פסוקים פופולריים מ- Machyu 14

שתף

Bot wen ih noatis how haad di breez mi-di bloa, ih geh frayd ahn ih staat tu sink dong eena di waata. Ih hala, “Laad, sayv mi!” Rait away Jeezas schrech owt ih han ahn grab ahn. Den ih seh, “Fi yoo fayt leel, sa! Da wai yu mi dowt mi?”

Bot wen ih noatis how haad di breez mi-di bloa, ih geh frayd ahn ih staat tu sink dong eena di waata. Ih hala, “Laad, sayv mi!”

Bot rait away Jeezas tel dehn seh, “Noh hat unu haat. Da mee. Noh frayd.”

Den Peeta seh, “Laad, if da yoo fi chroo, den tel mi fi kohn tu yu pahn di waata tap.” Jeezas tel ahn seh, “Kohn!” Soh Peeta klaim owta di boat ahn staat tu waak pahn di waata tap tu Jeezas.

Den dehn wan weh mi deh eena di boat wership Jeezas ahn seh, “Yoo da Gaad Son fi chroo!”

Bot Jeezas tel dehn seh, “Dehn noh hafu goh no way. Wai unu noh feed dehn?” Dehn ansa ahn seh, “Wee oanli ga faiv bred ahn too fish.”

Jeezas seh, “Bring dehn ya fi mi.” Den Jeezas mek di peepl dehn sidong pahn di graas. Ih tek di faiv bred ahn too fish ahn luk op da hevn ahn gi Gaad tanks. Den ih brok di bred ahn ih gi di disaipl dehn fi gi di peepl dehn.

Evribadi eet til dehn ful, ahn den di disaipl dehn pik op hoal a twelv baaskit ful a di lee pees a bred dehn ahn fish weh mi lefoava.