פסוקים פופולריים מ- Machyu 15

שתף

Bot weh kom owta wahn persn mowt kohn fahn dehn haat, ahn dat da weh mek dehn doti fi chroo. Kaa weh deh eena wahn persn haat da weh mek dehn tink op fi du aal kaina bad ting, laik merda, ahn cheet pahn dehn hozban er dehn waif, sleep rong, teef, tel lai ahn slanda peepl.

Da noh weh goh eena sohnbadi mowt weh mek dehn haat doti, bot weh kom owta dehn mowt, dat da weh mek dehn haat doti.”

‘Dehnya peepl aana mi wid dehn mowt, bot dehn haat deh faar fahn mi. Dehn wership noh meen notn tu mi kaa dehn di teech fi dehn oan roolz, weh dehn mek op laik ih kohn fahn Gaad.’”

Jeezas ansa ahn seh, “Mis, yoo ga lata fayt fi chroo! Yu wahn geh weh yu aks fa.” Ahn sayhn taim di laydi daata geh heel.

Bot di laydi kohn kohn neel dong fronta Jeezas ahn seh, “Laad, help mi noh?” Jeezas ansa di laydi seh, “Ih noh rait fi tek di pikni dehn bred ahn chroa it fi di daag dehn.” Di laydi seh, “Da chroo, Sa, bot eevn di daag dehn eet di kromz weh jrap fahn aafa di maasta taybl.”