꞌaʉba bʉta kĩrãma tachira yawedꞌa tachibirua. Iabꞌaʉba bʉa wua ãnebꞌari bꞌʉta jãrĩrã, bʉzhi camisasidꞌa idu edebirua. Bariduba kꞌãrẽ widꞌibʉrʉdꞌera diadua. Iabꞌaʉba kꞌãrẽ bʉreta jãrĩbʉrʉdꞌera widꞌirãrũã wakusa diamarẽã.

Bakuru biabara zau ẽã zhi tara bia ẽãta, miã bakuru bia ẽãbara zau ẽã zhi tara biata.

Bakurura abꞌa abꞌakꞌa ũdukꞌawa panʉã zhi tadꞌeba. Igojõ bꞌʉadꞌakꞌa ʉrʉba zaudꞌata, miã jũẽchichiba zaudꞌata bꞌʉadꞌakꞌa uvara.