פסוקים פופולריים מ- Génesis 26

שתף

Li' no'ox xanaqui o ta lume. Vu'un chajchi'inot. Chacac'bot ep bendición. Scotol li banamil li'i, ta xcac'bot avich' achi'uc li amomnich'nabtaque. Ja' jech chc'ot o ta pasel cu'un li c'usi jchapanoj xchi'uc atote, ja' li Abrahame.

Li amomnich'nabtaque ta xcac' epajuc jech c'u cha'al c'analetic ta vinajel. Ja' ta xcac'beic scotol li banamil li'i. Jech noxtoc ja' ta sventa amomnich'nab chich'ic bendición scotol li muc'tic lumetic ta banamile. Yu'un li Abrahame laj yich'un ta muc'. La spas li c'usitic laj calbee. La xch'un li mantaletic cu'une xchi'uc li chanubtasel cu'une”, x'utat.

Li Isaaque iloc' batel; ibat nacluc ta nom. Te c'ot sjoc' yan joc' noxtoc. Ta sventa ti mu'yuc xa ilic c'op tee, jech “Xocol osil” laj yac'be sbi li joq'ue, yu'un jech laj yal: “Li' ta orae, Muc'ul Dios jech la sc'an ti lec xa xocol cosil li'i, yu'un jech ta jtacutic li c'usitic chtun cu'uncutique”, xi.

Li Muc'ul Diose te laj yac' sba ta ilel ta stojol li Isaaque, jech laj yalbe: “Mu me xabat ta lum Egipto. Te no'ox xacom ti bu chacalbote.

Ja' yu'un li Isaaque la spas jun scajleb smoton Muc'ul Dios, laj yich' ta muc' li Muc'ul Diose. Te lic spas scarpana; te inaqui o. Li smozotaque te lic sjoq'uic jch'oj joc'.