Yohane 8
8
1Agaiana Yesu laori i Bulu Saitun.
2Kahalona madondo-dondo, lao mbulimi Yesu i Souna Pue Ala. Maimi rahungkuki tauna bosa, hai mohudami Ia mepaguru i tabangaa Souna Pue Ala.
3Tangana Yesu mepaturo, hawemohe guru agama hai toParisi moanti hadua towawine au ralambi tonto mokara-kara, rapopeangka i olonda tauna bosa. 4Hai mololitahe i Yesu, rauli, “Guru, towawine ide ralambi tonto mokara-kara! 5I lalu Aturana Musa, ara parenta au manguli: towawine au mobabehi nodo hangangaa rawatui duuna mate. Mewali Oio, noumba pelambiaMu?” 6Tunggaiana pampekunenda iti, mohaoki peahe kamanawona lolitana Yesu bona rasalai. Agaiana Yesu, bara mehana. Motumpa pea mouki i tampo hai karaweNa.
7Mekune liliuhe tadulakonda to Yahudi Iria, ido hai mengowami Yesu, hai mololita, Nauli, “Hema i olomi au bara madosa, iami au ioru mowatui towawine iti!” 8Roo indo, motumpa mbulimi, hai mouki liliu i tampo hai karaweNa.
9Karahadina tadulako to Yahudi lolitana Yesu iti, padu ngkandiimohe hadua-hadua, mepongka hangko i tosae hawe i au mangura. Kahopoana, opemohe padu; Yesu pearai hai towawine iti au ara indo. 10Roo indo, mengowami Yesu hai mouliangaa towawine iti, “Tauna au mosalaiko inona iumbamohe hou? Barato pae ara au mohukuko?”
11Nahanai towawine iti, Nauli, “Bara ara, Pue.”
Nauli Yesu, “Mewali, bara woriko Kuhuku. Mesulemoko, hai ineemoko mobabehi dosa.”]#7:53–8:11 I lalu bahangkia naskah hangkoia, wati-watina ide bara ara.
Yesu iami pewangka au mopamabaa lalu manusia
12Roo indo, mololita mbulimi Yesu mepaturo, Nauli, “Ikomi pewangka au mopamabaa lalu manusia i humalele dunia. Tauna au meula Iriko, barahe molumao i kamakaindi. Batena molambihe kamabaa au mopaara katuwo au bara mokahopoa.”
13Rauli toParisi, “Bara tou lolitaMu, lawi mampololita peako wataMu haduduaMu.”
14Nauli Yesu, “Nauri mololitaNa kana i wataNgku haduduaNgku, batena tou lolitaNgku, lawi Kuisa kahangko iumbaKu mai hai Kuisa iumba kalaoaNgku. Agaiana ikamu, bara niisa kahangko iumbaKu mai hai iumba kalaoaNgku. 15Ikamu mebotusikau moula pea pekiri manusia, agaiana Iko baraNa mobotusi kara-karanda hema pea. 16Ane rapana, mobotusiNa kara-karanda tauna, pobotusiNgku batena manoto, lawi bara haduduaNgku. UmaNgku au motuduNa, Iami au mamporangaiNa.
17I lalu Sura Aturami ara teuki node, ‘Ane ara rodua sabi au himbela lolitanda, posabinda iti hangangaa rapoinalai.’ 18Ara rodua sabiNgku: Iko haduduaNgku hai karoduana, iami UmaNgku au motuduNa.”
19Rapekune toParisi, “Iumba UmaMu?”
Mehana Yesu, “BaraNa niisa, ido hai bara wori niisa UmaNgku. Ane rapana niisa kahemaNgku i katou-touana, keniisa wori UmaNgku.” 20Ope-ope iti napahawe Yesu tangana mepaguru i tabangaa Souna Pue Ala i hola peti pambolia doi popenomba. Agaiana bara mani rahaka, lawi bara mani hawe tempoNa.
21Nauli mbuli Yesu i tadulakonda to Yahudi, “Ina paduNa, hai ina nihaoki liliuNa, hai matekau i lalu kamadosami lawi nisapuakamoNa. Mewali i kalaoaNgku barakau peisa hawe.”
22Karahadina tadulakonda to Yahudi lolitaNa, mololitamohe hadua hai hadua, rauli, “Apa lempona lolitaNa inona? Ba mampeinaori pae menoo, pane Nauli barake peisa lao i kalaoaNa.”
23Nauliangaahe Yesu, “Ikamu to i duniakau, Iko maiNa hangko i wongko. Ikamu hangko i dunia ide, Iko baraNa hangko i dunia ide. 24Ido hai Kuuliangaakau inona, ina matekau i lalu kamadosami. Ane bara nipoinalai lolitaNgku au manguli Ikomi au rauli ‘IKO ARA’,#8:24 IKO ARA: Peita: Pes. 3:14. batena mpuukau mate i lalu kamadosami.”
25Rapekune, “Katou-touana, hemaKo?”
Mehana Yesu, “Roomokau Kuuliangaa hangko i nguru-nguruna! 26Ngkaia mani au ina Kusalaiakau. Agaiana Ia au motuduNa, hintoto mpuu rapoinalai, hai apa au Kuhadi hangko Iria, itimi au Kupahawe irikamu i dunia.”
27Au natunggai Yesu iami UmaNa i suruga, agaiana bara raisa lempona. 28Ido hai Nauliangaa mbulihe, “Ane mopamapangkamokau#8:28 Ane mopamapangkamokau Lempona: Ane nipakumoNa i kau mombehape. Ana Manusia, hangko niisari Ikomi au rauli ‘IKO ARA’, hai bara ara hampaka au Kubabehi moula peundeaKu. BateNgku pea mampololita apa au NapaturoaNa UmaNgku. 29Hai Ia au motuduNa, mamporangai liliuNa. BaraNa Napogiangaa haduduaNgku, lawi Kubabehi liliu apa au mopamatana laluNa.”
30Tangana Yesu mopahawe ope-ope iti, bosa tauna mepoinalai Iria. 31Mewali, mololitami Yesu i to Yudea au mepoinalai Iria, Nauli, “Ane nipeulai liliu paturoNgku, ina mewali mpuukau topeulaNgku, 32hai ane topeulaNgku mpuumokau, ina niisa mpuu paturo au tou, alana tekabahakau hangko i karapohawimi.”
33Mehanahe, rauli, “Ikami ide, pemuleanangkai Burahima! Barangkai hambela rapohawi. Moapari hai Nuuli ina tekabahangkai hangko i karapohawingki?”
34Nauli Yesu, “Tou mpuu lolitaNgku ide: ope-ope tauna au mobabehi liliu dosa, napohawihe dosa. 35Ane hawi, bara manoto kamaidana liliu i souna ampuna. Agaiana ane anana ampu sou iti, manoto kamaidana liliu inditi. 36Mewali, ane Kukabahakau hangko i dosami, tekabaha mpuumokau, lawi Iko, AnanaNa Pue Ala. 37Kuisa ikamu pemuleanakau Burahima. Agaiana arakau au mampeinao mopapateNa, lawi barakau modoko lolitaNgku. 38Apa au kuita hangko i UmaNgku, itimi au Kuuliangaakau. Agaiana ikamu mobabehi apa au napaturoakau umami.”
39Rauli to Yahudi, “Umangki iami Burahima!”
Nahanai Yesu, “Ane tou-tou ananakau Burahima, moapari bara nipeulai babehiana? 40Mopahawena paturo au tou au Kudoko hangko i Pue Ala, agaiana nipeinaoriNa nipapate! Ane Burahima, bara nodo babehiana. 41Babehiami iti batena moula babehiana wata umami!”
Rahanai to Yahudi, rauli, “Agaiana ikami, barangkai ana i tampo! Umangki hadua pea, Iami Pue Ala.”
42Nauli Yesu, “Ane tou-tou mpuu Pue Ala Umami, kenipokaahiNa, lawi Iko hangko i Pue AlaNa mai, hai Ikomi SuroNa. MaiNa bara moula peundeaKu haduduaNgku. Agaiana moulaNa peundeana Pue Ala, lawi Ia au motuduNa. 43Apa pongkana pane bara niisa lempona lolitaNgku? Bara niisa, lawi bara nibuku mohadi lolitaNgku. 44Umami iami Datu Tokadake! Hai nipeinao moula liliu peundeana umami iti. Hangko i nguru-nguruna ia topepapatemi. Paturona bara tou, lawi bara ara au tou iria. Ane modongko, itimi poantina, lawi ia topodongko mpuu, hai ope-ope tauna au modongko moulahe peundeana. 45Mewali, ido hai baraNa nipoinalai, lawi mampololitaNa apa au tou. 46Hemakau au peisa motudungiaNa kamadosaNgku? Ane mampololitaNa apa au tou, moapari hai baraNa nipoinalai? 47Taunana Pue Ala raunde mampehadingi hai mampeulai lolitana Pue Ala. Agaiana ikamu, bara niunde mohadi hai mampeulai lolitaNgku, lawi barakau hangko i Pue Ala.”
48Rauli to Yahudi, “Tou mpuu au kiuli! NodoKo to Samaria au napesuangi seta.”
49Nauli Yesu, “BaraNa napesuangi seta. Iko mobilaNa UmaNgku. Agaiana ikamu, baraNa nibila. 50BaraNa mampopetoia. Naunde Pue Ala bona rapomahileNa, hai Iami au mebotusi. 51Tou mpuu lolitaNgku ide: hema au mampeulai lolitaNgku, barahe ina mate i hae-haena.”
52Rauli to Yahudi, “Ide-ide kiisa napesuangi mpuukowei! Burahima, matemi. Nodo wori ope-ope nabi hangkoia, matemohe. Agaiana Nuuliri hema au mampeulai lolitaMu barahe ina mate i hae-haena. 53Ba Nuuli meliu kamahilena tuwoMu hangko i toiorunta Burahima au mahaemi mate? Ba meliu kamahilena tuwoMu hangko i ope-ope nabi au matemohe? Ane nodo lolitaMu, tuwoMu Nupahimbelari hai hema?”
54Nauli Yesu, “Ane mengkaiwongkoNa, bara ara pobunduana. Agaiana UmaNgkumi au mopaiwongkoNa, au niuli Pue Ala au nipenombai. 55Moleri barato niisa kahemaNa. Ane Iko, Kuisa. Ane keKuuli Ia bara Kuisa, modongkoNa nodo ikamu. Agaiana tou-tou kaKuisaNa, hai Kupeulai lolitaNa. 56Ane Burahima toiorumi, matana laluna lawi naisa kaina naitaNgku i alo kahaweaNgku, hai naitami kahaweNgku hai matana mpuu.”
57Rauli to Yahudi, “TinuwuMu, bara mani handa lima pulona parena. Moitamoko pae Burahima?”
58Nauli Yesu, “Tou mpuu lolitaNgku ide: hangko damani Burahima mesupa, Iko aramoNa!”
59Karahadina to Yahudi lolitaNa iti, motimamohe watu rapeinao mowatui Yesu. Agaiana Yesu padu ngkandii hangko i Souna Pue Ala hai barapi raita.
@LAI 2016
Yohane 8
8
1Agaiana Yesu laori i Bulu Saitun.
2Kahalona madondo-dondo, lao mbulimi Yesu i Souna Pue Ala. Maimi rahungkuki tauna bosa, hai mohudami Ia mepaguru i tabangaa Souna Pue Ala.
3Tangana Yesu mepaturo, hawemohe guru agama hai toParisi moanti hadua towawine au ralambi tonto mokara-kara, rapopeangka i olonda tauna bosa. 4Hai mololitahe i Yesu, rauli, “Guru, towawine ide ralambi tonto mokara-kara! 5I lalu Aturana Musa, ara parenta au manguli: towawine au mobabehi nodo hangangaa rawatui duuna mate. Mewali Oio, noumba pelambiaMu?” 6Tunggaiana pampekunenda iti, mohaoki peahe kamanawona lolitana Yesu bona rasalai. Agaiana Yesu, bara mehana. Motumpa pea mouki i tampo hai karaweNa.
7Mekune liliuhe tadulakonda to Yahudi Iria, ido hai mengowami Yesu, hai mololita, Nauli, “Hema i olomi au bara madosa, iami au ioru mowatui towawine iti!” 8Roo indo, motumpa mbulimi, hai mouki liliu i tampo hai karaweNa.
9Karahadina tadulako to Yahudi lolitana Yesu iti, padu ngkandiimohe hadua-hadua, mepongka hangko i tosae hawe i au mangura. Kahopoana, opemohe padu; Yesu pearai hai towawine iti au ara indo. 10Roo indo, mengowami Yesu hai mouliangaa towawine iti, “Tauna au mosalaiko inona iumbamohe hou? Barato pae ara au mohukuko?”
11Nahanai towawine iti, Nauli, “Bara ara, Pue.”
Nauli Yesu, “Mewali, bara woriko Kuhuku. Mesulemoko, hai ineemoko mobabehi dosa.”]#7:53–8:11 I lalu bahangkia naskah hangkoia, wati-watina ide bara ara.
Yesu iami pewangka au mopamabaa lalu manusia
12Roo indo, mololita mbulimi Yesu mepaturo, Nauli, “Ikomi pewangka au mopamabaa lalu manusia i humalele dunia. Tauna au meula Iriko, barahe molumao i kamakaindi. Batena molambihe kamabaa au mopaara katuwo au bara mokahopoa.”
13Rauli toParisi, “Bara tou lolitaMu, lawi mampololita peako wataMu haduduaMu.”
14Nauli Yesu, “Nauri mololitaNa kana i wataNgku haduduaNgku, batena tou lolitaNgku, lawi Kuisa kahangko iumbaKu mai hai Kuisa iumba kalaoaNgku. Agaiana ikamu, bara niisa kahangko iumbaKu mai hai iumba kalaoaNgku. 15Ikamu mebotusikau moula pea pekiri manusia, agaiana Iko baraNa mobotusi kara-karanda hema pea. 16Ane rapana, mobotusiNa kara-karanda tauna, pobotusiNgku batena manoto, lawi bara haduduaNgku. UmaNgku au motuduNa, Iami au mamporangaiNa.
17I lalu Sura Aturami ara teuki node, ‘Ane ara rodua sabi au himbela lolitanda, posabinda iti hangangaa rapoinalai.’ 18Ara rodua sabiNgku: Iko haduduaNgku hai karoduana, iami UmaNgku au motuduNa.”
19Rapekune toParisi, “Iumba UmaMu?”
Mehana Yesu, “BaraNa niisa, ido hai bara wori niisa UmaNgku. Ane rapana niisa kahemaNgku i katou-touana, keniisa wori UmaNgku.” 20Ope-ope iti napahawe Yesu tangana mepaguru i tabangaa Souna Pue Ala i hola peti pambolia doi popenomba. Agaiana bara mani rahaka, lawi bara mani hawe tempoNa.
21Nauli mbuli Yesu i tadulakonda to Yahudi, “Ina paduNa, hai ina nihaoki liliuNa, hai matekau i lalu kamadosami lawi nisapuakamoNa. Mewali i kalaoaNgku barakau peisa hawe.”
22Karahadina tadulakonda to Yahudi lolitaNa, mololitamohe hadua hai hadua, rauli, “Apa lempona lolitaNa inona? Ba mampeinaori pae menoo, pane Nauli barake peisa lao i kalaoaNa.”
23Nauliangaahe Yesu, “Ikamu to i duniakau, Iko maiNa hangko i wongko. Ikamu hangko i dunia ide, Iko baraNa hangko i dunia ide. 24Ido hai Kuuliangaakau inona, ina matekau i lalu kamadosami. Ane bara nipoinalai lolitaNgku au manguli Ikomi au rauli ‘IKO ARA’,#8:24 IKO ARA: Peita: Pes. 3:14. batena mpuukau mate i lalu kamadosami.”
25Rapekune, “Katou-touana, hemaKo?”
Mehana Yesu, “Roomokau Kuuliangaa hangko i nguru-nguruna! 26Ngkaia mani au ina Kusalaiakau. Agaiana Ia au motuduNa, hintoto mpuu rapoinalai, hai apa au Kuhadi hangko Iria, itimi au Kupahawe irikamu i dunia.”
27Au natunggai Yesu iami UmaNa i suruga, agaiana bara raisa lempona. 28Ido hai Nauliangaa mbulihe, “Ane mopamapangkamokau#8:28 Ane mopamapangkamokau Lempona: Ane nipakumoNa i kau mombehape. Ana Manusia, hangko niisari Ikomi au rauli ‘IKO ARA’, hai bara ara hampaka au Kubabehi moula peundeaKu. BateNgku pea mampololita apa au NapaturoaNa UmaNgku. 29Hai Ia au motuduNa, mamporangai liliuNa. BaraNa Napogiangaa haduduaNgku, lawi Kubabehi liliu apa au mopamatana laluNa.”
30Tangana Yesu mopahawe ope-ope iti, bosa tauna mepoinalai Iria. 31Mewali, mololitami Yesu i to Yudea au mepoinalai Iria, Nauli, “Ane nipeulai liliu paturoNgku, ina mewali mpuukau topeulaNgku, 32hai ane topeulaNgku mpuumokau, ina niisa mpuu paturo au tou, alana tekabahakau hangko i karapohawimi.”
33Mehanahe, rauli, “Ikami ide, pemuleanangkai Burahima! Barangkai hambela rapohawi. Moapari hai Nuuli ina tekabahangkai hangko i karapohawingki?”
34Nauli Yesu, “Tou mpuu lolitaNgku ide: ope-ope tauna au mobabehi liliu dosa, napohawihe dosa. 35Ane hawi, bara manoto kamaidana liliu i souna ampuna. Agaiana ane anana ampu sou iti, manoto kamaidana liliu inditi. 36Mewali, ane Kukabahakau hangko i dosami, tekabaha mpuumokau, lawi Iko, AnanaNa Pue Ala. 37Kuisa ikamu pemuleanakau Burahima. Agaiana arakau au mampeinao mopapateNa, lawi barakau modoko lolitaNgku. 38Apa au kuita hangko i UmaNgku, itimi au Kuuliangaakau. Agaiana ikamu mobabehi apa au napaturoakau umami.”
39Rauli to Yahudi, “Umangki iami Burahima!”
Nahanai Yesu, “Ane tou-tou ananakau Burahima, moapari bara nipeulai babehiana? 40Mopahawena paturo au tou au Kudoko hangko i Pue Ala, agaiana nipeinaoriNa nipapate! Ane Burahima, bara nodo babehiana. 41Babehiami iti batena moula babehiana wata umami!”
Rahanai to Yahudi, rauli, “Agaiana ikami, barangkai ana i tampo! Umangki hadua pea, Iami Pue Ala.”
42Nauli Yesu, “Ane tou-tou mpuu Pue Ala Umami, kenipokaahiNa, lawi Iko hangko i Pue AlaNa mai, hai Ikomi SuroNa. MaiNa bara moula peundeaKu haduduaNgku. Agaiana moulaNa peundeana Pue Ala, lawi Ia au motuduNa. 43Apa pongkana pane bara niisa lempona lolitaNgku? Bara niisa, lawi bara nibuku mohadi lolitaNgku. 44Umami iami Datu Tokadake! Hai nipeinao moula liliu peundeana umami iti. Hangko i nguru-nguruna ia topepapatemi. Paturona bara tou, lawi bara ara au tou iria. Ane modongko, itimi poantina, lawi ia topodongko mpuu, hai ope-ope tauna au modongko moulahe peundeana. 45Mewali, ido hai baraNa nipoinalai, lawi mampololitaNa apa au tou. 46Hemakau au peisa motudungiaNa kamadosaNgku? Ane mampololitaNa apa au tou, moapari hai baraNa nipoinalai? 47Taunana Pue Ala raunde mampehadingi hai mampeulai lolitana Pue Ala. Agaiana ikamu, bara niunde mohadi hai mampeulai lolitaNgku, lawi barakau hangko i Pue Ala.”
48Rauli to Yahudi, “Tou mpuu au kiuli! NodoKo to Samaria au napesuangi seta.”
49Nauli Yesu, “BaraNa napesuangi seta. Iko mobilaNa UmaNgku. Agaiana ikamu, baraNa nibila. 50BaraNa mampopetoia. Naunde Pue Ala bona rapomahileNa, hai Iami au mebotusi. 51Tou mpuu lolitaNgku ide: hema au mampeulai lolitaNgku, barahe ina mate i hae-haena.”
52Rauli to Yahudi, “Ide-ide kiisa napesuangi mpuukowei! Burahima, matemi. Nodo wori ope-ope nabi hangkoia, matemohe. Agaiana Nuuliri hema au mampeulai lolitaMu barahe ina mate i hae-haena. 53Ba Nuuli meliu kamahilena tuwoMu hangko i toiorunta Burahima au mahaemi mate? Ba meliu kamahilena tuwoMu hangko i ope-ope nabi au matemohe? Ane nodo lolitaMu, tuwoMu Nupahimbelari hai hema?”
54Nauli Yesu, “Ane mengkaiwongkoNa, bara ara pobunduana. Agaiana UmaNgkumi au mopaiwongkoNa, au niuli Pue Ala au nipenombai. 55Moleri barato niisa kahemaNa. Ane Iko, Kuisa. Ane keKuuli Ia bara Kuisa, modongkoNa nodo ikamu. Agaiana tou-tou kaKuisaNa, hai Kupeulai lolitaNa. 56Ane Burahima toiorumi, matana laluna lawi naisa kaina naitaNgku i alo kahaweaNgku, hai naitami kahaweNgku hai matana mpuu.”
57Rauli to Yahudi, “TinuwuMu, bara mani handa lima pulona parena. Moitamoko pae Burahima?”
58Nauli Yesu, “Tou mpuu lolitaNgku ide: hangko damani Burahima mesupa, Iko aramoNa!”
59Karahadina to Yahudi lolitaNa iti, motimamohe watu rapeinao mowatui Yesu. Agaiana Yesu padu ngkandii hangko i Souna Pue Ala hai barapi raita.
@LAI 2016