פסוקים פופולריים מ- Juan 11

שתף

Y che e Jesús: —Jax nen xe' tua' insuti imb'ixq'ues tunor tin e chamenob'. Y jax nen ub'an xe' inwajc'u e cuxtar xe' machi tua' ac'apa. Y tunor tin e ac'upseyanob' tamaren motor que axin achamayob' pero nen c'ani insuti imb'ixq'uesob' otronyajr. Y tin e turob' tara tor e rum xe' b'ixirob'to xe' war ac'upseyanob' tamaren machi tua' achamayob' inyajrer. ¿War ca ac'upse tunor era? che e Jesús.

Y che e Jesús: —¿Machi ca inwaret que jay ic'upseyan tamaren c'ani awira utawarer e Dios? che e Jesús.

Y cay uq'ui e Jesús ub'an.

Entonces conda c'otoy e ojroner era tut e Jesús, ojron jaxir y che: —E Lázaro machi tua' achamay umen e muac era, sino que c'ani ac'ampesna umen e Dios tua' atajttz'a uc'ab'a y axin atajttz'a uc'ab'a Uyunen e Dios ub'an, che e Jesús.

Conda c'apa uc'ajti cocha era, ojron taca inte' nuxi nuc y che: —Lázaro, loq'uen tarex, che e Jesús. Y wacchetaca achpa e chamen y loc'oy b'acb'ir taca e sian b'ujc. Y b'an quetpa uc'ab' y uyoc y b'asb'ir ujor y uyeroj ub'an taca e b'ujc. Entonces e Jesús uyare e gente era y che: —C'oric e sian b'ujc tamar y actanic chic, che e Jesús.

Pues entonces ixin e Jesús esto tia' mujca xe' chamay era. Y tz'intz'a tama uyalma otronyajr. Pues e mujr jax inte' ch'en xe' chemb'ir tama unac inte' witzir xe' macar taca inte' nuxi tun.

Pero nacpat era e Jesús sutpa ojron y che: —E Lázaro xe' catzay cawira wayan, pero nen c'ani inxin imb'ixq'ues, che e Jesús.