Lûk Kəsee

Kəsee

À fə̌ Làbəlà e dzùŋ zən tɔm Lûk, ghùw Gə̀lêk ù lì ù fə̀ baāŋ tsəghà ghî à dzaŋā gho. Ù fə̀ tɔɔ nduw â ghùw ù lì ghe fə̀ tɔŋlo enyəa à lǒ Tǐofilùs. Soo kə eghəa kəla Lûk fə̀ tɔm làbəlà è dzùŋ zən a te lo enyəa, Tǐofilùs kele tsughu enyəa ghəa a Yɛso ghəla ghî ghəla ghe fə̀ teso dzâa wô â ghee, à fə̀ lo êsəŋò. Lûk ŋ gɔɔŋ sùghò enyəa to Toʼò è mô kele sugho ghəa zəla e lo an Làbəlà e dzùŋ e te àsùghò ghì a mbī ghən a dzə̀m. Ù fə̌ Làbəlà è dzùŋ mò ù lò an naʼ e Lumà, mò ghə̀m n tə̀nùu mə̀ n tsə̀ghà tǒ tǔu aŋghəa ghe fə̀ dzə Yɛso Kə̀lestò.

Làbəlà è dzùŋ è Yɛso zən teso dzàa wò fəgha kəla Yɛso fə̀ dzɛ ghè kò, è fala, ghəəŋ sugho enyəa ghî à zuūw kɛlɛ̂ dzì zəla Zə̀ kə̀ bəghaāsəā ghî ghò am boo tə ghee a te àsùghò â ghee alezə kətuw. Àsùghò enyəa, mo ghî à zuuw kɔʼɔ Làbəlà è dzùŋ zən, ghe m bɔɔm bwìi ndùw ko an dzə̀ è te to ghe lo zə kətuw abugho Yɛso kè bughò ebàm alebùghò saʼ mbī. À fə̀ lo ko Lûk Toʼò zò aŋ ghì ghəla ghe fə̀ tɔm To kə Kəzə̀ kə̀ fughu kən.

Ghî ghə̀ ŋ ghəa ghən an ndə̀mà tə təsàʼà fə̀nsò, aleghəŋlo enyəa ghî à tɔʼɔ̀ zuūwtɔ enyəa ghəa ghəla Lûk fə̀ tɔm kùu ndùw Yɛso à fə̀ lo êsəŋò. Zən lò eghēe a kôʼ tsughu enyəa e dzɔ̂ɔ nù alefə̀nsò wô sughò Shwaʼ u Kəzə̀ wən an shwāʼ u Aghə̀m, aleghəŋlo enyəa Ghə̂m à zuūwtɔ̄, to ghe e mughu an làŋ kə Kəzə̀, tò tsə̀ è Kə̀zə̀ è tughuu an tuw u ghee, sə̀ghà è kə̀tuw è ghee zə̀ è zɔlɔ aŋ ghəa Zuʼ tə Kəzə̀ tə̀ deē ghee â dzì.

A naŋso sə tsughu wò Mwàʼsò kə Lûk kən ko enyə:

Fəgha kəla kə tsoōm kɔʼ Lûk aletɔm làbəlà zən Lûk 1:1-4

Ghəa Yɛso noō sə kɔʼ a te Lûk 1:5—2:52

Ghe fəghaan naŋa tə̀luʼu â Yɛso alekaʼ kəfwàʼ Lûk 3:1—4:13

Fwàʼ kə Yɛso aŋ Galèlîi Lûk 4:14—9:50

Yɛso ndùuw an Yɛ̀lusalɛ̀m (Yɛso an dziī e Yɛ̀lusalɛ̀m) Lûk 9:51—19:48

Yɛso zoʼnlo aghì an Ndùghènē an Yɛ̀lusalɛ̀m Lûk 20:1—21:38

Fala e Yɛso à vʉ zō Lûk 22:1—23:56

Kɔʼso n Yɛso Lûk 24:1-53

נבחרו כעת:

Lûk Kəsee: agq

הדגשה

שתף

העתק

רוצים לשמור את ההדגשות שלכם בכל המכשירים שלכם? הירשמו או היכנסו

2020

מידע נוסף אודות To kə Kəzə̀ kə̀ Fughu ko