ATITI AWM ANGCHEI NAI 3
3
Khumi my leu tangai y nai
1Tameuh my sa nai tawnbawi cheaungkhangchi theung y, pavui ly li-tapawp naira y cheng keh nai ne. Pavui my neampachy teng y, “Tameuh my akho theung i thengthai athai cheaungkhangchi cha ai nai tlo y, ang napi nai ly ne khyp a?” napi.#Amt 12.9, 20.2
2Neampachy my, “Akho theung y awm nai thengthai athai cheaungkhang kaini cha pajau. 3Na i py akho umtang i thengthai ly Tameuh my teaung py teaung moh, cho py cho moh, cha lawh baly kaini ly dei takengkei ai, ang napi,” nanai pathang.
4Pavui my, “Huni ly ny y leang, ma! dei hawi ai moh. 5Nangni cha nai dengdairei hawi nai hawi y nai pany ai i, Tameuh kamta lawm lawh ai nanai, Tameuh my pany na a,” napi.
6Neampachy ly thengthai keung i apu nai sai, thengthai athai py cha ai paleung ka-no awm nai sai mei y niu bo. Huni khyh ny y, tau cheng naira awm baly mana tanrei hawi ai mo, nanai dawn nai hawimy athai jaw iy cha vui nai ne. My i juvo ai py pei i, ni py cha teang. 7Thengthai athai cha hawi chum baly, nini ly tlang ka-keu awm nai apany hawi i, mymyni i vui thaidu ngam sarip iy apam hawi bo.
8Huni kani dym tengsa neng y Areng Tameuh ly akho theung y jeu nai katyn thai hawi i, myni ai niu y ai nai dengkeaung keungchi theung y aheu hawi vui bo. 9Na i py Areng Tameuh my neampacho ai, “nang ly ma y awm mo?” nanai palau.
10Huna nai khala neampacho my, “Akho theung y nang jeu nai katyn kathai i, tlang ka-keu nai y kai ly kang jei nai, aheu vui nai ne,” nanai pathang.
11Tameuh my, “nangni ly tlang ka-keu naimy awm, nanai ami my ang thui pi mo? Kaimy cho moh, kang napi nai thengthai athai ly cha hawi bo lo-oh?” napi.
12Neampacho my, “kai ai nang my pei nai neampachy my thengthai athai ang pei i kacha lawh bo,” nanai pathang.
13 Areng Tameuh ly neampachy teng y, “Nang ly ati mana nai y hina nai sa lawh mo?” nanai deng baly neampachy my ly “Pavui my ang parawi nai deaungkho y kacha lawh bo,” nanai pathang.#2 Kor 11.3; 1 Tim 2.14
Tameuh my pajeng nai
14 Areng Tameuh my pavui teng y, “Nang ai ly hini molam y kang pajeng ai; daichi mawi bawibawi theung y nang ly amsawi lawi sy. Vai i dengdairei nang ly kajeu mang jawn iy heng nai ryrei spryh cha ai nai tla. 15Nang hawi neampachy ly leaung leaungrei aniu ngai y ai nai kang sa; nang i kangpreang hawi neampachy i kangpreang ly paleung ka-e awm jojo ai. Neampachy i kangpreang my nang i lu y chiu piupa ai i, nang my nichi kheu patui y patiu ai,” napi.#Amt 12.17
16Naibaly Tameuh my neampachy teng y, “Deaungdi aniu nai khala patang ai nai, deaungdi tapen nai khala y py khri pa-rei patang hai ai. Nang ly juvo i kangai awm iy, juvo i anui y leu tangai naimy awm jojo ai nai tla,” napi.
17Naibaly Tameuh my neampacho teng y py, “Nang ly aju i leu tangai iy kai my cho moh kang napi nai thengthai ly cha lawh nai deaungkho y khaileaung ly nangmy i vui amsawi lawi bo. Nang ly kajeu ka-rei ka-leu nga ai nai nangmy deungrei patang parai naimy kalop sa ai nai tla.#Heb 6.8 18Khaileaung i nai aleng hawi acha cheaungkhang kang prau hai ai i, huni theung i amti amjangchi cha ai. 19Nang ai sa nai khaileaung y ali teang y ryrei ly ka-ui leaung pa-rau na pa-rei akawm parai naimy kalop sa iy cha ai nai tla ai. Nang ai khaileaung hawi sa nai ne i, khaileaung lawm ali teang ai,” napi.
20Adam #3.20 Adam: Hebrai leu y “Khumi angso,” Evi ai, “Heng ahawi nai” nanai sai ne. my aju ai ly Evi, nanai amyn pathi; ati mana nai mo nabaly mymy ly khumi bawibawichi i amhm lawm nai deaungkho y ne. 21Areng Tameuh my Adam hawi aju i vui mawi peih hawi ateaung sa pi i, nini ai ateaung hai bo.
Adam hawi Evi nini ai akho theung i patheu vui nai
22Naibaly Areng Tameuh my, “Vai ly hini khumi ni ly hawi nai hawi y nai pany thai nai amychi kamta lawm bo. Heng hai jojo nai keung i athai cha iy heng ai nai pei y leang bo,” napi. #Amt 22.14 23Hunai deaungkho y Areng Tameuh my ly khumi ai Eden akho i nai patheu iy, khaileaung hawi sa nai khumi ai khaileaung y li hlau sa hai bo. 24Naibaly hengra dengkeaung sahawi y ami py ahai pajau y ai nai, amlang nanai mai haisau hawi Kherubenchi #3.24 Kheruben: Tameuh i atitichi kry nai keung. ai akho nisi ngan mang y tamcheaung amo hai bo.
נבחרו כעת:
ATITI AWM ANGCHEI NAI 3: KCL02
הדגשה
שתף
העתק
רוצים לשמור את ההדגשות שלכם בכל המכשירים שלכם? הירשמו או היכנסו
Khumi Common Language Bible © Bible Society of Myanmar, 2005.