Lûk 4
4
Yɛso alo kətsòmlo
(Mat 4:1-11; Mâk 1:12-13)
1Yɛso mo e nughùun wò èbàm a fughu an Dzodàn mo Zuʼ tə̀ Zɔlɔ tə ŋ wə̄n am fə̂ŋ nyəən tsughu, tə n tsom kɔʼ wə̄n, ù n nùghù sòʼ ndùw aŋ ŋgwən. 2Vʉatsə̄a ghə n tsoōm kaaŋ wə̄n fughu aŋ ghə̀m mə̀ ntsuʼu n chìakò. Ù m mughu ko a fughu êzə̀, ŋgəmso zəa yo fəgha ko an tsuʼu n te mò. Ghəa tsuʼu n te n tsəghà tsughu, dzə̀ŋ n ndùw bàʼ wò wə̄n.
3Vʉatsə̄a yi ghə n daŋso dzɛ̀ â wə̄n enyəa, “Abugho e lô enyəa ghù lǒ Wɛ ù Kə̀zə̀, dzǎa tsughu enyəa tia zən fə̀là kɔʼ kəbɛ tò ghù zə.”
4 #
Lwa 8:3
Yɛso m bɛ̀lɛ̀ ndùw wə̄n enyəa, “Ghe tɔm naŋa am mwàʼsò kə Kəzə̀ enyəa,
‘Ghùw kà mùghù ko yo alo kəbɛ̄.’ ”
5Vʉatsə̄a yi ghə n nì kɔ̀ʼ ndùw Yɛso an ndɔ̀ŋɔ̀ndɔ̀ŋɔ̀ fə ukwàʼ, a ghee aletsoō kɔʼɔ̄ tēe mò ù n wə̄n â nàʼà tə mbī tən dè ŋgə̀a wò tə dzə̀m, 6dzɛ̀ â wə̄n enyəa, “M̀ fughuu nù ghû a daʼa ko alesaʼa naʼà tə̀n tə̀ dzə̀m àsùghò kɔʼso n te mò, nu ghe mò â mùghò fughu nû, to m fughu â ghùw abugho Ǹ tsəm. 7Abugho ghù təm wo ŋguʼ to a tsəlà mùghò, ghù kele mɛʼɛ u dzə̀m.” 8#Lwa 6:13 Yɛso m bɛ̀lɛ̀ ndùw enyəa, “Ghe tɔm naŋa am mwàʼsò kə Kəzə̀ enyəa,
‘E kɔʼso ko Mughu ù te, Zə̀ kə̀a,
ghù è bɔɔm fwaʼā ko â wə̄n.’”
9Vʉatsə̄a a te ghə n daŋso nì ndùw Yɛso an Yɛ̀lusalɛ̀m, nì kɔ̀ʼ ndùw wə̄n edzūŋ èdzùŋ an tuw kə ndughu è Kə̀zə̀ e ne, dzɛ̀ â wə̄n enyəa, “Abugho ghù lǒ Wɛ ù Kə̀zə̀, tǎa sə tsùghù ndùw fɛ; 10#Sms 91:11, 12 nu ghe ŋgəəŋ tɔ̄m naŋa sùghò am mwàʼsò kə Kəzə̀ enyəa
‘Ù kè tuū tum tə Wə̄n, tə e chiīn ghû,
11ghe kê bɔɔ̄m toʼn kele kɔʼ ghû ènyə aŋ ghu,
ghe ghômlò enyəa ghù lò tsɔ̂ɔ ghuw ko alo etīa.’”
12 #
Lwa 6:16
Yɛso n daŋso bɛ̀lɛ̀ ndùw wə̄n enyəa, “Ghe tɔm naŋa am mwàʼsò kə Kəzə̀ enyəa,
‘Ghù kì yo aleboon fə̀ŋ è Mughu ù te, Zə̀ kə̀a.’ ”
13A m bùghò vʉatsə̄a yi də̂m kê tsughu aletsōom Yɛso an ndə̀mà tə tədzǐi, a mô è nughù, kwɛ̀ nàŋa ndùw wə̄n bugho ndzɔ̀ŋ kè dzɔ.
Yɛso də̀ghàan kə̀fwàʼ aŋ Galèlîi
(Mat 4:12-17; Mâk 1:14-15)
14Yɛso n nùghù nyə̀ ndùw èbàm aŋ Galèlîi an daʼa kə Zūʼ tə te to, zɔ̂ŋ u wə̄n wə̄ ŋ kùm mìasò nyə̀ ndùw alo tə ŋgwə̀là. 15Ù n zoʼn kaŋlo àghì aŋ ghəa a Kəzə̀ an Ndughutə̀ne tə Tə̀dzûu tò, ghî ghə̀là a dzə̀m ŋ kɛɛ wə̄n.
Ghe tue màʼà Yɛso an Nazalɛ̀t
(Mat 13:53-58; Mâk 6:16)
16Ù n nùghù ndùw an Nazalɛ̀t, an naʼ zəla ù fə̀ noō kɔʼ wo a te. Ù n ndùw nyə̀ ndùw an Ndùghènē è Tə̀dzûu Tsuʼntsə̄, à màʼà lô bughoo kə wə̄n. Ù n nùghù těe kɔʼ aletɔŋlo àghəa, 17ghe m fùghù ndùw wə̄n â mwàʼsò kə Èzayà kò, tɔɔŋ ghùwshʉ̀gha. Ù n tsʉ̀ ndùw an lùʼù kəla ghe tɔm naŋā enyəa,
18 #
Èzy 61:1, 2 “Zuʼ tə Mughù ù te tə kê lò a zəŋò mùghò,
bòʼ ù mò mugho tughu tsughu alenaʼn nduw Làbəlà è Dzùŋ â ghì à laa gho.
Ù mùghò tum wò alenàʼà ndûw enyəa ghî ghəla ghe mò kɔʼ ndùghùtsāʼ
mo ghe mǒ ghee kwu an tsam lo səā nù,
n naʼà ndûw sughò enyəa ghî à foō a lo kòʼò àsə,
àsùghò alebəghāa sə ghî ghəla ghe zuūw ŋgoʼ aŋ ghùu ghì à li gho.
19Ù mùghò tum wò alebùghò naʼà wô enyəa nəgha zə m kpe zəla Mughu ù te so bəghāa sə ghî a wə̄n.”
20Ghəa ù tɔɔŋ mɛʼɛ̀ tsughu, ù n daŋso nyəme kɔʼ mwàʼsò kə te ko, fùghù ndùw èbàm â ghùw ù nàŋlō, tsùghù gàʼ dòʼò è tsughu; sə a aghì yì a dzə̀m fughu an Ndùghènē n lo ko a zəŋò wə̄n.
21Ù ŋ kāʼ ndùw aledzɛ̀ â ghee enyəa, “Shwaʼ u Kəzə̀ wəla ghɛ̀ zuw nɛ, ghəa a te ghə m bəla kə nî.” 22Ghee a dzə̀m m fughu kɛɛ u wə̄n, kwə̀ən kə̀ ŋ kɔʼɔ ghee an ŋgòʼ è shwaʼ u nʉ̀ghà ù kuuw wəla ù sə wo an dzughu e wə̄n, ghe m bvʉ enyəa, “Wən mgbàŋ yǒ wɛ ù Dzùghùsî à?”
23Ù n dzɛ̀ à ghee enyəa, “Ŋ̀ kwo nû enyəa ghɛ̀ sô kwə̀ən dzàa wò â mùghò enyəa, ‘Ghùwŋgàŋ, sǒ baaŋ tsughu ghue wʉ̀a wǒ a, ghəəŋ tsughu sùghò ghəa ghə̀là ghàʼ zuw enyəa ghù mò ghəŋlo aŋ Kàpɛnùm fɛ an naʼ zəghà.’ ” 24#Dzn 4:44 Ù n daŋso dzɛ̀ tsùghù enyəa, “M̀ fɛ kùum dzàa wò nù â ghɛ̀, ghùwshʉ̀ghà ù lì yo ghe niī tò kəfəgha an naʼ e wə̄n.
25 #
1Ud 17:1
M̀ fɛ kùu dzàa wò êsəŋò â ghɛ̀ enyəa, ndə̀m è yiikpuw a fə̀ lo tsəgha an Ezə̀lɛ̂ an tì kə Èlaedzà, ghəa ghuuw e fə̀ kə̂a kɔʼ dòʼò tə̀nùu tə təgha àsùghò ndzɔŋɔ to tǔu mo e tsughuu yo. An tì kə te ko, dzə̀ŋ n nyə fughu alo enaʼ, tɔŋɔ ndɔ̄ŋ, 26#1Ud 17:8-16 Zə̀ kə̀ ka fə Èlaedzà dɔ̂ɔm tum a vʉ̀a wìkpuw u mɔ̀ʼ, tsə̀ghàa sə̌a ko yo wìkpuw wəla ù fə̀ lo aŋ kɔn u Zalɛ̄fàt, an naʼ e Sidɔ̀n. 27#2Ud 5:1-14 An tì kə ghùwshʉ̀gha Elishà, kɔ̂n kə ghî a tətsùghò kə̀ n dûuw sùghò alo Ezə̀lɛ̂, Zə̀ kə̀ ŋ kè baŋlo u mɔ̀ʼ a te, tsə̀ghàa sə̌a ko yo Naamàn, ghùw Silìa.”
28Ghəa ghî yi an Ndùghènē è Tə̀dzûu zuw ghəa yì, ghe ŋ ŋgɛlɛ səso tsughu enyə, 29daŋso ghàʼ nùghù è kɔʼ, sè kɔ̀ʼ ndùw wə̄n an tuw kə ukwàʼ â ŋgwəlā gho aŋ kwàʼ wəla naʼ e fə̀ bəgha doʼo a te, alendùw maʼà tsughuu ndûw wən alô fə̀bɛʼɛ̀bigh. 30Ù ŋ kòom mgbàŋ bwìi tsə̀ghà sə̀ ndùw ko enyə am faʼnlo e ghee, nùghù ndùw e wə̄n zo.
Yɛso dzùm sə̌ zə̀a fə̀ biigh fo
(Mâk 1:21-28)
31Yɛso n daŋso nùghù tsùghù ndùw aŋ Kàpɛnùm, naʼà fə̀ Galèlîi fə̀ li fo, ù n zoʼnlo àghì fughu Tsuʼntsə̄ u ghee. 32#Mat 7:28, 29 Dzughu zə n zuu ghee an ŋgòʼ è dzì zəla ù zoʼn ghî ghò a te, nu shwaʼ u wə̄n u fə̀ lo dò kə ushwāʼ. 33An Ndùghène è Tə̀dzûu è te, ghùw ù lì n lo fughu ù ki zə̀a fə̀ biigh fo a zəŋo ughùe, ù ŋ ke kəbɔ̂ŋ, 34“Hɛɛ̄! kà ghaʼ fəmso, sɛ̀ ki kwò a Yɛso, ghùw ù Nazalɛ̀t wə̄n a, ghù bùghò alebùghò ləŋe ghàʼ à? Ŋ̀ kwo nû ghû; ghù lǒ Ghùw ù Kə̀zə̀ ù Zɔ̀lɔ!”
35Yɛso ŋ ke naŋa ndùw wə̄n, dzɛ̀ tsùghù enyəa, “Dòʼò mɔŋ, ghù mba sə nughu a zəŋò ghùw vʉ̀!” Zʉ̀ u te wə m bòʼò tə̀m wò ghùw vʉ̀ a ghueetsə̄, a fughu an sə kə aghì, nùghù sə̀ wò a zəŋò wə̄n mo kə kâ wə̄n nomso.
36Dzughu zə n zum ghî a te gho a dzə̀m, chìa m bvʉ â kə̀chìa enyəa, “Wən lǒ ŋgòʼ è shwàʼ ù ghɛ wo ēnyə à? Tɔŋlo enyəa tûw wən dôo tsə̀ghàsò kə̀làŋ â zʉ̀ ù biigh wò, vʉa u səā nughùun wo.” 37Zhɔ̂ŋ u Yɛso wə̀ n nyəŋ ŋgəa tsughu naʼà təla tə kɔʼɔ̄ twee wo ghèe ghê naʼ e Kàpɛnùm zò.
Yɛso bǎaŋ ndə̀m è àghì
(Mat 8:14-17; Mâk 1:29-34)
38Yɛso n zə̀ghà tsùghu an Ndùghènē è Tə̀dzûu, nùghù ndùw an ndughu alô Sǎemòn. À n lo mo ghue ù tughu u ki nə̀ghàwì ù Sǎemòn. Ghe n dì dzɛ̀ ndùw ghəa e te zo â Yɛso. 39Yɛso n səəŋ tee kəŋo ndùw an tuw kə nə̀ghàwì ù Sǎemòn, ke tsughu ghue u te wo, wə n zə̀ghàa tsùghu wə̄n. Nə̀ghàwì ù Sǎemòn n daŋso nùghù è kɔʼ, kàʼ ndùw fʉ̀ghàzəa ù tsə̀ghàsò wo â ghê Yɛso à tsə̀təndə̄ghā tə wə̄n to.
40A m bùghò zuw e sâaŋ tsughuu nduw, ghî ghəla ghe mò ki ghî à dzaāŋ gho, ghe n nì wò ghee a vʉ̀a Yɛso. Ù m mɔ̂ɔ tsùghuu ko kə̀chìa, ù n tughuu kɔʼɔ. 41Zʉ̀ wən səa nùghùun lò a zəŋò ndə̀mà tə aghì tò, zʉ̀ u te wə m buʼn səa wò m̀bɔ̀ŋ, dzàa tsùghuu enyəa “Ghù lǒ Wɛ ù Kə̀zə̀!” Ù ŋ kē ghee, kè boo enyəa ghe kɔʼɔ̄ kūɛɛ, tɔŋlo enyəa ghe mò kwo nû enyəa ù lò Bəghambī.
42A m bùghò tsuʼ u zuw tsughu, ù n nyɛʼɛ nè nùghù è tsughu, ndùw dòʼò ndùw an lùʼû kə̀ li ko wə̄n ànəŋ. Ghî ghə̀ ŋ kəŋ kaaŋ ko wə̄n enyə, ndùw kòʼ è nduw. Ghe n dəmà enyəa to ù kà mò ghee zə̀ghàa tàʼà. 43Ù m fwə̀n dzɛ̀ â ghee enyəa, “Ŋ̀ ki alendùw bəŋo fughuu sughò Làbəlà è fɔ̀e u Kəzə̀ zən â nàʼà tə̀ li to sughò, tɔŋlo enyəa Zə̀ kə fə̀ mugho fɛ tum wo bòʼ fwàʼ kə̀ è chì.”
44Yɛso n daŋso nùghù è tsughu, nàʼn kǎaŋ ndùw tùm è te an Dzùdîa an ndughutə̀ne tə ghee to.
Lûk 4
4
Yɛso alo kətsòmlo
(Mat 4:1-11; Mâk 1:12-13)
1Yɛso mo e nughùun wò èbàm a fughu an Dzodàn mo Zuʼ tə̀ Zɔlɔ tə ŋ wə̄n am fə̂ŋ nyəən tsughu, tə n tsom kɔʼ wə̄n, ù n nùghù sòʼ ndùw aŋ ŋgwən. 2Vʉatsə̄a ghə n tsoōm kaaŋ wə̄n fughu aŋ ghə̀m mə̀ ntsuʼu n chìakò. Ù m mughu ko a fughu êzə̀, ŋgəmso zəa yo fəgha ko an tsuʼu n te mò. Ghəa tsuʼu n te n tsəghà tsughu, dzə̀ŋ n ndùw bàʼ wò wə̄n.
3Vʉatsə̄a yi ghə n daŋso dzɛ̀ â wə̄n enyəa, “Abugho e lô enyəa ghù lǒ Wɛ ù Kə̀zə̀, dzǎa tsughu enyəa tia zən fə̀là kɔʼ kəbɛ tò ghù zə.”
4 #
Lwa 8:3
Yɛso m bɛ̀lɛ̀ ndùw wə̄n enyəa, “Ghe tɔm naŋa am mwàʼsò kə Kəzə̀ enyəa,
‘Ghùw kà mùghù ko yo alo kəbɛ̄.’ ”
5Vʉatsə̄a yi ghə n nì kɔ̀ʼ ndùw Yɛso an ndɔ̀ŋɔ̀ndɔ̀ŋɔ̀ fə ukwàʼ, a ghee aletsoō kɔʼɔ̄ tēe mò ù n wə̄n â nàʼà tə mbī tən dè ŋgə̀a wò tə dzə̀m, 6dzɛ̀ â wə̄n enyəa, “M̀ fughuu nù ghû a daʼa ko alesaʼa naʼà tə̀n tə̀ dzə̀m àsùghò kɔʼso n te mò, nu ghe mò â mùghò fughu nû, to m fughu â ghùw abugho Ǹ tsəm. 7Abugho ghù təm wo ŋguʼ to a tsəlà mùghò, ghù kele mɛʼɛ u dzə̀m.” 8#Lwa 6:13 Yɛso m bɛ̀lɛ̀ ndùw enyəa, “Ghe tɔm naŋa am mwàʼsò kə Kəzə̀ enyəa,
‘E kɔʼso ko Mughu ù te, Zə̀ kə̀a,
ghù è bɔɔm fwaʼā ko â wə̄n.’”
9Vʉatsə̄a a te ghə n daŋso nì ndùw Yɛso an Yɛ̀lusalɛ̀m, nì kɔ̀ʼ ndùw wə̄n edzūŋ èdzùŋ an tuw kə ndughu è Kə̀zə̀ e ne, dzɛ̀ â wə̄n enyəa, “Abugho ghù lǒ Wɛ ù Kə̀zə̀, tǎa sə tsùghù ndùw fɛ; 10#Sms 91:11, 12 nu ghe ŋgəəŋ tɔ̄m naŋa sùghò am mwàʼsò kə Kəzə̀ enyəa
‘Ù kè tuū tum tə Wə̄n, tə e chiīn ghû,
11ghe kê bɔɔ̄m toʼn kele kɔʼ ghû ènyə aŋ ghu,
ghe ghômlò enyəa ghù lò tsɔ̂ɔ ghuw ko alo etīa.’”
12 #
Lwa 6:16
Yɛso n daŋso bɛ̀lɛ̀ ndùw wə̄n enyəa, “Ghe tɔm naŋa am mwàʼsò kə Kəzə̀ enyəa,
‘Ghù kì yo aleboon fə̀ŋ è Mughu ù te, Zə̀ kə̀a.’ ”
13A m bùghò vʉatsə̄a yi də̂m kê tsughu aletsōom Yɛso an ndə̀mà tə tədzǐi, a mô è nughù, kwɛ̀ nàŋa ndùw wə̄n bugho ndzɔ̀ŋ kè dzɔ.
Yɛso də̀ghàan kə̀fwàʼ aŋ Galèlîi
(Mat 4:12-17; Mâk 1:14-15)
14Yɛso n nùghù nyə̀ ndùw èbàm aŋ Galèlîi an daʼa kə Zūʼ tə te to, zɔ̂ŋ u wə̄n wə̄ ŋ kùm mìasò nyə̀ ndùw alo tə ŋgwə̀là. 15Ù n zoʼn kaŋlo àghì aŋ ghəa a Kəzə̀ an Ndughutə̀ne tə Tə̀dzûu tò, ghî ghə̀là a dzə̀m ŋ kɛɛ wə̄n.
Ghe tue màʼà Yɛso an Nazalɛ̀t
(Mat 13:53-58; Mâk 6:16)
16Ù n nùghù ndùw an Nazalɛ̀t, an naʼ zəla ù fə̀ noō kɔʼ wo a te. Ù n ndùw nyə̀ ndùw an Ndùghènē è Tə̀dzûu Tsuʼntsə̄, à màʼà lô bughoo kə wə̄n. Ù n nùghù těe kɔʼ aletɔŋlo àghəa, 17ghe m fùghù ndùw wə̄n â mwàʼsò kə Èzayà kò, tɔɔŋ ghùwshʉ̀gha. Ù n tsʉ̀ ndùw an lùʼù kəla ghe tɔm naŋā enyəa,
18 #
Èzy 61:1, 2 “Zuʼ tə Mughù ù te tə kê lò a zəŋò mùghò,
bòʼ ù mò mugho tughu tsughu alenaʼn nduw Làbəlà è Dzùŋ â ghì à laa gho.
Ù mùghò tum wò alenàʼà ndûw enyəa ghî ghəla ghe mò kɔʼ ndùghùtsāʼ
mo ghe mǒ ghee kwu an tsam lo səā nù,
n naʼà ndûw sughò enyəa ghî à foō a lo kòʼò àsə,
àsùghò alebəghāa sə ghî ghəla ghe zuūw ŋgoʼ aŋ ghùu ghì à li gho.
19Ù mùghò tum wò alebùghò naʼà wô enyəa nəgha zə m kpe zəla Mughu ù te so bəghāa sə ghî a wə̄n.”
20Ghəa ù tɔɔŋ mɛʼɛ̀ tsughu, ù n daŋso nyəme kɔʼ mwàʼsò kə te ko, fùghù ndùw èbàm â ghùw ù nàŋlō, tsùghù gàʼ dòʼò è tsughu; sə a aghì yì a dzə̀m fughu an Ndùghènē n lo ko a zəŋò wə̄n.
21Ù ŋ kāʼ ndùw aledzɛ̀ â ghee enyəa, “Shwaʼ u Kəzə̀ wəla ghɛ̀ zuw nɛ, ghəa a te ghə m bəla kə nî.” 22Ghee a dzə̀m m fughu kɛɛ u wə̄n, kwə̀ən kə̀ ŋ kɔʼɔ ghee an ŋgòʼ è shwaʼ u nʉ̀ghà ù kuuw wəla ù sə wo an dzughu e wə̄n, ghe m bvʉ enyəa, “Wən mgbàŋ yǒ wɛ ù Dzùghùsî à?”
23Ù n dzɛ̀ à ghee enyəa, “Ŋ̀ kwo nû enyəa ghɛ̀ sô kwə̀ən dzàa wò â mùghò enyəa, ‘Ghùwŋgàŋ, sǒ baaŋ tsughu ghue wʉ̀a wǒ a, ghəəŋ tsughu sùghò ghəa ghə̀là ghàʼ zuw enyəa ghù mò ghəŋlo aŋ Kàpɛnùm fɛ an naʼ zəghà.’ ” 24#Dzn 4:44 Ù n daŋso dzɛ̀ tsùghù enyəa, “M̀ fɛ kùum dzàa wò nù â ghɛ̀, ghùwshʉ̀ghà ù lì yo ghe niī tò kəfəgha an naʼ e wə̄n.
25 #
1Ud 17:1
M̀ fɛ kùu dzàa wò êsəŋò â ghɛ̀ enyəa, ndə̀m è yiikpuw a fə̀ lo tsəgha an Ezə̀lɛ̂ an tì kə Èlaedzà, ghəa ghuuw e fə̀ kə̂a kɔʼ dòʼò tə̀nùu tə təgha àsùghò ndzɔŋɔ to tǔu mo e tsughuu yo. An tì kə te ko, dzə̀ŋ n nyə fughu alo enaʼ, tɔŋɔ ndɔ̄ŋ, 26#1Ud 17:8-16 Zə̀ kə̀ ka fə Èlaedzà dɔ̂ɔm tum a vʉ̀a wìkpuw u mɔ̀ʼ, tsə̀ghàa sə̌a ko yo wìkpuw wəla ù fə̀ lo aŋ kɔn u Zalɛ̄fàt, an naʼ e Sidɔ̀n. 27#2Ud 5:1-14 An tì kə ghùwshʉ̀gha Elishà, kɔ̂n kə ghî a tətsùghò kə̀ n dûuw sùghò alo Ezə̀lɛ̂, Zə̀ kə̀ ŋ kè baŋlo u mɔ̀ʼ a te, tsə̀ghàa sə̌a ko yo Naamàn, ghùw Silìa.”
28Ghəa ghî yi an Ndùghènē è Tə̀dzûu zuw ghəa yì, ghe ŋ ŋgɛlɛ səso tsughu enyə, 29daŋso ghàʼ nùghù è kɔʼ, sè kɔ̀ʼ ndùw wə̄n an tuw kə ukwàʼ â ŋgwəlā gho aŋ kwàʼ wəla naʼ e fə̀ bəgha doʼo a te, alendùw maʼà tsughuu ndûw wən alô fə̀bɛʼɛ̀bigh. 30Ù ŋ kòom mgbàŋ bwìi tsə̀ghà sə̀ ndùw ko enyə am faʼnlo e ghee, nùghù ndùw e wə̄n zo.
Yɛso dzùm sə̌ zə̀a fə̀ biigh fo
(Mâk 1:21-28)
31Yɛso n daŋso nùghù tsùghù ndùw aŋ Kàpɛnùm, naʼà fə̀ Galèlîi fə̀ li fo, ù n zoʼnlo àghì fughu Tsuʼntsə̄ u ghee. 32#Mat 7:28, 29 Dzughu zə n zuu ghee an ŋgòʼ è dzì zəla ù zoʼn ghî ghò a te, nu shwaʼ u wə̄n u fə̀ lo dò kə ushwāʼ. 33An Ndùghène è Tə̀dzûu è te, ghùw ù lì n lo fughu ù ki zə̀a fə̀ biigh fo a zəŋo ughùe, ù ŋ ke kəbɔ̂ŋ, 34“Hɛɛ̄! kà ghaʼ fəmso, sɛ̀ ki kwò a Yɛso, ghùw ù Nazalɛ̀t wə̄n a, ghù bùghò alebùghò ləŋe ghàʼ à? Ŋ̀ kwo nû ghû; ghù lǒ Ghùw ù Kə̀zə̀ ù Zɔ̀lɔ!”
35Yɛso ŋ ke naŋa ndùw wə̄n, dzɛ̀ tsùghù enyəa, “Dòʼò mɔŋ, ghù mba sə nughu a zəŋò ghùw vʉ̀!” Zʉ̀ u te wə m bòʼò tə̀m wò ghùw vʉ̀ a ghueetsə̄, a fughu an sə kə aghì, nùghù sə̀ wò a zəŋò wə̄n mo kə kâ wə̄n nomso.
36Dzughu zə n zum ghî a te gho a dzə̀m, chìa m bvʉ â kə̀chìa enyəa, “Wən lǒ ŋgòʼ è shwàʼ ù ghɛ wo ēnyə à? Tɔŋlo enyəa tûw wən dôo tsə̀ghàsò kə̀làŋ â zʉ̀ ù biigh wò, vʉa u səā nughùun wo.” 37Zhɔ̂ŋ u Yɛso wə̀ n nyəŋ ŋgəa tsughu naʼà təla tə kɔʼɔ̄ twee wo ghèe ghê naʼ e Kàpɛnùm zò.
Yɛso bǎaŋ ndə̀m è àghì
(Mat 8:14-17; Mâk 1:29-34)
38Yɛso n zə̀ghà tsùghu an Ndùghènē è Tə̀dzûu, nùghù ndùw an ndughu alô Sǎemòn. À n lo mo ghue ù tughu u ki nə̀ghàwì ù Sǎemòn. Ghe n dì dzɛ̀ ndùw ghəa e te zo â Yɛso. 39Yɛso n səəŋ tee kəŋo ndùw an tuw kə nə̀ghàwì ù Sǎemòn, ke tsughu ghue u te wo, wə n zə̀ghàa tsùghu wə̄n. Nə̀ghàwì ù Sǎemòn n daŋso nùghù è kɔʼ, kàʼ ndùw fʉ̀ghàzəa ù tsə̀ghàsò wo â ghê Yɛso à tsə̀təndə̄ghā tə wə̄n to.
40A m bùghò zuw e sâaŋ tsughuu nduw, ghî ghəla ghe mò ki ghî à dzaāŋ gho, ghe n nì wò ghee a vʉ̀a Yɛso. Ù m mɔ̂ɔ tsùghuu ko kə̀chìa, ù n tughuu kɔʼɔ. 41Zʉ̀ wən səa nùghùun lò a zəŋò ndə̀mà tə aghì tò, zʉ̀ u te wə m buʼn səa wò m̀bɔ̀ŋ, dzàa tsùghuu enyəa “Ghù lǒ Wɛ ù Kə̀zə̀!” Ù ŋ kē ghee, kè boo enyəa ghe kɔʼɔ̄ kūɛɛ, tɔŋlo enyəa ghe mò kwo nû enyəa ù lò Bəghambī.
42A m bùghò tsuʼ u zuw tsughu, ù n nyɛʼɛ nè nùghù è tsughu, ndùw dòʼò ndùw an lùʼû kə̀ li ko wə̄n ànəŋ. Ghî ghə̀ ŋ kəŋ kaaŋ ko wə̄n enyə, ndùw kòʼ è nduw. Ghe n dəmà enyəa to ù kà mò ghee zə̀ghàa tàʼà. 43Ù m fwə̀n dzɛ̀ â ghee enyəa, “Ŋ̀ ki alendùw bəŋo fughuu sughò Làbəlà è fɔ̀e u Kəzə̀ zən â nàʼà tə̀ li to sughò, tɔŋlo enyəa Zə̀ kə fə̀ mugho fɛ tum wo bòʼ fwàʼ kə̀ è chì.”
44Yɛso n daŋso nùghù è tsughu, nàʼn kǎaŋ ndùw tùm è te an Dzùdîa an ndughutə̀ne tə ghee to.
