Иоанн 1
1
Сөстүң кижи болу бергени
1Эң эгезинде#Э. д. 1:1 Сөс турган#Ажыд. 19:13. Сөс Бурган-биле кады турган болгаш Сөс Бурган болуп турган#Ин. 20:28; 1 Ин. 5:20; Флп. 2:6. 2Ол эгезинде-ле Бурган-биле кады турган. 3Бүгү-ле бар чүве ол Сөстү дамчып чаяаттынган, чүү-даа чүве Ол чокка чаяаттынмаан#Ыд. ыр. 32:6; 1 Кор. 8:6; Кол. 1:16; Евр. 1:2. 4Чаяаттынган бүгү чүвеге ол Сөс амыдыралдың үнер дөзү турган#Ин. 5:26; 11:25; 1 Ин. 1:2; 5:11, а ол амыдырал кижи төрелгетенге чырык апарган#Ин. 8:12; 9:5; 12:46. 5Чырык караңгыда чырыдып турар, а караңгы Чырыкты хөме ап шыдаваан.
6Бурганның айбылап чорутканы Иоанн деп аттыг кижи турган#Мф. 3:1; Мк. 1:4; Лк. 1:80; 3:2. 7Ол кижи Чырыктың херечизи болур дээш#Ин. 3:26; 5:33; 10:41 база шупту улус ону дамчыштыр бүзүрезин дээш чедип келген#Ин. 20:31; Аж.-ч. 19:4. 8Иоанн боду – Чырык эвес турган, а Чырыктың херечизи болур дээш келген кижи турган.
9Ол Сөс – бо делегейге чедип келген ёзулуг Чырык болган#Ыд. ыр. 35:10; Иса. 49:6; 1 Пет. 2:9. Ол кижи бүрүзүн чырыдып турар#1:9 Азы: «Ол Сөс – бо делегейге келген кижи бүрүзүн чырыдып турар Чырык-тыр». . 10Ол Чырык Ооң Бодун дамчыштыр чаяаттынган делегейде бар турда-ла, делегей Ону танываан. 11Ол Бодунуң албаты чонунга чедип келген, а олар Ону хүлээп албаан#Ин. 5:43. 12А Ону хүлээп алган база Ооң ады дээш бүзүрээн бүгү улуска Ол Бурганның ажы-төлү болур эргени хайырлаан#Мф. 5:9; 1 Ин. 3:1; 5:1; Рим. 8:14. 13Ол ажы-төл бойдустуң чаяап каанындан-даа, кижилерниң хандыкшылындан-даа, эр кижиниң күзээшкининден-даа төрүттүнмээн, а Бургандан төрүттүнген#Ин. 3:3; Иак. 1:18. Бурган Боду оларның Адазы-дыр.
14Демги Сөс Кижи апаргаш#1 Ин. 4:2; 2 Ин. 7; 1 Тим. 3:16; Евр. 2:14, бистиң аравыска чурттап турган. Бис Ооң өндүр чырыын – авырал болгаш алыс шын-биле долдунган Адазының эр чаңгыс Оглунуң өндүр чырыын көрген бис. 15Иоанн Ооң дугайында херечи болуп, улуска мынчаар медеглээн: «Мээң соомдан чедип кээр Кижи менден кончуг боор#Мф. 3:11, чүге дээрге Ол мээң мурнумда-ла бар турган-дыр. Мээң чугаалап турганым Кижи ол-дур». 16Биске херек бүгү чүве Ында бар, шуптувус Ооң авыралын бажывыс ажыр четтирип келдивис. 17Бурган Бодунуң хоойлузун биске Моисейни дамчыштыр берген#Ы. х. к. 33:4; Ин. 7:19, а авырал биле алыс шын#Ин. 14:6 Иисус Христосту дамчыштыр келген болгай. 18Бурганны кым-даа, кажан-даа көрбээн#Хост. 33:20; Ин. 6:46; 1 Ин. 4:12; Кол. 1:15; 1 Тим. 6:16. Чүгле Адазы-биле тудуш харылзаалыг эр чаңгыс Оглу#1:18 Өске бурунгу сөзүглелдерде «Адазы-биле тудуш харылзаалыг эр чаңгыс Бурган» деп бижээн. биске Адазын илереткен болгай.
Иоанн Медеглекчиниң херечилели
(Мф. 3:1-12; Мк. 1:2-8; Лк. 3:15-17)
19Иоанның херечилээни бо-дур.
Иерусалим чурттуг иудейлер Иоанндан: «Кым сен?» – деп айтырзын дээш, олче Бурганның бараалгакчыларын база левиттерни чорудупканнар.
20Иоанн дорт харыы бээринден ойталавайн, ажыы-биле мынча дээн: «Мен Бурганның шилээн Христозу эвес мен»#Аж.-ч. 13:25.
21Олар оон: «Ынчаарга чогум кым сен? Илия сен бе?» – деп айтырганнар#Мал. 4:5; Мф. 17:12-13; Лк. 1:17.
Ол: «Чок» – деп харыылаан.
«Азы Бурганның аазааны медээчи#Ы. х. к. 18:15, 18-19 сен бе?» – деп айтырганнар.
Иоанн: «Чок» – деп харыылаан.
22Олар ынчан: «Кым сен? – деп түңнелинде айтырганнар. – Бисти айбылап чорудупкан улуска чүү дээривисти чугаала. Бодуңну кым мен дээр сен?»
23Ол мынча деп харыылаан: «Мен – Исайя медээчиниң чугаалааны дег: „Ээн кургаг ховуга: ‘Дээрги-Чаяакчыга оруктан белеткеңер!’ деп алгырган үн“ – мен»#Иса. 40:3.
24Айбылаттырган улус фарисейлер турган. 25Олар Иоанндан мынча деп айтырган: «Сен Бурганның шилээн Христозу-даа, Илия-даа, Бурганның аазааны медээчи-даа эвес болзуңза, улусту чүге сугже суп турарың ол?»
26Иоанн оларга: «Мен улусту сугже сугар мен, ынчалза-даа силерниң араңарда билбезиңер бир Кижи бар-дыр, 27Ол мээң соомдан чедип кээр-даа болза, мен Ооң идииниң шидиишкинин безин чежеринге төлеп чок амытан-дыр мен» – деп харыылаан.
28Бо чугаа Иоанның улусту сугже сугар черинге – Иордан хемниң ындында Вифанияга болган. 29Даартазында хүндүс Иоанн олче кел чыдар Иисусту көрүп кааш, мынча дээн: «Бо дээрге Бурганның Хураганы-дыр! Ол делегейниң улузунуң бачыдын чайладып аппаар#Хост. 12:3; Лев. 1:10; Иса. 53:7; 1 Пет. 1:19; 1 Ин. 2:2; 4:10. 30Ооң дугайында: „Мээң соомдан чедип кээр Кижи менден кончуг боор, чүге дээрге Ол мээң мурнумда-ла бар турган-дыр“ – дээним демги Кижи ол-дур. 31Мен Ол ылап кымыл дээрзин билбес турдум, ынчалза-даа израильчилер Ону танып алзын дээш, улус-чонну сугже суп келген мен»#Лк. 1:17.
32Оон Иоанн мынча деп херечилээн: «Дээрден көге-буга дег бадып келгеш, ол Кижиниң кырынга артып калган Ыдыктыг Сүлдени көрдүм#Иса. 11:2; Мф. 3:16; Мк. 1:10; Лк. 3:22. 33Мен Ол кымыл дээрзин билбес турдум, ынчалза-даа улус-чонну сугже суксун дээш, мени айбылаан Бурган мынча дээн: „Сүлде Олче бадып келгеш, Ооң кырынга артып каар кижи көрзүңзе, улусту Ыдыктыг Сүлдеже сугар Кижи ол болур эвеспе#Иоил 2:28; Аж.-ч. 1:5“. 34Мен ону көрген болгаш, „Ол – Бурганның Оглу-дур“ деп херечилеп тур мен».
Иисус Христостуң баштайгы өөреникчилери
35Дараазында хүндүс Иоанн база катап бодунуң өөреникчилериниң ийизи-биле#Мф. 11:2; Мк. 2:18; Лк. 11:1 кады аңаа турган. 36Эртип бар чыдар Иисусту көрүп кааш, Иоанн: «Бурганның Хураганы бо-дур!» – дээн#Ин. 1:29. 37Иоанның ол сөстерин дыңнааш, ооң өөреникчилериниң ийизи Иисусту эдерип чорупкан.
38Иисус хая көрнүп келгеш, оларның Бодунуң соондан чоруп олурарын көрүп кааш: «Чүнү дилеп тур силер?» – деп айтырган#Ин. 18:4, 7.
А олар: «Равви (ол дээрге „Башкы“ дээни ол), Силер кайда турар силер?» – деп айтырганнар.
39«Бараалы че, көрүп аар силер» – деп, Ол харыылаан. А ынчан хүн үнгенден бээр онгу шак үези турган чүве-дир. Олар эдерип баргаш, Иисустуң кайда турарын көрүп алгаш, хүннү бадыр Ооң чанынга турганнар.
40Иисустуң дугайында Иоанның сөстерин дыңнааш, Ону эдерип чорупкан ийи кижиниң бирээзи Симон Пётрнуң дуңмазы Андрей болган#Мф. 4:18-20; Мк. 1:16-20; Лк. 5:2-11. 41Андрей ол дораан бодунуң акызы Симонну тып алгаш, аңаа мынча дээн: «Бис Мессияны (Бурганның шилээн Христозун дээни ол) тып алдывыс»#Ин. 4:25. 42Оон акызын Иисуска эккелген.
Иисус олче көрүнгеш: «Иоанның оглу Симон-на-дыр сен. Ам Кифа деп адаттырар сен» – дээн. (Ол дээрге «Даш» азы грек дылда «Пётр» дээни ол.)#Мф. 16:18; Мк. 3:16; Гал. 1:18; 1 Кор. 1:12
Иисустуң Филипп биле Нафанаилди кый дээни
43Дараазында хүндүс Иисус Галилеяже чоруурун шиитпирлээн. Ол Филиппти тып алгаш, аңаа мынча дээн: «Мени эдерип чорувут». 44Филипп база-ла Вифсаидадан келген#Ин. 12:21, Андрей биле Пётрнуң чаңгыс чер чурттуу кижи чүве-дир. 45Филипп, бодунуң ээлчээнде, Нафанаилди тып алгаш#Ин. 21:2, аңаа мынча дээн: «Моисейниң хоойлузу болгаш медээчилерниң номнарында бижээн Кижини тып алдывыс#Ы. х. к. 18:15; Лк. 24:27. Ол болза Назарет чурттуг Иосифтиң оглу Иисус болду#Мф. 2:23; Лк. 2:39».
46А Нафанаил: «Назареттен өөделиг чүве тыптыр деп бе ынчаш?» – дээр болган.
Филипп аңаа: «Баргаш, бодуң көрүп көр даан» – деп харыылаан.
47Олче кел чыдар Нафанаилди көрүп кааш, Иисус ооң дугайында мынча дээн: «Ынай-даа оп-меге чок#Ыд. ыр. 31:2, ёзулуг израильчи бо-дур»#Рим. 9:6.
48Нафанаил Оон: «Сен мени канчап билир сен?» – деп айтырган.
«Филипп сени кый дээр бетинде-ле, Мен сээң фига ыяжы адаанга турганыңны көрдүм» – деп, Иисус харыылаан.
49Нафанаил Аңаа мынча деп харыылаан: «Башкы! Силер – Бурганның Оглу болгаш Израильдиң хааны-дыр силер!#Ыд. ыр. 2:7; Мф. 27:11, 42; Ин. 11:27»
50«„Мен сээң фига ыяжының адаанга турганыңны көрдүм“ дээримге, Меңээ бүзүреп турарың ол бе? – деп, Иисус аңаа чугаалаан. – Оон-даа өндүр улуг херектерни көре бээр сен». 51Ол улаштыр мынча дээн: «Алыс шынны силерге чугаалап тур мен: дээрниң аңгайтыр ажыттына бээрин база Бурганның төлээлериниң өрү үнүп турарын-даа, Кижи амытан Оглунче дүжүп бадып турарын-даа көрүп каар силер»#Э. д. 28:12; Дан. 7:13.
© Институт перевода Библии, Москва, 2011