פסוקים פופולריים מ- Génesis 25

שתף

Jech itac'bat yu'un li Muc'ul Diose: “Oy chib muc'tic lum ta yut ach'ut; chib lum ti sbats'il xa scontrainel sbaic c'alal muc to chvoq'uique. Li june ja' toj tsots xu' yu'un; ja' mu xu' yu'un li yane. Li banquilale ja' ta spasat ta mantal yu'un li yits'ine”, xi li Muc'ul Diose.

Jech laj yal: —Avocoluc ac'bun jutuc li tsajal ve'lil te oy avu'une yu'un chicham xa ta vi'nal —xi. Ja' yu'un li Esaue Edom ic'ot sbi noxtoc.

Li Rebecae mu sna' x'alaj, ja' yu'un li Isaaque lic sc'opan Muc'ul Dios ta sventa li yajnile. I'aybat sc'op yu'un li Muc'ul Diose, jech te lic xchi'in yol li Rebecae.

Itac'ov li Esaue: —Yu'un chavil ti chicham xa ta vi'nale, jech mu'yuc xa c'usi stu cu'un li c'usi oy ta jventa chquich' vu'un li sba nich'onilune —xi. —Alo ta jamal li' ta ora ti me chavac'bune —xi la sjaq'uilan li Jacobe. Li Esaue laj yal ta jamal ti te ac'o yich' Jacob li c'usi sc'oplal chich' stuque.

Ts'acal ivoc' ec li yits'ine. Stsacojbe tal xchac yacan li Esaue, ja' yu'un Jacob laj yac'beic sbi. Li Isaaque yich'oj xa'ox oxvinic (60) jabil c'alal i'alaj li Rebecae.

Li Isaaque ja' lec sc'anoj li Esaue yu'un lec cha'ay ti chmilbat tal ti'bol sti'e. Yan li Rebecae ja' lec sc'anoj li Jacobe.